(( ما جستير موارد بشرية )) لمن يريد أن يتحد معنا ويرغب في الإلتحاق >>> كحيلان 2010

هلا كحيلان

ارسلت لك على بريدك رقم موبايلي

وقريبا ً ان شاء الله اوافيكم بأخبار حلوه

ياجماعة الخير

اولا ً السلام عليكم ورحمة الله وبركاته

ثاني شي ترى الموضوع ماهو اختراع قنبلة ذرية ,, كلنا شباب وواثقين من انفسنا ومن قدراتنا ..

يا أخي أقل عمر فينا يتجاوز 26 سنه .. وممكن نعتمد على انفسنا بشغلات كثير

وليه اروح أحد ّ عمري على مكتب يجلس يسحب فيني شهور ويذلني علشان يجيب لي قبول ..

تأكدوا ياجماعة الخير ان مراسلة الجامعات من أسهل مايكون ..

اقسم لكم بالله ان لغتي ماهي زود .. واني استخدمت مترجم قوقل مليون مره ونكبني 20 مليون مره ,, لكن مايخالف مشت اموري وتسهلت ..

عموما ً نصيحه لوجه الله وعلشان تعرف وش لك وش عليك ,, أول خطوه تسوونها انكم تراسلون شركة wes لمعادلة المعدل .. أو بالأصح لتعديل المعدل من 5 الى 4 حسب النظام الأمريكي غالبا ً .

مراسلتهم بسيطه وفيه موضوع يشرح لكم خطوه خطوه وهو موجود في منتدى مبتعث .,.
كل ماعليك هو كتابة ( طريقة تقييم المعدل شركة wes ) على قوقل وراح يطلع موضوع في مبتعث وش كبره ,, وماقصروا الشباب شرحوه شرح وافي ..

انا راسلتهم وفي اقل من اربع ايام وصلني التقييم ومختوم وارسلته للجامعه بالفيديكس ومجرد وصوله للجامعه بعدها بيومين ارسلت لي مشرفة التسجيل بان طلبي خلص وان القبول راح يوصلني خلال يومين ..

وعموما ً هذا ايميلي MML585 على الهوت ميل ,, مع اني اعتذر عن مخالفة شروط المنتدى لكن لأني انقهر من مكاتب القبول اللي تلعب باعصاب الطلاب وتذلهم علشان القبول .. وصدق الشاعر اللي يقول : ماحك جلدك مثل ظفرك ,, فتول ّ أنت جميع أمرك

وانا اعتبروني اخوكم الصغير واللي تامرون به واقدر افيدكم به ابشروا ,,

وبالنسبه للي سألني عن معدله ,, على فكره تذكر شي واحد ,, وهو ان الجامعات الامريكية اخذت منحى الماديات قبل كل شي ,, فبما انك راح تدفع اكيد راح تدرس لو حتى معدلك صفر من 5

والشغله الثانيه ترى القبول المعتمد غالباً يكون على معهد اللغه في الجامعه .. وبعد اللغة صدقني راح تكمل لو بغيت طب ماهو موارد بشريه وبس .

واتمنى ان كلنا كقروب نجتمع يوم وتكون رحلتنا جميعا ً بعد .

وتمنياتي لكم بالتوفيق ,

انا فالحقيقه بحثت عن قبول جامعه وكلها عن طريق المكاتب ومبالغها جامده اظافة الى انها تأخذ فتره زمنيه من 6 الى 8 اسابيع توصل لشهرين
وهذا الشي مزعج لكن مادام اخونا dream سجل في جامعه ياليت تساعدنا فالقبول بنفس الجامعه وتعطينا تفاصيل التسجيل بنتعبك شوي معنا
وكم كلفك القبول والمده اللي اخذت فيها القبول وبكوون شاااكر لك ومقدر وبتسوينا فينا خير