بخصوص الأيفونات؟

سلام عليكم
بالنسبة للموقع يباله واحد خبير لأنو إللي يبيعوا هم ناس مثلي ومثلك وبعضهم نصابين يعني لازم تتأكد قبل ما تشتري عن المواصفات وزي كدة بالذات الأيفون لأنو في منو صيني ويخدعك عشان كده لازم يكون الواحد عنده خبرة.
- يعني شايف الميني أيفون تراه تقليد صيني 100٪ الأيفون 3 أنواع بس iphone2g,iphone3g,iphone3gs ولازم تتأكد إنو من شركة أبل.
- لا مو كلها في نوع لازم يكون كاتب officially unlock وطبعا حيكون سعر أغلى ما يقارب 900 دولار.
وأي مساعد أنا عندك.

صحيح كلامك يعني لو أحد بيشتري أيفون بالجيلبريك لازم يكون متأكد إنو السوفت وير له جيلبريك وما يحدث الجهاز إلا لما يعرف إنو نزله جيلبريك.

طيب سؤال ايش الاحسن بلاك بيري ولا الايفون
من ناحية الفائده في امريكا ؟

والسؤال الاخر ايش الاحسن شراءه من هنا السعوديه او امريكا بالنسببه للجهازين

سلام عليكم
والله أنا جربت الجهازين والأيفون أحسن بمليون مررة والله البي بي كأنو من العصر الحجري من ناحية التكنولوجيا ، ميزته الوحيدة وإللي أعتقد إنها نوع من أنواع النصب هي الماسنجر إلي قلك إنها مجانية ترى هم بياخذو 100 ريال عشان هاذي الخدمة أجل كيف صارت مجانية؟؟؟؟ والله أنا مشغل الماسنجر على الأيفون 24 ساعة وما وصلت الفاتورة 100 ريال(لو حسبتها بدون المكالمات والرسايل) بصراحة خذي الأيفون وإنتي مرتاحة بس ممكن البلاك بيري في أمريكا ليه مميزات أكثر من هنا ما أدري!

من ناحية الفائدة /

طبعا الايفون افضل من جميع النواحي لانه تقدري تنزلي عليه اي برنامج تحتاجيه

انا ماكان في بالي اخذه بس لمن شوفت مميزاته وبرامجه قلت لازم لانه بيفيدني كثير في الغربه

من النهاية ( لاب توب في يدك )

واذا كان على الماسنجر في امريكا عندهم الباقات مع انترنت يعني الماسنجر شغال 24 ساعه

من ناحية الارخص /

البلاك بيري ارخص في امريكا بكثيييييييير

صاحبي في امريكا اخذه بعقد من شركه 120 دولار ( بيبي بولد ) وكل شهر مبلغ بسيط اظن 15 دولار تقريبا

وقالي حتى لو ماعجبني العقد الغيه وادفع 200 دولار يعني كسبان كسبان بس مميزات العقد عاجبته

عندنا في السعودية البيبي بولد بـ 2500 ريال فرق كبير !!!

الايفون سعره مختلف عليه الجمهور بس الواضح انه موبايلي الافضل

صباح الخيرات

بقولكم نصيحه لوجه الله انتبهوا تشروا الايفون من جرير ولا من الكتروا لانهم نصابين من ناحية السعر موبايلي احسن شي أنا معي
ايفون 3GS 32GB
أشتريته من موبايلي تقريبا من 5 او 6 شهور ب3000 الا 10 ريال ومفكوك وكل حاجه ومعاه هديه رقم واشتراك نت 6 شهور وقبل 3 أسابيع حصلته عند الكترو ب3590 وعند جرير برضوا بنفس السعر وسألتهم ليش انتم اغلى من موبايلي قال لان ماتشتغل عليه الا شريحة موبايلي ومايفك الا بعد 6 شهور ورفع ضغطي سوداني يجادل قلت انا معي لاني صراحه ما احب حركة الاستغلال والاستغفال حتى جرير قالي نفس الكلام وقلت له لا يشتغل
وموظف موبايلي قال عادي شغل شريحة الاتصالات بس اذا بغيت تجيبه فيه مشكله بدل الشريحه عشان مايروح الضمان
لكن موبايلي احيانا مايكون متوفر بكل الفروع طلبت ابيض وجلست اسبوع يالا حصلته
سوري ع الاطاله

يعطيكي العافيه على النصيحه

والله كلامك صحيح حتى أكسيوم صاحبي اشترى من عندهم الأيفون 3gs أول ما نزل على أساس إنو مفتوح رسمي وأخذه بسعر 4000 ريال وبعدين عرف إنو مو رسمي وما رضيوا يرجعوا لا يقولوا إحنا قصدنا رسمي يعني من أبل مو جهاز صيني نصب عيني عينك.

أخ آل النجار ..

يعني تنصحني أشتري آي فون 4 جي من أمريكا ؟؟؟؟

أنا سمعت إشاعة يقولو الاآي فون الجديد مفتوح لكل الشركات .. وإن شركة أبل راح تتفادى هذه الغلطة في الأجيال الجديدة من الآي فون هل هذا الكلام صحيح ؟؟

وياريت تعطينا نبذة عن المواصفات الجديدة المتوفرة في الجيل الرابع

الله يوفقك إن شاءالله

انا اشتريت بلاك بيري هل تركب عليه الشريحة الامريكية اخاف اتورط ويبقى جهازي معي مالوه فائدة والا لازم شريحة من شركة معينة
والا ماتقبله الشرائح
وكيف اعرف هل فيه كسر حماية او لا انا كنت بشتري نوكيا e71
بس قال صيني تراجعت

المهم ارشدوني ........... انا غشيمة دوبني شاريته ولا اعرف لا مميزات ولا عيوب في هذا الجهاز