سكن مع العائلة او سكن خاص أيهما تفضل وأيهما الافضل

اخو انا افضل السكن الخاص لاكن في البدايه فالسكن مع العوايل احسن لعده اسباب
الاختلاط معهم وتعلم اللغه الانجليزيه وانك سوف تجد متطلباتك جميعها وهذا افضل في البدايه الى ان تستقر وتعرف المدينه وتعرف كيف تصرف امورك وبعدها افضل انك تاخذ سكن خاص واذا عجبك الوضع مع العوايل كان بها وبعدين السكن مع العوايل اغلى في السعر من السكن الخاص والله يكتب اللي فيه الخير

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

هلا بالغالي
حبيب قلبي
خذها من واقــع تجربــة مريرة
انحــش عن العايله
حنا يالسعوديين مانعرف نتاقلم معهم من جميع نواحي
1- طريقه عيشهم
2-90% مايعطونك وجه يحسونك اقل منهم
3-اذا لقيت بزارين عندهم تلاقاهم يحذورنهم منك
يحسونك مهوب ادمي يحسونك قنبلة تمشي
حسبي الله على من كان السبب
تبي شوري شقه وجب لك روم ميت وخلاص
وريح مزاجك
بعض العوايل يقول لك ماتطلع بعد9الليل
ولا تتاخر ولا ماني عارف ايش
شقه وخلك حر
وترى اللغه نصها مخالطه
ومحادثه
احتك مع العالم
خذ شقه ووسع صدرك وفلها وربك يحلها
واذا ناقصك قل لاخوك لاتستحتي
ماتلاحظ طلعت برى الموضوع

خذ شقه وصدقني لاتنــدم على مافات


تقبل تحياتي............:gr_929:

مرحباشباب وش قصه 9 بالليل لايكون شغل شيبان يعني نام 9 ونصحا 6 ويـــــــــــــين عصافير والله مشكله

طيب لو مثل حالتنا بنات نسكن عند عوايل ولا لوحدنا اكيد بتقولون خاص استرلنا طيب وشلون احتك بالعالم واتعلم لغهوالله فكرت بعد المعهد افتر الاسواق واسولف مع البيعات كنت اسويها يوم اسافرالخارج بس ماعمري رحت امريكا ويقولون يتكلمون بسرعه صح هذا الكلام صح طيب تتوقع في قد ايه اتعلم لغه اذا كانت لغتي انجليزي مكسر وانا بصراحه طالبه مجتهده اتعب حالي على شان اتعلم

هلا اختي نـــوف
طبعا البنت والولد مابينهم فرق
منتيب بالسعودية
يعني عادي اعرف سعوديات يوم كنت ادر برى يسكنون مع عوايل ووضعهم عادي
واتوقع البنت سكن مع العائله افضل من الولد
لان اصلا تقبل العائله الاجنبية للبنت غير الولد
البنت جنس ناعم
اما حنا يالتماسيح يخافون منا

اما اذا خذتي شقه احسها صعبه مره
مدري ليش
يانك تجين مع اخوك او زوجك صح اقول شقه
اما اذا لحالك خذي عايله ولا تفكرين

اما من ناحية القرقة مع حقين المحلات
كنت كذا ادخل المحل واسئل ومسوي بشتري ماخلي شي ماسال عنه
شوي واطلع واخليهم
شوي شوي تنكسر عندك الخوف وخلاص تحس انك راعي محل
تحس ان لك عشر سنين هنا

هي اصعب شي اول شهرين لما الواحد يبي يتاقلم بعدها خلاص
يمكن ماوده يرجع





دمتم بـــــــــــــــــود:gr_929:

هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ههههههههههه
هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ههههههههه
حلوة منك والله حلوة
يازين الشقة
انصحكم بشقق والله ياجماعة لان الوضع تغير جداا عن اول يمكن تحصل عوائل قليلة تناسب الوضع

انا بجي مع الوالد بس مااحب اكلهم انا اتقرف بسرعه من كل شي يعني لو كلب معاي بالبيت يمكن اعيش ببيتهم بقفازات معقمه والقطط مااحبها واقرف منها مااتخيل اعيش ببيئه وسخه ولا الاكل يمكن يأاكلوني بنفس صحن الكلب هذا الي كان ناقص علي انا عاجبتني فكرت العائله على شان اتكلم معاهم انا جدا اجتماعيه واعرف كيف الزق حالي معاهم واخليهم يسولفون الى الصبح بس المشكله النظافه وش رايكم

نوف اسكني عند عائلة يكون كلهم بنات :gr_895: ولا عندهم عيال:gr_917: زين.... واذا جاهم ضيوف الله لايهنهم يتنحنح (ااح ااح ياولد درب درب ) :gr_929:


وبالنسبة للغة مع الدراسة راح تجيبين اللغه بالراحة وخاصة انتم يالبنات دوافير (ممتازات )

بالتوفيق لك:gr_876:

اما بالنسبة لنا (التماسيح ) فا شف لك بحيرة(غرفة) 4×5 وحمام مشترك وجب قدورك معك ولا تنسى المعسل عنب توت متوصي من ابوهيثم (على الدايري) اما بالنسبة لثلج عندهم واجد منه(يستخدم لاغراض اخرى)
وبالنسبة للغه حاول ماتطلع مع تماسيح واجد وكثر الطلعات بس في الويك اند وشفلك friend....(افهمها) :gr_916: ولا ترى بترجع السعودية وانت كما كنت تبي تتكلم انجليزي تعتع تفتف كنك بيك اب :gr_897: 84


تحياتي

الأزدي

والله فله اسكن مع بنات بس كيف الاقي هالعايله وحلوه والله اتنحنح بس وشلون اخلي الوالد معاهم اخاف يلفون عليه( باخذه معاي الجامعه )

والله لي خوي في امريكا يقووول ساكن وي عائلة ومرتاح اخر راحة يقوول وين مايروووحو وياهم يوصلو الى الجامعة ورجعو البيت ومشو وكل محل يبي يروح يودوتحياتي