جاني طلب من المحكمة بخصوص عدم دفع إيجار السكن

اخوي اول شي تأكد إن الورقة جاية من المحكمة
ثاني شي خذ صورة من عقد الإيجار .. ووصل يفيد بتاريخ سدادك من البنك وروح للمكتب وانتبه تعطيهم ورقة المحكمة خلها معك واسألهم شف وش عندهم واذا انت مو متمكن من اللغة خذ معك واحد لغته كويسة عشان يفهم الموضوع كامل
انا اتوقع مافيه مافيه شي لان تونا بعد مايمديها توصل للمحاكم نظام شقتي اذا تاخرت اربعة ايام تدفع 75 دولار وبعدين يصير ينحسب عليك بعدها كل يوم خمسة دولار ولاحد يكلمك الين تتراكم عليك
وانت توك باقي بالبداية !!
عموماً إذا طلع الغلط منهم ارفع عليهم قضية ومرمطهم
شفهم مارحموك من أول زلـــة فلا ترحمهم إذا استووا لك اقل شي يصير بينكم تسوية تسكن ببلاش طوال مدة بعثتك خخخخخ

الله يكون بعونك ..

الاخ طالب المجد علي حق والله اذا كل اوراقك تمام روح المحكمه واقلبها عليهم وطالب بتعويض عن الاضرار الي سارت لك عشان هذا الموضوع. انت ما تعرف قصه الحرامي الي دخل بيت يسرقه ولمن جا خارج باب الجراج طلع خربان وانحبس ولمن جا صاحب البيت راح الحرامي رفع عليهم قضيه عشان الاضرار النفسيه الي سارت له في اليومين الي كان محبوس فيها. وعشان مره ثانيه يتأدبو...

الله يكون في عونك ويسهل امورك على خير

اخوي الهايم

قبل 4 شهور خويي جته ورقه من المحكمه مفادها انه يجيهم بعد اسبوع لانه تأخر عن الدفع 8 ايام والمعروف بامريكا انه 5 ايام لاكن راح لمهم ودفع بنفس اليوم اللي جت به الورقه <<< ذرقها

المهم عطاهم الدراهم وقالهم وش السالفه اللحين قالو خلاص لاتروح وخلص اموره ....

وانا مع كلام اخوي Faisal NY !!!!!!!!


فهد

كلمة Withdrawal تظهر لما تسحب كاش من حسابك ، بس ماتقدر تعرف اذا هم فعلا صرفوا ال Money order الا اذا معك ال Slip. أنت سويت ال Money order عند بنك أو شريته من بقالة أو محطة بنزين؟ اذا سويته عند بنك ، تقدر تروح البنك وهم يقولون لك اذا Money order تم صرفه. اذا شريته من بقالة أو محطة بنزين (Western Union Money Order مثلا) ، لازم تكون محتفظ بقطعة الورقة الصغيرة اللي تقطعها من ال Money order ويكون عليها الرقم. وتقدر تتصل بالهاتف على الشركة ويقولون لك اذا انصرف Money order. هذه مُهمة علشان اذا ال Money order ماانصرف وضاع لأي سبب ، ماتحتاج تدفع فلوس مرة ثانية وتسوي Money order جديدة.

بعد ماتعرف وش صار على ال Money order ، ممكن تروح المكتب وتتكلم معاهم ، واذا انحل الموضوع باذن الله ، اسألهم اذا بيسحبون الدعوى ، وتابعهم حتى تتأكد انهم سحبوها ، وأفضل شي واحد من الشباب يتصل على المحكمة ويتأكد ان الدعوى تم سحبها (هذه مهمة جدا علشان ماتتطور القضية بدون علمك حتى بالخطأ - لان المكتب نسى يسحب القضية مثلا - وبعدين ماتقدر تركز على دراستك).

الغريبة عادة المكتب مايروح للمحكمة الا اذا خلاص ماعنده أمل انك بتدفع الاجار يعني بعد مايرسل انذار.

أنا صارت معي قصة شبيهة بس بدون محكمة وكانت المشكلة انهم مضيعين الشيك ، علشان كذا كل الاحتمالات واردة.

على فكرة رفع قضية ماهي شغلة سهلة ، لازم تجيب محامي كويس علشان تضمن انك بتكسب القضية ، والمحامي مابجيي الا اذا دفعت له كاش ثقيل أو القضية فيها فلوس واجد وله نسبة ، وبعدين لو فعلا انت رفعت قضية ، هم بيكون عندهم محامي والدعوى بتطول ويمكن آخر شي ماتكون مجدية بالنسبة لك. يعني أهم شي من وجهة نظري حاول تحل الموضوع بأسرع طريقة وريّح بالك وركز على دراستك.

لا حول ولا قوة الا بالله...الله يكون في عونك يا رب...لا تشيل هم وان شاء الله ربنا يفرج همك....
بس جا على بالي انو قبل ما تروح المكتب او المحكمة صور كلللللللللللللل الاوراق اللي معاك...بما فيها ورقة المحكمة واللي يقولو عنها ال slip واي شي تاني للاحتياط يعني...
بس السؤال انو هل الورقة فيها طلب حضور للمحكمة يعني لازم تحصل احد هذي الكلمتين subpoena or summons
احتمال الخطاب يكون انذار او شي...
يلا موفق يا رب وبالله طمننا عنك..

لا لا ما اتوقع الدعوى فيها محاميين ومدري ايش عشان هذي المحاكمات عاده تكون في المحاكم الصغيرة اللي يسموها family courts or local courts or public courts اللي يحلو فيها المشاكل العائلية او الاجتماعية وعاده برضو يصير لها دخل بالفلوس

ماقدر اقول غير الله يفرجها عليك يارب ويجعلك من كل كرب وضيق مخرجااااااااااااااااااا