وش ردة فعلك إذا مر عليك هالموقف ؟؟؟؟

+1

كلام طيب ياعسكري ..

وهذا هو تفكيري حالياً

شكراً جزيلاً لك ،

آمين وياك

تايجر ,,,

شوف والله نصيحه خلك مع امك وابوك واخوانك وخوواتك بس

وربعك اللي تعزهم حييل ,,

نصيحه من اخوك الكبير
اذا الكبار في السن عندهم مشاكل او خلافات قديمه، من المفترض انت واولاد عمانك وعماتك ما تتأثرون فيها لانكم ابناء اليوم
ومن المفترض انت واكيد في احد من اقاربك اقصد من الشباب تحصله ماله ولا عليه بالعكس اذا شافك يرحب فيك ويسولف معاك
ترجعون المياه لمجاريها وتقربون اهاليكم من بعض، خلاص انتم رجال الان وتقدرون تقنعون الي عندهم خلافات سابقه
واحرجوهم واعملوا عزايم واتصلوا فيهم واذا شفتوهم قلولهم وراكم ما شفناكم بالاجتماع الاسري وتراكم غالين علينا وحضوركم مهم لنا
وترى جمعاتنا يا الشباب او البنات من دونكم مالها طعم ومن الكلام هذا، ولا تنسى تحب راسهم وتقولهم عسى ما في خاطركم شي
هذولا اعمامك، صدقني ومع الوقت راح يتغير الحال الى حال.
بالعكس انت الي اتصل فيهم وبادرهم بالسلام وبالتحيه وقلهم تراني افرح لو اقدر اخدمكم باي شي، وقلهم لا تستحون اذا احتجتوا حاجه تراني مثل واحد من عيالكم، يا تايقر لا تنسى انا الدين المعامله، طالما دينك يآمرك بالشي هذا فواجب عليك تأديته.


وان شاء الله تسمعنا اخبار حلوه مستقبلا

ايه اش اقول واش اخلي
مع ان الموضوع ماسوا لي ازمه بس حز في خاطري صراحه .. اذا تذكرت بعض المواقف تجيني غبنه !! يعني هذولا احبابي وربعي وقرايبي ؟؟
خذ عندك مثلا .. واحد قريبي وعزيز علي وبيننا عشره .. يوم درا اني بروح قالي الحين الصالح والطالح يطلع برا .. السفر صار موضه والا ؟؟ اهنيييه على اسلوبه
واخوي كان يدرس برا ورجع خريج ماشاءالله باقل من المده المحدده بشوي .. عاد واحد من اقاربنا يقول لاخوي الصغير اخوك ماكمل دراسته صح ؟ قطعوا بعثته ؟ ماتخرج ؟
هذا غير ناس كانت عندي اوف لاين لهم سنه واكثر .. فجأه طلعوا وينك يافلان وش هالقطاعه ياخي !!! ارسلنا صور ورنا وش عندك
وبالنسبه للي يقولون وش يبون الناس يتمصلحون ترا راس مالها امريكا ,, مانقول مصلحه نقول لقافه وحسد ..
بعطيك حوار بسيط ..

-وشلون الجو عندكم
- والله عادي
-وشلون عادي ؟
-يعني برد شوي ودفا شوي وتمطر شوي
- يعني انك متعود على المطر؟ مسوي لي فيها كل سنه تصيف برا .. ترا توك تشوف الخير الله يبارك بالملك بس
- ها ها ها امين

والا مثلا :

- يقولون جامعتك سهلللللله صح ؟
- مادري والله
- الا الا يقولونه (ليش تسأل اجل)

ومن هالحوارات كثيييير .. وماعمري حسيت اني مرتاح بعد اي حوار او مكالمه
لازم سالفه تضيق الصدر او تسحيب كلام وتسئيل او تجديع و مناقر .. فـ سكر الباب من اولها ولاتعطي احد لا حق ولا باطل لانك ماراح تسلم
وخلك مع امك وابوك واخوانك محد يتمنالك الخير ويحبك كثرهم ...
واي احد ينكد عليك اسحب عليه وخل الموضوع رسمي واداء واجب وبس
والله يوفقنا اجمعين

فعلاً الكلمة الطيبة والمعاملة الطيبة تغيّر ناس كثير للأحسن

اذكر أحد الردود في موضوعي هذا ( من البنات ) تقول من معاملتي الحسنة غيرت وحده ويعتبر إنجاز لي لأني ماتوقعت تتغير كذا

كلام جميل

بإذن الله الأمور تزين

+1

شكراً

ماشاء الله تبارك الله ، عقبالك ياخيي ، إي ياطويل العمر نفس الكلام الي جاني وأزيد عليه يقولون مالقيت إلا تروح بلاد كفار ؟ شوف السماجة بس

يبي يمسك عليكم شي الحسود ، ذكرتني بموقفين أنا طبعاً داس الموضوع عن أقاربي خالي مسك أخوي الصغير وخنقه أخوك بيدرس برا صح ؟ أمريكا صح ورع قوول ولا اذبحك ؟ أعوذ بالله ياشيخ هذا كله لقافة وحسد وغيرة ، وموقف ثاني جى زارني ولد خالتي سمعت إنك رايح أمريكا وش تخصصك ؟ ابشرك اقبلتني جامعة قوية بالهندسة ، ياشيخ اقبلوك عشان الفلوس أي واحد يقدر يدخل هندسة < زين قول ماشاء الله ، رفعت راسنا ، الله يوفقك ، وش نقول بس يابراءة

هههههههههههههههههههههههههههههههههههههههه ، الله يسعدك ياشيخ وسعت صدري

اللهم آمين يارب

وصدقت بكل كلمة

+1

كنت احسب نفسي لوحدي في هذي المواضيع
انت بس تخيل انهم يقولون (اقاربي) كل المبتعثين كفار كل واحد رايح الخارج رايح يضيع ,,,,
وش ردك ؟؟؟
كلمه وحده امك وابوك راضين
مفتخرين بك
هذا الهدف من البعثه كلهااااااااااااااااااااااا
محد يهمني غير امي وابوي
كمل الطريق الي رسمته في حياتك ومايهمك احد انت وصلت امريكا هذا الاهم
انت ادرس واجتهد علشان ترضي ربك وترفع راس امك وابوك
الاقارب ما منهم الا كل المشاكل مهما سويت محد رح يرضى عنك