هل بالإمكان دخول أمريكا بعد انتهاء مدة الـ(I-20 )؟

اخوي المعلومات المعروفه لدى الجميع انه ممنوع دخولك الولايات المتحدة بعد انتهاء الاي تونتي وحتى لو منتهت لازم تكون هناك قبل التاريخ ولو بيوم واحد...ولو تاخرت يوم عن الاي تونتي مراح تدخل....
وبالنسبة للتاجيل فكرت مثلك بس لما رحت الوزارة قلت ابي اجل 3 شهور قالوا لي ليش ؟؟؟
قلتلهم الفيزا بتتاخر شوي ...فقالي اذا بتاجل راح تاجل ترم ..والمشكلة ان الي رايح لغة يتشرط على كيفه وهم يتشرطوا علينا والله المستعــــان.

لاعادي كلم معهد اللغة يرسلون لك ورقة تعطيها الامقريشن مع الجواز والاي توني مدبس والورقة هاذي تعني ان الاي توني لسى صالح واذا لاسمح الله تبي تتأخر مدة طويلة كلم معهد اللغة يجددون لك الاي توني وارجع للسفارة يدبسونة لك

وان من رأي كلم المعهد وهم بيقولون لك كل شيء تسوية ولا تضيع وقتك لان هم نظام الامقريشن كلها عندهم

اخوي هي كلمه وحده لاتيجي امريكا وال اي تونتي منتهي برجعوك علي اول طياره انتبه

الشي الثاني اذا جاك الاي تونتي الجديد لاتروح السفاره خله معاك والظرف الي اعطوك هو مع الفيزا واتوكل وسافر وبالتوفيق

السلام عليكم و رحمة الله وبركاته ,,,

أخي الكريم : مبتعث-اللوجستـــي

شكراً لمجيئك و قرائتك و تعقيبك على موضوعي و مشكلتي. أما بخصوص الوزارة فهي كعادتها لا تتعاون مع طلابها, و ليس لنا إلاّ أن نقول حسبنا الله و نعم الوكيل.

أخي الكريم : A7bAk

أنا شاكرٌ لك لتعاونك معي. أما في قولك : هل أنت متأكد 100%؟

و في قولك : فأنا شاكرٌ لك نصيحتك الرائعة و الأكيدة.

أخي الكريم : wody

شكراً لتشريفك موضوعي و ابداء رأيك بصراحة جميلة, أما في قولك : أتعني أنه لا أحتاج إلى الذهاب إلى السفارة لتغليف الـ(I-20)؟ هل أنت متأكد 100%؟

أختي الكريمة : مسافرهـ

تشريفكِ لموضوعي هو أكبر دعم لي شكراً لك و لتعاونك معنا, شكراً.

و لدي بعض الإستفسارت التي أتمنى أن لا أضايقك بها ...

1- أين أجد التاريخ الثاني للـ(I-20) على ورقة الـ(I-20)؟ و هل كل الجامعات لديها هذا النظام؟

2- و في قولك أي أنه لا حاجة لي بالذهاب إلى السفارة لتغليف الـ(I-20)؟ هل أنت متأكدة 100%؟


و السلام

متأكد 200%100 واحد من اخوياي كان بجي ولا حصل حجز والاي توني باقي له اسبوع وقتها الناس راجعين من الكرسميس ظغط كلم المعهد قالوا بنرسلك خطاب ان الاي توني حقك فعال وسلمه لامقرشين اول ماتأصل بعدين خذها نصيحة من اخ عشان لاجيت هنا وللزمن لاتسأل احد ( يما ناس ضاعوا من كلام ناس والله شفت بعيني ناس تفتي وهي ماتدري والمشكلة كثير ) كلم على طول المعهد حقك والمسؤلة عن الامقرشين وهي بتجاوبك وبتقول سوي كذا وكذا وانت اتصل على المعهد وشوف وش يقولون لك لا تقولهم ابي خطاب قلهم ماحصلت حجز وابي الحق على السيشن هذا وهم بتصرفون

نقطة اخيرة معليش اذا ارسلوا لك اي توني جديد رح للسفارة وقلهم انا ماحصلت حجز وجاني اي توني جديد وهم يقولون لك تأخذة معك وهو مفتوح ولا يغلفونة لك من جديد ( عشان لا وصلت ولا سمح الله احد سألك تقوله السفارة قالت لي موب فلان بالمنتدى قالي) ونصيحة مرة اخرى موضوع زي كذا لا تأخذ الجواب النهائي الى من جهه معنية لانك مو قاعد تستفسر عن معهد ولا جامعه يمكن غلطة بسيطة تخرب انتظار وسهر طويل

وبالتوفيق واسف على الاطالة

اخوي ستيودنت نعم انا متاكد 100 في 100 لانو انا سويت الشي هاذا الي قلتلك عليه وهاذي تجربه شخصيه وفي ناس راحو لسفاره والغولهم الفيزا وقالولهم قدمو من جديد وهم بس كانو يبغو يحطو الاي تونتي الجديد في ظرف

طاااااااااااااااااااااااااااااااااااااط وخروا<<<<<<<<<<<<متهور
أنا عندي نفس المشكلة تقريبا..وأجلت دراستي إلى شهر 8 وعااادي مافي أي مشكله..
وسألت أكثر من شخص من أهل الخبرة ..وقالوا لي اذا جبت اي توني جديد مايحتاج تروح للسفارة بس لامنك رحت لأمريكا خذ معك القديم المغلف والجديد وقضينا.وهذا اللي ابي أسويه, وبالتوفيق للجميع