رسوم تصدير السيارة للمبتعث سؤال؟

ما قد سمعت والله اعلم..
موفق يا رب

شكرا على المرور والرد
المشكلة من قابلته و عرف اني شحنت سيارة قال ترى ما تدفع رسوم لانك طال واذا سألته قلت طيب كيف عرفت قال (يقولون)

تحياتي

هههههههه ضحكتني كلمة يقولون
طيب اسأل نادي الطلبة أو تبي العلم اطرف عربي عايش من سنوات اساله او مكاتب التخليص الجمركي والشحن اكيد راح يفيدونك
او اي مكتب محاماة قريب ويكون متخصص بالقانون التجاري......الحلول كثيرة.

انا مفكر اجي لامريكا وحاب اشتري سيارة في حدود الـ15 الف دولار ومره وحدة علشان اذا رجعت للسعودية نشحنها ونرتاح من اللف في المعارض.
لكن انا اشوف الاسعار عندك نااااار مقارنة بنيوزيلندا، ما ادري المواقع الي امر عليها غالية او الاسعار تختلف من ولاية الى ولاية،
وين العروض والسيارات المتكدسة مع الازمة المالية او اشتر سيارة وخذ الثانية مجانا، في حاجه ماني عارفها حقيقه ابغيك تفيدني.
فرصة الواحد يقلب في السيارات وياخذ الانظف منها دامة بامريكا، واسعار الجراند ماركيز 2008 فل كامل في حدود كم اذا قلنا ماشي 40 الف ميل؟

تصدق تو طرت علي اسأل المخلص الجمركي اللي راح اوصيه يخلص سيارتي
بالنسبة للأسعار الناس في السعودية تتوقع الاسعار هنا بلاش على قولتك وحده و الثانية مجان صارت شنطة مو سيارة
على العموم السيارات المستعملة هنا ارخص بحوالي 3000-10000 ريال لما تحسب الشحن والتكاليف بس الاهم هنا السيارات نظيفة ما فيها حوادث واستخدام ناس عقال لا سرعة ولا هجولة والأجواء معتدلة موب شمس مثل بالرياض
اما الجديد اغلى من السعودية لما تحسب تكاليف الشحن والجمرك
اذا تبي اسعار مناسبة دور من مالك سيارة (owner) وليس ديلر لانك راح توفر الفايدة اللي ياخذها الشريطي وهي من 1000-3000 دولار
بالنسبة للسبارة اللي قلت ممكن تحصلها 13000 دولار غير الشحن

تحياتي

ما قصرت على الفائدة
لكن انت بأي ولاية والسيارات الي فيها تعتبر رخيصه او متوسطه؟