جاني طلب من المحكمة بخصوص عدم دفع إيجار السكن

لازم تحضر في المحكمه وتاخد معاك مترجم وتجيب معاك اوراق تثبت انهم قالولك سدد خلال ٣ ايام وانت سددت في اليوم التاني وافضل شي انك تستشير محامي.

مآآقدر افيدك بغير

ان الله يسهلها عليك ويوفقك ويكون بعونك ..

واللي اعرفه ان المحكمه عندهم تشوف وجهات النظر .. يعني موب ذيك الصعوبه .. مثل عندنا ..

موفقين

كم التاريخ على خطاب المحكمة؟ احتمال انها طلعت قبل لايصرف المكتب ال Money order.

اذا مارميت الورقة الصغيرة الي تقطعها من Money order (ما أدري أسمه بالعربي بس بالانجليزي يسمونه Slip) ، تقدر تشيك أون لاين وتشوف اذا صرفوا Money order. اذا صرفوه ، روح للمكتب واشرح لهم وأمورك منتهية ان شاء الله.

اذا ماصرفوه ، اتصل على الشركة الي أصدرت Money order وقل لهم يطلعون لك بديل.

المكتب ما أرسل لك انذار؟ أنا مستغرب أنهم يروحون المحكمة على طول قبل لايرسلون انذار. في كل الأحوال حاول تتفاهم مع المكتب (تأكد منهم ف الأول أنه مافيه سوء تفاهم) علشان ماتدخل في وجع الراس ، بس اذا صرت لازم تروح المحكمة ، خذ كل الأوراق اللي تثبت وجهة نظرك ، ويمكن تاخذ أي واحد يقدر يترجم لك ، يعني أي طالب سعودي يقدر يساعدك في الترجمة مثلا.

روح تكلم معهم يمكن ما استلمو المبلغ لاي سبب

اذا ما سحبو القضية لازم تروح المحكمة و خذ معك ايصال انك دفعت .

اذا ما رحت المحكمة بتحكم ضدك سواء دفعت او ما دفعت

طبعا افضل وسيلة انك تستشير محامي اذا اضطريت تروح محكمة

تاريخ المحكمة يوم 8 جون
والورقة موجودة وشيكت على حسابي ولقيته مكتوب WITHDRAWAL فقط
وإن شاء الله بكرة رايح المكتب


وبرضه كل الشباب يقولون غريبة ماارسلوا لي إنذار

فقط اللي أرسلوه على البريد الفاتورة وكانت بتاريخ 22-5 وأنا لقيتها بالبريد يوم 28-5


طيب لو أفترضنا المكتب صار غلطان وأعترفوا بغلطهم

هل لازم أروح المحكمة؟؟؟

الا السؤال المفروض الي تسال نفسك بما انك على حق وامورك تمام ليه ماتطالب بتعويضك على الاضرار النفسيه الي صارت لك

ياشيخ أضرار نفسية وبس

الله يفرجها

عسى الله يسهل أمرك، ويحفظك من كل شر.
توكل على الله فالأمر أمره والشأن شأنه وكلنا عبيده.
لا تقلق أخي الهايم، ولا تزعج نفسك، وكن واثقا معتداً بنفسك وقضيتك، وسيجعل الله لك من كل ضيق مخرجاً.
من توكل على الله كفاه.

لاتشيل هم

واهم شي انك تكلم السفاره قبل اي شي وبماانك على حق
روح للبريد وخذ اصال انه وصلك يوم 28 واوراق البنك وتوكل على الله
واذا رست القضبه لك اطلب تعويض نفسي وتعويض انك ماداومت ومن الكلام هذه ولاتسكت على حقك وكمان لازم تذكر انه ماجاك انذار هذه اهم شي في الموضوع
الله يعينك