أي إستفسار منذ الحصول على التأشيرة وحتى الوصول إلى مدينة الدراسة، أنا حاضر

يا سلااااااام على المواضيع اللي تشرح النفس...الله يجزاك الخير ويوفقك ومن معاك دنيا وآخره..

ويوفقك يارب
بس لسا باقيلي 3 شهوووووووور..
بتمشي
اهم شي يستمر الموضوع الين ما اسافر يعني للاحتياط
إن شاء الله

المهم...دحين انا بس عندي شيئين مو واضحين..

اول شي ممكن تحكيلنا عن فتح الحساب وفين فتحتو وهل عادي حسابين مستقلين للمبتعث والمرافق؟ ولا واحد؟ وايش الاوراق المطلوبة؟ واذا فيه مثلا رسوم يعني مثلا عند السحب؟ او الشراء بالبطاقة؟ او مثلا التحويل؟ ولو نبغى نطلع فيزا عندك فكرة ايش يطلبو؟؟؟ الله يسعدك اي شي تاني يخص البنك خبرنا عنو..

أنا فتحت حساب بإسمي والمطاليب الجواز والآي توني وعقد الإيجار بس نا كان معي ورقة من السكن مافيها إلا إسمي
ومن خلالها فتحت الحساب لأن العنوان مهم مرة
وبعدها بيومين رحت أنا وزوجتي ووقعنا على العقد تقريبا 30 صفحة وأنواع الغرامات والشروط وتوقعون على كل صفحة ويكون إسمها معي
بعدها رحت البنك مرة ثانية وأضفت إسمها
مافيه رسوم عند السحب إلا إذا صرفت من صراف غير بنكك
وعليها نقاط إذا ستخدمتها في المشتريات على أساس إنها فيزا يعني بدون رقم سري
ويعطونك بطاقة زي الفيزا مسبقة الشحن يعني فيها الرصيد اللي تودعه
اللي قهرني إن الموظف قال ماعليها رسوم وفي النهاية وصلني إيميل إن رسمها السنوي 25 دولار
مع العلم إنه مبلغ بسيط بس ياليت الموظف بلغني

تاني شي..ايش قصة الحكومة الالكترونية؟؟ يعني مدام فتحتو ملفات في الملحقية ليش نعمل تسجيل تاني؟؟؟
بيفتحون لك ملف وبعدها بيوم بيجيك الباسوورد على الإيميل
إنتي تدخلين وتحدثين بياناتكوراح يكون غالبية التعامل من خلال الحكومية الإلكترونية
ومرررررررررره شكررررا ومعليش حنتعبك معانا...

مبروك على المكتب
الله يوفق الجميع......................

سويت

ممكن سؤال صريح

كم معدلك في البكالوريوس وفي الثانوية؟؟؟