جاني صداع من التفكير.. ممكن مساعدتكم؟؟

يبي لك طق على راسك

اول شيء يسعد مسائك اختي الغاليه ..وثاني شيء الله يكتب لك الخيره في امرك ويوفقك

اسئلتك من الواضح فيها انك متخوفه من المجازفه وفي بالك اكثر من مشروع ..
بختصر لك الوضع بكل سهوله


اول شي تعقيدات الفيزا
بالنسبه لتعقيدات الفيزا هذا كان زمان ياوخيتي اما الان الامور ابسط مما تتخيلين .
بالسابق كان بس عشان تاخذين موعد تجلسين من شهرين إلى 3 وقد تصل إلى 4 اشهر لكن الان والحمدلله بفضل حكومتنا الغاليه ممكن تاخذين الموعد في يومين إلى شهر ونص بالكثير في اوقات الضغط .

اما الامور الثانيه بخصوص التعقيدات هم راح يسوون لك مقابله شخصيه كأنك توك مقدمه على وظيفه يعني وش بتدرسين ووين راح تدرسين اي ولايه وليه اخترتي امريكا واسئله يختبرون فيها شفافيتك وتعاملك واسلوبك والمهم في المقابله انك ماتطولين في امريكا لان فيه من بعض الاسئله اللي ممكن تنطرح عليك لو حصل لك وظيفه بعد التخرج في امريكا بتجلسين ولا لا ؟؟ طبعا بسرعة الصاروخ قولي لا طبعا لاني ادرس لاخدم وطني ..
وماتدرين الا وهم راجمينك بالفيزا يقولون يالله يالله يابنت اقرب مكتب خطوط . جدا جدا سهله وبتذكرين كلامي ولا كان ماحطو هالمنتدى وناس جالسه تتعب عشان تقدم خدمات لاخوانهم المبتعثين ..


تعفيدات القبول بالجامعات
تعقيدات القبول هذي عندك في السعوديه يا عزيزتي ماهيب في امريكا . احنا هينا عندنا 10 جامعات معروفه و10 ماهيب معروفه والقبول يا بالواسطه او بالحظ ..
لكن في امريكا يختلف الوضع فيه مئات الجامعات المعترف بها من التعليم العالي بس طبي وتخيري طبعا لا تكون نسبتك مره رايحه فيها وتبين جامعه هارفرد مثلا ؟؟ يعني سددي وقاربي اللي تحسين انه مناسب لك كمدينه وترتاحين للمعلومات عنها توكلي على الله.مافيه اي شيء اسمه تعقيد .

الدراسه وهل فيه راحه نفسيه..بالنسبه للحجاب ...
بالنسبه للحجاب انواع ياختي وبالعكس والله فيه وحده من قريباتي تدرس هناك ومتفوقه بالدراسه وعبايه ونقاب بعد ولا فيها اي حاجه لانك في بلد الحريه ..والراحه النفسيه ماهيب في المكان الراحه النفسيه في القلب والقرب من الله( الا بذكر الله تطمئن القلوب)


واي مقاطعه تنصحوني فيها؟

هذا الشيء المهم في حياتك انتي ادخلي على مواضيع المنتدى وشوفي الولايات والمقاطعات واسمعي ارائهم بنفسك ولا تخلي احد يتحكم بأرائك يعني انتي لما تحطين في بالك اكثر من خيار تجين عاد لأهل الخبره وتقولين وش رايكم في هذي ولا هذي . (( دائما خلي الاخرين مجرد خيارات لا تخلينهم اساسيات)
ابي مقاطعه/ ومدينه فيها سعودين وعرب وفيها سعوديات يلبسون نقاب وعبايه كمان
وابيها رخيصه
وفيها جامعات معترف فيها...

بالنسبه للسعوديين ماشاءا الله تبارك الله ماخلو مكان ماجو فيه في كل حته وكل زمن وبتلاقين ناس ينحطون على الجرح يبرى والله فيه نماذج تبيض الوجه وتقدم لك المساعده وقت ماتبين في المنتدى وخارج المنتدى وترا الوضع مره بسيط هناك يعني بتلاقين عزايم بين البنات وطلعات حلوه وساعة صدر وتلاقينهم على قلب واحد . وبالنسبه للأسعار في مواضيع في المنتدى تتكلم بالخصوص هذا وتقدرين تحددين الاسعار والمعيشه من خلال الاجارات واسئله بعض الاخوان .

ومافيه جرائم ولا عنصريه...
بالنسبه للجرائم فيه احصائيات عن المدن بخصوص الجرائم ودايم ابعدي عن المدن الكبيره زي نييورك وطقتها .
والله الحامي قبل كل شيء والمعوذات والاذكار .
وطبعا انتي بيكون نظامك واضح يعني بتخلصين من المعهد او الجامعه على الساعه 5 العصر تقريبا يعني روحي للبيت وخلي طلعاتك اوقات النهار وماعليك خوف ابد .


اتمنى اكون وضحت بعض الغموض اللي عندك واي سؤال حنا حاضرين بس اهم شيء لاتنسينا من دعواتك .

تحياتي

ماشاء الله تبارك الله...

الله يجزاك خييييييييييير

مشكوووور جدا جدا جدا !!

بصراحه كفيت ووفيت طيب ايش اسم الجامعه او المقاطعه اللي ممكن الوحده تدرس بعباتها ونقابها..

لان حلووو لو ممكن البس نقاب يكون افضل وافضل...

الله يجزاك خير وويسهل عليك كل امور حياتك ياررررب..وتلقى الشخص اللي ييساعدك اذا احتجت...
/

بانتظار باقي الاراء والردود

وياك انشاء الله اختي..
انتي لا تشيلين هم موضوع العبايه والنقاب لان كل امريكا واحد..

اهم شيء تلاقين الولايه الكويسه والجامعه الكويسه وبعد كذا توكلي على الله..

وبعدين فيه عبايات غير اللون الاسود يعني الملونه ويكون فيه غطوه زي اللثام مايطلع الا عيونك زي النيرس اللي في مستشفى التخصصي كنهم سلاحف النينجا ..

وبالتوفيق ...بأنتظار باقي الردود

ماشاء الله .. الله يعين وييسر..

مشكووووووووووره كثييير جدا فري متش !

العفو
ولا تضيعين وقت في الشكر وابدي بشكل جدي البحث وخلي عندك ملف وورد عشان تسجلين فيه الاشياء المهمه يعني نسخ ولصق

الين تصير عندك قاعده بيانات تسهل عليك الاختيار وبالتوفيق لك...

السلام عليكم ..

انا بس حبيت أطمنك على الفيزا .. لأنو قبل كم يوم مخلص كل شي منها

بس الباقي بصراحة ما اعرف عنه شي

انا بصراحة كنت زيك كمان اخاف من الفيزا وقروشتها

الشغلة بكل مافيها .. تروحي مكتب الطيار

وتدفعيلهم 200 ريال ويعبولك الإستمارة تبع الفيزا ويطبعولك هيا وياخدلك موعد

وتدفعي الـ 200 دولار للموقع عن طريق الفيزا كارد من نفس المكتب

وبعد ما تاخديها تروحي بنك سامبا وتدفعي 498 ريال رسوم الفيزا

والأحلى من كدا انو المواعيد سارت جدن قريبة
حتى انا انصدمت لما قلي انو في موعد يوم الثلاثاء القادم

من دي الجهة اتطمني وعيشي حياتك

والله يسهلك

ان شاء الله ...

بس ممكن تساعدوني في المقاطعات.. لان فيه خمسين ولايه وراسي بيفتر زياده..

ابي تصور مبدئي يعني ابعد عن الولايات الشماليه مثلا ولا الجنوووبيه.. كذا

عشان اعرف من وين ابدا البحث

وايش اسماء مقاطعاتكم اللي تدرسون فيها وايش محاسنها ومساوؤها.

طبعا انا ببحث اكيد بالمنتدى ...

/
شاكرهـ لكم

مشكووور كثير سبووونجا.. ريحتني نفسيا الله يريحك بالك ويسعدك يارب...

امين يارب

شوفي انا ليا اصحاب يدرسو في امريكا الله يوفقهم

واحد في فيلاديلفيا

وواحد في كولومبيا

الي في فيلاديلفيا اشك انو طول الوقت صياعة والجو هناك يساعد

اما الي في كولومبيا هو شخصيا قلي انها مدينة مو حقت لعب ودشرة

لكن فيها اماكن ترفيه حلوة وبسيطة

كولومبيا دي في ساوث كارولينا

اما انا اشوف من رأي انك تبدأي البحث من المدن الكبيرة

وتشوفي المدن الصغيرة القريبة منها

عشان في الويك اند تاخدي عفشك وتطلعي تغيري جو