تقرير المتهم السعودي

اول شي الحمدلله على برائتة واذا الرجال اخطى ان الله تواب رحيم
الشي الثاني اللي قاعد يتهزا هذا مايخاف الله يبلاه عما لذا الدرجة عقله صغير هذا وهو ولد ديرتك الله لايبلانا ويحفظنا ونرجع لاهلنا سالمين غانمين
والله شي غريب وحزين في نفس الوقت اعوذ بالله

ودك يجرجرونه على قفاه لين هنا ويطبقون عليه الحد عشان يعرف ان الله حق هالثور
انتم تباركون على ايش ؟؟
والولد معترف ان العملية صارت بالتراضي؟؟
تباركون على على ايش ابغى افهم؟؟
عشان نظامهم هناك ما يجرم هالشي ؟؟
عجيب امر بعض الناس !!
مالت عليه الا مالت عليه ..

ثانيا ، نعم الكلام قابل للتصديق ، لعدة اسباب اولها واهمها انه فيه عينة من شبابنا ما شاء الله لا اله الا الله فاضحينا بكل مكان ، وما تقدر تنكر ، ما صدقو يطبون امريكا عشان هالاماكن تحديدا ! واقرب برهان الخبر اللي نازل قريب وفي جرايدنا ، عن العالم اللي رجعوهم مناك لاسباب اخلاقية ..
ثانيها ان هذا كلام محامي الطالب نفسه ، لو كان فيه اي فرصة مقبولة لنفي هالشي عن الطالب كان استغلها ، ولو ما اعترف الطالب بنفسه بهالكلام ما كان انقال ، وتراهم في امريكا ، لو كلامهم مو صحيح بكل بساطة بيرفع عليهم قضية تشهير . وبرضه ممكن اثباتها عندهم بسهولة ، باجراء فحص حمض نووي على الشايب بيثبت ان كان الطالب جاه والا ما جاه ..
ثالثا يا عزيزي اللي ماشي فحاله وربي محد بيجيه ، تبغى تفهمني انه ممكن يكون الطالب النجيب المؤدب اللي من سكنه لجامعته ومن جامعته لسكنه وبيسحبونه من الشارع ويتهمونه تهمه زي كذا ؟! لا والله ، والدليل ان فيه عالم واجد هناك راحت ودرست وتفوقت ورجعت ومحد قدر يتعرض لها بهالشي ..

واخيرا اعترف بأنه تظل هناك احتمالية بعدم صحة الخبر ، وسبق وقلت هالشي من ردي الاول ، وهالشي يعتمد على عراقة الصحيفة ومستواها ، ولا انا ولا انت نعرف مستوى الديلي نيوز من هالناحية ، لكن هذا لا يعني انه 100% خبر مغلوط ، وان عيالنا مساكين وما عمرهم سوو شي ، وان الامريكان يتبلونهم ، وان اي خبر من هالنوع مؤامرة ! ..

الكلام مع بعض الناس ضاااايع يعني مافيه امل يفهمون .........!! (الا يمكن اذا طاحو بنفس المصيبه )

بعدين اول مره اشوف بنت تقول (ويننا فيه يبو) ..!


((اللهم لاتؤاخذنا بما فعل السفهاء مننا يارب العالمين))