وش تسوي اذا طفشت وقت الفراغ (اكتب لنا)

البلوت هي البلاء كله انواع الفضاخ واخرتها كل واحد ضايق على الثاني حنا نبي نبسط مانبي رفعت ضغط
ولا السوني مالقيت لي منافس كل الشباب هزمتهم مليت والله

مساكم الله بالخير جميع

والله صادقين تجيك ايام طفشش وتحس كل شي سويته ...
بالنسبه لي احاول يوميَآ اروح للنادي ونلعب كوره والا حديد على الخفيف

ويكند ياسينما ياجمعة شباب وسوني < لبى البرشـآأإآ بص
الموشكله كل ماقلت بتطلع مع امريكان بالويكند لازم يكون بآرتي او كـلوب

مآإأآسن + موقع كملنآ + الخ < لايدرون عنّـآ الملحقيه ماحنا ناقصين

برب

موضوع فرفشة جميل ..

بالنسبة لي لعب البلوت مع الأصدقاء شيء ممتع ..

والله لو مافيه سعودين عندي كان انتحرت من الطفش والله اللي يقول ابي ديره مافيها سعوديين انه غلطان وجاهل بالعكس السعوديين ه
م اللي يعلمونك الديره واللي فيها من الاماكن الترفيهيه وخدومين واذا بغيت يودونك لاي مكان مايقصرون ويستقبلونك فالمطار ويودونك المطار
وكل فتره يدقون عليك يقلون تعال حنا مسوين قهوه وشاهي وحلويات وقدوع وفله بس انا ماقول تكون اربع وعشرين ساعه معهم يعني فترات
يالبى والله قلوبك يالسعوديين يعلم الله اني احبكم جميع وانا اقولها السعودي اكثر انسان على وجه الارض فرندلي واجتماعي لابعد الحدود بس مهضوم حقنا ويحسبونا مجرمين ماقول غير الله يخليكم
لي ولايحرمني منكم ولا كان ضعت من زمان في بلد الغربه ....شكرااااااااااااا لك ياسعودي

ههههههه كلآمك حلوو ورائع جدا ًبس الحق يقال أغلب السعوديين إذا ما كان كلهم كريمين واي شي تبيه يحاول يساعدك على طول بعكس الآجانب اللي عندي يالله ماودهم تطلبهم شي مثل لو تطلبه جواله لو دقيقه وحدة <<مجربها هههههه

انا في بداية دراستي كنت اقول ماودي امشي مع سعوديين عشان أتعلم لغة لكن الحين ما أمشي الآ معهم ومثل ما تفضلت أنت ولا أزيد على كلامك عنهم

وبعدين انت طفشان طيب انا وش اقول في بريطانيا الكئيبة المملة وزيادة على كذا ما ماعندي شي غير النت بس .. يالله عقبال ما أجيكم أدرس عندكم إن شاءلله

وعندك في امريكا أكثر من 270مدرسة للرياضات الجوية زورهم يمكن يعجبونك .. عندهم القفز المظلي الحر والطيران الشراعي هيك شي او زور أندية لرياضات أخرى

بخصوص الكلب إذا شافك هربت ممكن يلحقك على طول فــ لاتبين له أنك خايف .. وبعدين أقرا إية الكرسي والمعوذات يوميا ً فهي خير حافظ بعد الله إن شاءلله ..

دمت بوود ،،

ياويل ويلي ويلاه تبيني انط من السماء والله بالدف ركبوني الطياره عشان اجي امريكا تبيني انط منها لو تعطيني مليوووون مانطيت الحين مامسكتني الارض عشان تمسكني السماء قسم بالله كان يغمى علي فالهوى ههههههههه وبعدين نبلش......... اقول امسك ارضك ربي قال وامشوا في مناكبها وكلوا من رزقي ماقال طيروا فحلقي ههههههههه

هههههههههه لا تخاف إن شاءلله مايصير لك شي .. وكثير جربوها خخخخ

هذي الرياضة شفتها في الرياض قبل عدة سنوات وأعجبتني ولعلمك ناوي إن شاءلله أحصل على رخصتها الدولية وعندك في امريكا بأذن لله .. بس والله ان الشعور حلو وأنت تطير هع

طيب ياخوي مارس هوايتك المفضلة اللي تحبها عشان ماتزهق .. حتى لو هوايتك تغسيل السيارات غسل هههههههههه <<يسمع بممارسة الهواية المفضلة .. أهم شي ماتقعد زهقان عشان مايجيك الفتور بعدين تجيك الآفكار السيئة وتقول زهقت ودي ارجع السعودية <<مايقصد نفسه ههههههههههه

بس جد حاول ماتزهق ترا ممكن تأثر على نفسيتك وبعدين على دراستك <<فيلسوف خخخخخ ،،

ماشاء الله اهنيك على شجاعتك بس ماتخاف تطيح؟ ولا وش رايك خذ لك مظله شمسيه عشان احتياط اذا طحت >>>متأثر افلام كراتين

الخوف وارد وحاصل لآول مره أكيد .. لكن هم يدربونك من البداية على أرتفاع بسيط يعني مافيها خوف مرره لكنها ممتعة ..

وبعدين فيه رياضة غيرها تطير من الآرض باختصار {طيارة مصغرة مرره}هذي عاد ماتخوف ولافيها قفز من الطيارة ولاتتعذر خخخخخ

الشكوى لله يعني طايرين طايرين بس ترى على مسؤليتك اذا مت ترى ماعرف الا انت برفع عليك قضيه هههههههههههههههه شفت الطفش وش يسوي بس انا هوايتي التطعيس بالهايلكس وهنا مافيه طعوس وعندي هوايه ثانيه الا وهي صيد جرابيع وهنا ماعندهم الا سناجب لا والوان بعدخخخخخخ