تعالوا نتقاسم همومنا !!

الواحد صار مجنون من كثر الأشغال والتعب والمشاكل

الوالد مريض
نقل عفش البيت واللي يقهر إن توني مشتري العفش
ترتيب أغراض السفر
الفراغ وخصوصا إني كنت موظف ولفترة طويلة
أمي ماهي راضية على إبتعاثي وتقديمي للإستقالة من عملي



لا إله إلا أنت سبحانك إني كنت من الظالمين


اللهم أنت ربي لا إله الا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك عليّ وأبوء بذنبي، فاغفر لي، فإنه لا يغفر الذنوب إلا أنت



قلبتي المواجع شوي

وعليكم السلام ورحمة الله وبركاته

والله في الايام هاذي مالي هم الا امي اللي اشوفها من الان بدت تبكي وتخفي دمعاتها عني حزنا على الفراق
وانا مابيدي اللي اني اصبرها واكتم عبراتي إلى يوم السفر...اليوم اللي راح اودع فيه امي واهلي
بصراحة مااتوقع اني راح اقدر امسك نفسي من الدموع خصوصا في لحظات الوداع الاخيرة

الله يصبرنا على فراق اهلنا واقاربنا ويردنا لهم سالمين
تحياتي لك،،

معاك حق ماصرنا نعرف وش نبدي ؟؟ كل الهموم أجتمعت بالوقت الضايع بالنسبة لي ناقلة هم أمي وفراقها من الحين بدت

تبكي كيف لاسافرنا ؟ غير كذا الفراغ يقتل وأغراض السفر ماتبي تخلص والسفر قرب وفيزة أخوي ماطلعت للآن وشايلة هم

أخوي هناك لأنه مريض بالسكر الله يشفيه ويشفي مرضى المسلمين صار هو شغلي الشاغل وتفكيري خايفه عليه أكثر من

نفسي مع أنه بسم الله عليه ماينخاف عليه ويعتمد عليه بس غصب إحساسي كل شي أفكر فيه وشايله همه ..

بس أرجع أقولك ربك كريم و أنا أختك ومطلع على الحال وماضاقت إلا تفرج الله يشفي أبوك ويطول بعمره ويسخر لك أمك

وترضى عن البعثة .. شاكره جداً لك سرعة تجاوبك ومتى ماحسيت بضغط لايردك الا الكيبورد أقلها الواحد ينفس

عن حاله شوي ويلقى كلام يريحه ويخفف همه ..

تقبل تحياتي أخوي

والله يا أخوي نفس الوضع بالضبط أمي من الآن بدت تبكي وأنا ما أتحمل دموعها .. تاركتها على رب العالمين الله يصبر أمهاتنا

ويصبرنا .. شكراً جزيلاً

الله كريم بالنسبة للوداع أنا حاسة بيصير فلم هندي وبالأخير مارح أركب الطيارة هههههههههههههههههههههههه

الله يستر .. ياااربي تقوووي قلبي

شاكره لمرورك

ااااااااااااااه يا قلبي وما ادراكي ما بالقلب

الواحد يفرح لا طلع اسمه من المبتعثين وينقز من الفرح لا جات الفيزا ويطير من الفرحه لا طلع ولله الحمد قرار الابتعـــــاث

فجاه ,,,,,,,,,

يحس بدموع قلبه وهي تذرف وكانو يعيش اخر ايامه مع اغلى الحبايـــب ,,
انا كمان امي والله لها اسبوعين وهي ضغطها طالع وكل يومين تروح المستشفى واحساسي بالذنب مايفارقني ,, هي فرحانه عشاني بس قلبها بيتقطع وماسارت حتى تبا تخرج من البيت عشاني

الحمدلله على كل حــــــــــــال ,, نطمح للمستقبـــــل لكن فراق الغاليه والاخوات يدمـــــــر القلـــب

ااااااة يالوداع واه ياقلبي كل ما ااروح لاهلي يبكوا وكل ما اطلع لاهل زوجي يبكوا الا وهدا دحين ولسا ماسافرنا مدري اش بيسووا يوم السفر
لاوكنت شايلة هم جدتي حبيبتي مبغا اقولها اني بسافر كل يوم اقول بكره بكرة وتخيلوا اش صار بيوم وليلة وفجأة توفت وانتقلت للرحمة ربنا ااااااااااااااااخ بس مقدر اقول اكتر الله يهون علينا وعلى حبايبناويسهل سفرنا على خير ويرجعنا لحبايبنا سالمين غانمين احمعين

مدري ايش أقوووول ؟؟ بس أقسم بالله عيوني دمعت