استفسار هل تسحب بطاقات صراف الراجحي بامريكا !!

جاوبتك وقلت ايه تسحب وحطيت اضافة رد .. بعدين المنتدى قال "مشاركتك قصيرة جدا .. لازم 15 حرف على الاقل في كل مشاركة " فقمت كتبت 15 حرف .. أتمنى اني ما لخبطتك

الله يوفقك

مشكوررين على المعلومات

يعني يا شباب افصل بنك سعودي في امريكا الراجحي يعني اخذ صرفتي معي اودع فيها فلوس

طلع بطاقة فيزا وريح راسك

طيب الحين الطالب المبتعث يستلم المكافه اي بنك هنا ولا هناك ااذ هنا اي بنك

الرجال يقولك خربط ونسي امر البطاقات

وسفرة بعد بكرة ,, ما يمديه يطلع فيزا بيومين

سؤالي بعد اذن صاحب الموضوع

هل بطاقة صراف بنك سامبا العادية تشتغل في امريكا ؟

وكم رسوم السحب لكل عملية ؟

- مصرف الراجحي
- سامبا
- ساب
- بنك الرياض
- البنك الأهلي

جميع بطاقات الصراف العادية للبنوك أعلاه تعمل في امريكا
في عمليات السحب العادية علما ان كل بنك ياخذ عمولة على عملية السحب مابين 30 ريال - 100 ريال وتختلف النسبة من بنك لآخر
والحد الأقصى لعملية السحب في اليوم للبطاقات العادية 1300 دولار او حسب الحد المسموح لك من بنكك

وفي عمليات الشراء إذا تتوفر علامة Cirrus او Maestro على جهاز التاجر

مع العلم بأن معظم الصرافات في الأماكن العامة والمحلات والأسواق في أمريكا حد السحب الأقصى فيها في العملية الوحدة 200 دولار ولكن يمكن تكرار عملية السحب لعدة مرات ( ومع كل عملية سحب ستحسب عليك أيضا رسوم عمولة )
لذا إذا احتجت لمبلغ أكبر من 200 دولار اذهب لأجهزة الصراف المتواجدة في الفروع او القريبة منها حتى تستطيع سحب مبلغ اكبر وفي عملية واحدة

تحياتي

طيب اخوي اذا طلعت من المريكا من البنك لي في ولايه احسن اقدر اهلي يحولن لي مبلع ام البنك السعوديه اوفر لنا كل طلاب

عزيزي

بالنسبة لأوفر - أعتقد أنها ترجع للشخص نفسه -
مثلا أنا ممكن أخسر أو أدفع زيادة 20 أو 50 ريال مقابل أن أحصل على المال بنفس اللحظة ولا أنتظر اسبوع حتى استلمها
لكن يوجد طلاب يفضل أو لديه الاستعداد يصبر لخمسة أيام أو اسبوع حتى يستلم المبلغ ولا يدفع رسوم إضافية أو يطلع للبنك

بالنسبة لي
- استخدم البطاقة الأمريكية في عمليات السحب و المشتريات
وأودع فيها المبالغ النقدية التي تبقى معي من عمليات السحب من الحسابات السعودية
وعند انضمامي للبعثة إن شاء الله مكافأتي تنزل عليها
لكن ما اسحب من بطاقتي السعودية لأجل فقط أودعها في البطاقة الأمريكية !

- لكن عند عدم وجود رصيد كافي في بطاقتي الامريكية
استخدم بطاقة الفيزا في المشتريات ( البطاقة من بنك الرياض ) واستخدمها بكثرة
طبعا بطاقتي ماعليها رسوم في عمليات الشراء ( المشتريات ) لكن البنك يأخذ عمولته من فرق العملة فقط
حيث يحتسب الدولار بقيمة 3.82 ريال أي عن كل دولار يأخذ 7 هلالات وهذا الفرق بالنسبة لي مبلغ تافه إذا كان المبلغ صغير
لهذا مرتاح في استخدامها لكن في حالة السحب يأخذ 75 ريال + فرق العملة - لذا ما استخدمها في السحب إلا عند الضرورة القصوى
( للمعلومية بطاقات الفيزا من السعودية ليست كلها بنفس هذا النظام بل تختلف حسب نوعها ومميزاتها وحدها الائتماني وسياسة البنك وتختلف من بنك لآخر لذا في حالة امتلاكك لبطاقة او تنوي إستخراج بطاقة أن تستفسر من البنك عن الرسوم وكل ما لك أو عليك )

- حساباتي في البنوك السعودية
استخدمها لأنه يسهل على أهلي أو من يود التحويل بالتحويل لي بسهولة وبسرعة وبدون ما تحتسب عليه رسوم وبالطريقة التي هو يفضلها وتريحة سواء من الانترنت او الهاتف المصرفي أو غيره
والمبلغ يدخل في حسابي بنفس اللحظة
وبهذا اضمن المبلغ واقدر اسحب منه متى ما احتجت وبأي وقت وسهلت على أهلي
لكن عند التحويل من السعودية على حسابك الأمريكي راح يخصم من المبلغ عمولة التحويل + فرق العملة + رسوم البنك الأمريكي + انه عملية التحويل تستغرق مابين يومين إلى اسبوع
لهذا استخدامي لحساباتي في البنوك السعودية مريحني كثير
و وقت ما احتاج لفلوس أخلي أهلي يحولون لي على احد حساباتي السعودية
ومن هنا متى ما احتجت أن اسحب سحبت - ( لكن عادة اسحب مبلغ كبير تقريبا مابين 400 - 1200 دولار ليكفي لمدة طويلة ) - حتى ما تحتسب علي رسوم سحب عند كل مرة ابغى اسحب أو احتاج فيها لفلوس -
ومثل هذا المبلغ لا تستطيع سحبه عادة إلا من الصرافات الموجودة في البنوك
أما الصرافات العامة الموجودة في الأسواق و المحلات لا تستطيع سحب أكثر من 200 دولار في العملية الوحدة
لهذا من يشيل هم الذهاب للبنك لا يفضل استخدام البطاقة السعودية لأن عند استخدامها في مبلغ صغير ستكون خسارة عليه
( علما أن رسوم السحب تقريبا مابين 30 - 90 ريال لكل عملية سحب والرسوم تختلف من بنك لآخر )

والخلاصة من كل ما كتبت
البطاقة الأمريكية - استخدمها يوميا في المشتريات و السحب + نزول المكافأة عليها
بطاقة الفيزا السعودية - استخدمها في المشتريات + السحب عند الحاجة
بطاقات الصراف و حساباتي السعودية - استخدمها عند رغبة أهلي بالتحويل لي اجعلهم يحولون عليها + السحب لمبالغ كبيرة + سداد بطاقة الفيزا

واتمنى اكون أفدتك بما كتبت

تحياتي

بنك الراجحي يسحب

بس البنك ياخذ فيها عمولة
عندنا هنا بنك اوف امريكا بعض الصرافات تاخذ عمولة 3 دولار وبعضها 2 دولار ولا ادري وش الفرق على انها نفس البنك
بس يمكن الصراف اللي بالاون تاون يختلف عن الصراف اللي بمنطقة ثانية

وفية بنك اخر نسيت اسمة لكن ماياخذ ولا عمولة

اذا تذكرت رجعت