من يحضر لي قبول وله مكافأة ؟

الله يوفقك وييسر لك امورك
ودي اخدمك لكن ما اعرف ولا حبيت ادخل ولا ارد.

يالبيك
ليت كل الي دخلوا مثلك
اذا مايقدر يسوي شي يقول بس الله يوفقك
خذها دعوة اخر الليل
الله يوفقك في دنياك واخرتك وينولك الي في بالك ويسعدك

الله يوفقك بس أنا متأكد إنك راح تحصل واللي في بالك بعد

حختصر عليك الموضوع عشان لا تتعب نفسك....الطلاب الاجانب لازم توفل في كل التخصصات سواء بكالريوس ولا ماستر..حتى لو دراستك بالانجليزي...حتى لو معاك جواز امريكي وشهادتك من بلد غير ناطق باللغة الانجليزية او اللغة الانجليزية ماهي اللغة الرسمية في البلد حيطلبوه منك...
النصيحة انك تاخدو مره ومرتين و 3 وهما دايما يعتمدو الدرجة الاحسن او اللي انت تطلب انهم يعتمدوها...
بالنسبة االجي آر إي...الجامعات اللي ما تطلبها تقريبا موقفة للتكدس..لكن شوف جامعة eastern michigan فيها تخصصات education كتييييييييير بالمره وكتير منها ما يطلبولها جي آر إي وفي طبعا tesol لكن حيطلبو معدل عالي للجامعة وللتوفل....
لكن البلد مررررررررره بارده تقدر تشيك عليها مدينة اسمها yipsilanti مره جنب Ann Arbor وساعة ل Detroit و 3 ساعات تقريبا ل Chicago

فهيد الله يوفقك ويجزاك الف خير


رورو
اختلف معك ومتاكد فيه جامعات او كليات تقبل بدون توفل صدقيني فيه جامعات معاييرها متساهلة ومرنة وفيه جامعات لا متشددة جدا وانا سمعت من كذا واحد فيه جامعات ماتشترط
فيه واحد عربي في استراليا اخذ قبول مشروط في جامعة بحيث انه يخلص اللغة ويدخل يدرس لغويات على مااعتقد المهم بعد مابدا بفترة قاله واحد ليه تدرس وانت معاك بكالوريوس انجليزي
يعني بالعقل بكالوريوس مدته اربع سنوات بيكون اضعف من التوفل ؟ الولد خشت بمزاجه الفكرة وراح قال يالله دخلوني للكلية مباشرة طبعا رفضوا تدرين وش سوى الطحطوح ؟
راح وكلم محامي ورفع قضية ههههههه ماهوب صاحي من جد
وحكموا ان الكلية تقبله او تعيد له المبالغ الي دفعها وبالفعل دخلوه للبرنامج لان وجهة نظره كانت قوية
طبعا حنا مو في استراليا لكن متاكد جدا ومتفائل ان فيه جامعات مرنة في قبولها وابي واحد بس يشاور باصبعه عليها
مشكورة والجامعة الي قلتيها راح تكون من ضمن الخيارات الثانية

هههههههـآي .. رفع قضيه شكله مدمن أفلام ..

والله اشهد إنه رجل وشجاع .. بس ما كم أخذ من المحامي .. ؟؟ << الناس في موضوع وانت في موضوع ثاني .. هع

بالتوفيق ان شاءالله

أأيد كل ماذكرته الأخت arroori. قبل فترة كنت أساعد أحد الأصدقاء للحصول على قبول ماجستير في نفس وضعك وتخصصه ايضاً انجليزي ولكن بمجرد معرفة قسم القبول ان الرجل خريج من السعودية, مباشرتاً يعتذرون عن قبوله بدون توفل.

حتى مسئول قسم القبول في جامعات Wright State وانا اتكلم معاه قال لي ان المستوى الأكاديمي واللغوي لخريجي اللغة الأنجليزية من السعودية غير مرضي, وفي ثلاث أشخاص مقبولين قبول مشروط لمرحلة الماجستير في تخصص تعليم الأنجليزية لغير الناطقين بها وهم في مستويات متندية في معهد الجامعة حالياً (حتى واحد منهم على ذمة الرجل ان عنده خبرة في تدريس الانجليزية لمدة 7 سنوات في المملكة وهو في المستوى الثاني!). وقال لي انا مستعد اراهن معاك ان خويك مايجيب درجة التوفل حالياً, ولو كان يجيب ما كان طرق هالباب.

في جامعات تقبل بدون توفل صحيح للتخصصات الطبية والهندسية, ولكن لخريجي بعض الجامعات مثل البترول والملك سعود. لأن اولاً عندهم بعض الأتيفاقيات وايضاً سمعة خريجنهم الأكاديمية جيدة.

موفق