مساعدة مصروف 2000 دولار في الشهر بلوس انجلوس (شاملة كل شي)

اخي العزيز الله يوفقك

انت رايح على حسابك حاول تختار لك ولاية المعيشة فيها رخيصة لأن لو انجلس غالية تعتبر

شوف مواضيع الاخوان عن المعيشة في الولايات ترى تكساس معقولة وبنفس الوقت حط ببالك عدة اشياء اذا جيت تختار مكان الدراسة :

1- ولاية رخيصة من ناحية المعيشة وابعد عن ( كالفيورنيا وفلوريدا وواشنطن ) تعتبر غالية شوي بحسب مااسمع
2- تاخذ لك قبول مشروط بجامعة يعني هم يدرسونك انجليزي وبعدين يدخلونك للتخصص الي تبيه بعد ماتخلص من معهدهم عشان تضمن بس مقعدك وماتتمرمط في اختبارات
3- وبرضه لاتنسى تكون الجامعة ماتشترط GRE او جيمات هذا اختبار يجيب الهم يعني بس تجيب الانجليزي ويدخلونك للتخصص الي تبي

بالنسبة لسؤالك مااقدر اعطيك اجابة اكيدة لأن الوزارة متقلبة فعلاً وكل فترة نسمع بقرار جديد لكن دامك نويت خلاص فاعقلها وتوكل لانها كذا ولاكذا ست شهور اذا ماالتحقت بالبعثة على الاقل تطلع بلغة وشهادة توفل وانت مرتاح يعني ( إن لقحت ولا ماضرها الفحل ) وخل بدايتك قوية لانهم بيشوفون حضورك ودرجاتك اذا هي مشرفة اكيد بياخذون هذا بعين الاعتبار وتذكر ان ( الرمح على أول ركزته ) كنها مسكت على امثال على آخر الليل هههههه

الله يوفقك وييسر أمرك