استفسار قرار الفصل من الجامعه الامريكيه

May 7th, 2010, 10:59 AM

السلام عليكم ورحمة الله وبركاته

اخواني واخواتي بارك الله فيكم وان شاء الله احصل عندكم كل اللي شاغل بالي .

الموضوع هو عن قرار الفصل من الجامعات الامريكيه بسبب نزول المعدل عن المطلوب لدرجة الماجستير لان واحد من اخوياي تم فصله من الجامعه اللي يدرس فيها اللحين بسبب نزول معدله عن المطلوب وهو 1.80 من 4 وانا والله جتني صدمه وحتى الان ماني مصدق والرجال له فضل كبير علي وانا ملزوم تني اوقف معه بالوقت هذا وانا داخل على الله ثم عليكم ان اللي عنده حل والا معلومات عن هذي الامور يقولي . وانا ابفصل ايش صار له عشان تكون الصوره واضحه للي عنده حل للشغله هذي.

الرجال درس سمستر Fall 2009 وحصل معدل 1.9 وعطوه انذار وكمل اللحين ولاكن قدر الله وماشاء فعل وحصل معدل 1.8 وتم فصله من الجامعه بقرار بالسجل الاكاديمي حقه مكتوب dismissal او بالاصح اقاله وراح كلم مديرة الانترناشيونال وقالت له جب قبول خلال 30 يوم عشان الامقريشن والسؤال هو بالحاله هذي ايش يسوي هل يقدم على طالب جديد او نقل لانه تعرفون اذا قدم على جامعه بدرجاته اللي راحت وفيها انه مقال فيه مشكله .

ابي الله لايهينكم اذا فيه احد عنده معلومات عن هذه الحاله لايبخل علينا ولو بالاشاره او النصيحه ومن ناحيه الملحقيه ايش السوات معها .




فهد

• نشر عبر تويتر
• نشر عبر فيسبوك
• نشر عبر جوجل