نصيحة للي اخذوا قرار الابتعاث او الي دراستهم يبدأ في وقت مبكر

May 12th, 2007, 09:29 AM

بسم الله الرحمن الرحيم

والصلاةوالسلام على من لانبي بعده نبينا محمد وعلى اله وصحبه اجمعين:اما بعد:

اخواني واخواتي أبارك للي استلم قرار ابتعاثه والي استلم قبوله وباقي على دراسته شهر او اقل
بعد مايخلص اجراءاته ان شاء الله على خير بخصوص موضوع التـــــــــــــذاكر.


انا مادري الوزارة تقوم بعملية الحجز التلقائي وتسلمه للمبتعثين ام انها تتكفل بقيمة التذاكر فقط
والباقي على المبتعث هو يحجز لنفسه .

لان على حد علمي وبحكم عملي سابقا كموظف حجز ان حجز تذاكر دولية لابد ان تكون قبل الموعد بشهر.....
يعني لازم تحجز بدري ..يعني بعد استلامك قرار الابتعاث لابد تحجز قبل موعد I-20 بعشرة ايام
يعني حتى تضبط امورك لاننا الان مقبلين على الاجازة السنويه وكل عــــام وانتم بخيــــر
ترى احتمال ماتحصل حجز وتظطر الى انك تحجز انتظار يعني شغلانه انا اتكلم في حالة انت الي تقوم بعملية الحجز ويستفيد الي رايح يدرس على حسابه الخاص..طبعا اذا انت من خارج الرياض اكتب مدينتك او منطقتك ومن ثم عن طريق الرياض او جده ثم واشنطن DC . طبعا عشان تتكفل السفاره بقيمة التذاكر من مدينتك الى واشنطن العاصمة .والى واشنطن حتى تستقبلك الملحقيه بعد ما تسجل طبعا معلومات وصولك عندهم..وتحجز عاد من هناك على مدينتك الي راح تدرس فيها .هذا على حد علمي وتوكلوا على الله .وضعوا المستقبل نصب اعينكم تفلحوا باذن الله.

(والخوف مو هنا الخوف عند مواجهة الــــوداع وعند ذرف الدموع لمفارقة من تحب لفترة طويله )
واخيرا وليس اخرا اتمنى اني افدتكم فان اصبت فهذا من الله وان اخطأت فهذا مني ومن الشيطان.

• نشر عبر تويتر
• نشر عبر فيسبوك
• نشر عبر جوجل