استفسار اللي يعرف أحد يقدر يجيب لي قبول في اسرع وقت ياليت يدخل

المعروف عن المكاتب

أن القبول بأمريكا يصل خلال شهرين

هل هاذا الوقت يناسبك اذا يناسبك بعطيك رقم المكتب اللي تعاملت معاه

أما كما هو مكتوب بمعلوماتك إلى أستراليا فالقبول يصل خلال 3 شهور هاذا المعدل الطبيعي

مشكور أخوي ياريت تعطيني رقم المكتب اللي تعاملت وياه يمكن استفيد منه

عطاك الله الف عافية اخوي ماقصرت بس ابغى اعرف هالكلام للبكالريوس ولا حتى الماجستير يجيبون القبول بسرعه ؟؟

و ممكن تعطيني رقمهم و ايميلهم لاهنت ؟؟

لأني حالياً في استراليا و ابغى اتواصل معاهم

قبول ماستر في أسبوع؟!

ما سمعنا بهذا في آبائنا الأولين
إن هذا إلا أساطير الأولين

لحظة لحظة لحظة
ممكن الجامعة التي توفر قبول في أسبوع موجودة في (المدينة الفاضلة) التي رسمها أفلاطون

تحياتي لك ولمكتبك

مشكور أخوي أسامة عطاك الله العافيه بس هذا إيميلك ولا ايميل المكتب ؟؟

اخوي الحق الأخ اسامه كاتب ان قبول البكالريوس في اسبوع بس مايدري عن قبول الماستر كم ياخذ

مشكور لمرورك كذلك

قبول مشروط ماستر علوم حاسب اخذته في اسبوعين من مكتب في الرياض واللي مو مصدق اسوي سكان للآي تونتي ووصل المبلغ حق المكتب ويشوف فرق التاريخ

وقريبا بسوي تقرير عن قبولي وأجراءاته

اخوي سلطان ممكن تقولي اسم المكتب و رقمه لاهنت ؟؟

عطاك الله الف عافيه و بالتوفيق

أختي الحين انتي باستراليا يعني معاك لغة
ومع هذا حابة تستعينين بمكتب!!!!!!!!!!!!
وش خليتي لنا اجل
اختي نصيحة لاتتعاملين مع مكتب
شوفي فيه مواضيع بالجامعات وكيفية التسجيل عندهم
والله اعرف واحد من الشباب حتى كتب موضوعه بالمنتدى حصل على قبول ماستر في خلال اسبوع
يقول فاتح موقع الجامعة وموقع قوقل الترجمة
نصيحة لاتتعاملين مع مكتب
انا الآن اتعامل مع مكتب ولي 3 شهور او اكثر
وكلها مرمطة X مرمطة
للمعلومية المكتب اللي انا اتعامل معه بحثت عنه بقوقل وكل الناس تمدحة وطلع العكس
آسف ع الأطالة
دعواتي لك بالتوفيق

صح كلامك اخوي و أنا جربت أدخل عالجامعات و الامر مو صعب و طبيعي اني افهم لهم بس تتوقع فيه وقت ؟!! المشكلة في الوقت موب في اللغه إني ادرس و اشتغل على الامر بنفس الوقت صعبة

بالنسبة لمكتبك ياليت تذكرلي اياه ووش تخصصك عشان أتفاداه

و مشكور على الرد و الاهتمام أخوي