ان مبتعثه لكن ربه بيت

يااااااااااااحليلك ذكرتيني بأمي شاااايله هم كل ذا

عاد انا بقولك الاشياء اللي تستخدمينها قطاعي اشتريها من هناك مثال الخضرا وغيره

والاشياء اللي من ابو علب وكراتين اطلبيها شحن

يوصل لحد بيتك او للمطار في اي ولايه تطلبينه

عشان اطمنك الوالده حتى سطول التمر والهيل والعده بتشحنها

وفي شركة تنقل الكيلو بــ 5 ريال ونص لييييييييين ماليزيا عاد كلميهم انتي واستفسري لامريكا

وسعي صدرك كل شيء يهوووون

البهارات مافي ازين من بهاراتنا شيليها معك بتكفيك

بس الصدق موضوعك

فلللللللله يضحك


اتمنى اني فدتك

ههههههههههههههههههههههههه وش ذا القلق ؟

لا لا تشيلي هم ترا بأمريكا عندك الاسعار طيبة خصوصا الكوبونات اللي توزع بالنسبة للتخفيضات في حال اشتريت بسعر معين صراحة تفيدنا كثير اهم شي الواحد لا يستحي من استخدامها عادي جدا .... و بالنسبة للفواكه و الخضار عندهم ممتازة جدا و افضل من اللي عندنا خصوصا اذا رحتي الولايات الشمالية .... عموما في بعض الحاجات ما رح تلقيها هناك زي رز الكبسة و الهيل العربي و البن و التمر السعودي من السكري و العجوة و غيره ... و بعض البهارات ايضا ما رح تلقينها ... بس رح تجدي بدائل كثيرة ... اهم شي في حال السفر من هنا لا تعبي شنطة بكبرها رز و سكري و بن ...الخ ... ترى صاروا يركزوا على المأكولات بالمطار ... اصلا انتي كذا و لا كذا رح تتكيفي مع اكلهم و الحاجات اللي موجودة بسوقهم ... اهم شي ركزو على الدراسة و خلي المقاضي على جنب ... و يحلها الحلال

أختي ترى كل شيء متوفر لا تشيلي هم

يمكن الي ما تلاقينه هو التمر او تلاقينه بسعر مرتفع

حتى البهارات تلاقينها

وكل شيء موجود ولله الحمد ولكن بنبهك لحاجة

ترى اغلى شيء هي الفواكة والخضروات

هذا الشيء الي لاحظته بأمريكا

ولكن ماهو بالسعر المرتفع بالمرة

ولكن تطمني كل شيء تمام

لكن على حسب اختيارك للولاية

لان الاسعار من ولاية إلى ولاية تختلف بالمرة والضريبة تكون غير

الله يسعدك يارب


والله ضحكتيني من قلبي

ما يحتاج شحن ولا شي

كل شي متوفر وباسعار معقوله بالنسبه للولايات الشماليه

بالتوفيق

طمنتوني باذن الله منب جايعين
وجزاكم الله خير.

صح انتي احمدي ربك رايحه امريكا كل شيء متوفر واحسن بعد

موب رايحه للجاوه ما عندهم ما عند جدتي

اشياء غريبه عجيبه

انا وصلت الاراضي الامريكية وانا مالي دخل في المطبخ لكن قبل لااروح طلبت من اختي تكتب لي ورقتين ثنتين ..ز وحده فيها الكبسه والثانية فيها المكرونه


وخلال شهر تعلمت اصير ربة منزل ناجحه وصرت اعرف اطبخ صح .. ادرجة انها صارت هواية عندي .. حتى واحد من شباب المسجد امس قال لي المدام تسلم عليك وتقول ياليت تعطيها طريقة ومقادير الاكله اللي صلحتها لي هذاك اليوم... والله ياني مت ضحك وحسيت بنقص في رجولتي.. يعني شوي مو مره ...


واللي اقدر افيدك فيه ان المقادير تقدرين تاخذيتها من مصدرين

المصدر الاول سوبر ماركت اسلامي خاصة حق الهنود والباكستانيين.. راح تلقين فيه اكل حلال لحم حلال ودجاج حلال وحتى الدجاج في بعضها طازج وتوه مذبوح لكنه اغلى شوي من دجاج السوق..
وراح تلقين رز هندي بسمتي وبهارات لكن لاتشترين خضار منهم لانهم احيانا اغلى ... يعني محلات السوبر ماركت الاسيويه بشكل عام راح تفيدك.. وخذي معك بهارات بس من السعودية

المصدر الثاني محلات بيع المواد الغذائية الكبيرة واللي فيها المواد الغذائية ارخص واكثر تنوع وخيارات.. منهم اشتري الخضرة وباقي الامور اللي متوفره في كل مكان واللي مايحتكرها السوبر ماركت الاسلامي...اذا بتشترين دجاج من السوق الامريكي اشتري دجاج يهودي اسمه tyson تايسون واللي هو اقرب مايكون للدجاج الحلال لانه مذبوح بالطريقة الصحيحة مو صعق كهربائي.. لا وتلقينه رخيص بعد.. وبعض المسلمين لما يروح لهالمحلات يدور المنتجات اليهودية لانها اقرب لطبيعة اكلنا..

احذري من بعض المواد المستخرجة من الخنزير واللي توجد في بعض المواد الغذائية مثل الجيلاتين

واذا بتاكلون برى يفضل بيتزا نباتيه او مطاعم اسلاميه

واذا عندك اي سؤال انا جاهز