حوار اذا الملحقيه نايمه بالعسل .. الطالب وش يسوي ؟؟ حسبي الله ونعم الوكيل

May 21st, 2010, 05:43 AM

السلام عليكم و رحمة الله و بركاته

بخش على طول ماعندي مقدمات

حركات الموظفين بالسعوديه ماتركوها الملحقيه بامريكا الي هي تطنيش و تضييع الملفات و الللخ

الملحقيه ببامريكا حطتني بموقف لا احسد عليه بصراحه !!

اسمعو قصتي .... !!!!!!!!

بالبدايه انا مرافق لاختي ..

و طبعا انا رحت الملحقيه اول ماجيت لامريكا واخذو اوراقي كلها و قالو اوراقك كامله وعطوني ضمان مالي فيه اسمي واسم اختـي ..

وقالو خلاص مالك الا تنتظر وقت الدراسه

رحت المعهد وسلمتهم الضمان و جت الدراسه وبعد اسبوعين دراسه !!!!!!! جاني سبرايز غريب

ادارة المعهد تقولي ان الملحقيه ما ارسلتلهم اي شي بخصوصي وانهم يراسلون الملحقيه من 10 ايام والملحقيه ساحبه محد يرد عليهم

قلت طيب وش تبون ايش المطلوب
قالو نبي ضمان مالي خاص فيكـ ..!! وبنعطيك مهله اسبوع ....!!
راسلت الملحقيه ردو علي متأخر وبعد ماردو الي اتضح لي انهم يبون ارسل اوراقي من جديد

وش تفهموون ...... ؟؟؟؟؟ كالعاده ضيعو اوراقي

يعني من جد لا تعليق الان ادارة المعهد يقولون راح الاسبوع ولا وصلنا شي يوم الاثنين لا تجي الا وانت دافع حساب الترم

يعني بضطر ادفع حساب الترم هذا وانا جاي مرافق

حسبي الله ونعم الوكيل



والله شي يقهر لمى اشوف ناس ما مرو واشنطن ولا تعبو مثلنا واخرتها عشان الواسطه مرتاحين وحنى رايحين فيها

انا مع اني اكره الواسطه بس هم واشكالهم يخلون الواحد يضطر يكلم احد وانا مالي الا كذا بكلم واحد اعرفه

لا راتب نزل وفوقها ادفع حق المعهد من جيبي

ما اقول الا حسبي الله ونعم الوكيل

موظفين اجانب وفوق هذا مطنشين الطلاب

الى متى هذا الحال ؟؟؟؟؟؟؟

يرسلون عيال الناس و ويوهقونهم

لنفترض اني مو قادر ادفع المبلغ من جيبي وش اسوي ؟ انطرد من المعهد ؟؟

لا تعليق على الملحقيه بصراحه ..............!!

• نشر عبر تويتر
• نشر عبر فيسبوك
• نشر عبر جوجل