دراسة الصيدلة في أمريكا (موضوع شامل)

صراحه اخوي ابو فراس ماني قادره اشكرك .. والميزانيه افكر تكون من 800 دولار لـ 1000 دولار تتوقع تكفي للسكن او ازيدها ؟؟

حياك الله اخوي وانت ماشاءالله عليك ما قصرت وقمت بمجهود طيب بمساعدة اخوانك
بس ممكن استفسار انت هل راح تبدأ برنامج الPharmD في كلية MCPHS في بوسطن او اللي في وستر-مانشستر لاني انا توي متخرج منها

تحياتي

الله يعافيك أخوي

كل جامعة ولها نظام ممكن تلقى جامعة تشترط سمستر واحد بحيث إنك تدرس المواد اللي تحتاجها في الماستر بناءً على قرار القسم بينما ممكن تلقى جامعة أخرى تشترط عليك سمسترين
ومدة الدراسة ماراح تتجاوز 3 سنوات

بالتوفيق إن شاء الله

سلام عليكم أخوي أبو فارس ,, جزاك الله خير على المجهودات اللي بتسويها لخدمة والله يجعلها في موازين حسناتك .. عندي مجموعة أسئلة ياليت تتحملني اذا ما عليك أمر


1. أكثر من عضو طلب منك تنصحه بأفضل الجامعات الأمريكية اللي فيها نظام الفارم دي وتقريبا جميع الأعضاء نصحتهم بالجامعات ذي creighton university , ohio northern university , massachusetts - boston
ماهو سبب اختيارك لهذي الجامعات بالذات؟؟ هل بس عشان نظامها 0-6 وماتطلب اختبار الـ Pcat ولا في أسباب غير كذا .. ياليت تذكر ايش المميز بكل جامعة


2. لو أنا درست صيدلة فارم دي في جامعة امريكية وتخرجت منها وحاب اني أكمل رزدنسي (في أمريكا برضه طبعا) هل أحتاج اني أمارس مدري كم ساعة عمل + اني أختبر اختبار FPGEE + اختبار قانون المهنة الأمريكي عشان يقبلوني في برنامج الرزدنسي (زي ما يصير مع المتخرجين من جامعات سعودية) ولّا بما اني دارس في أمريكا ما راح أحتاج أسوي ذا كله؟؟؟


3. بالنسبة للجامعات اللي مافيها قبول مشروط .. هل ممكن اني أسوي السيناريو التالي (أقدم على الجامعة بدون شهادة توفل ويتم قبولي رسميا وأروح أدرس لغة وأختبر توفل وأرجع لهم ومعاي توفلي وخلاص يقبلوني) الفكرة اني أضمن مكان في الجامعة اللي أنا أبغاها بحيث اني أخلص اللغة وأرجع لهم وقيدني مقبول .. مو أدرس لغة وأخلص ولسسسه بدور على جامعة؟؟؟؟


4. لو أنا الحين طالع أدرس صيدلة فارم دي على حساب البعثة ,, وتخرجت ولله الحمد وحاب اني أكمل رزدنسي ,, هل أحتاج اني أقدم على بعثات الزمالة على موقع الوزارة كأني مبتعث جديد .. وأنتظر قبول .. ولما يجيني القبول أنتظر كم شهر إلين ما يجي موعد بدء البرنامج (لو كذا بيروح علي ترم أو ترم وشوية) .. ولا أقدر أكمل الرزدنسي مباشرة بعد تخرجي على حساب البعثة؟؟


5. خلال فترة تقديمي للجامعة .. لو أبغى أعادل المواد اللي أنا دارسها (للمعلومية أنا طالب بجامعة الملك عبدالعزيز وأنهيت دراسة السنة التحضيرية وسنة ثانية صيدلة) بحيث تقل المواد اللي علي في البري فارمسي .. وراسلت الجامعة وقالولي تقدر تعادل مثلا 4 مواد (12 ساعة) .. هل أقدر اني أعادل بس مادتين (6 ساعات) ولا لازم كلها ؟؟؟؟


6. عندنا في جامعة عزوز المنهج والشرح والمذاكرة كلللللللللللللللها من ملخصات ما نستخدم أي كتاب .. الداكترة يعطونا ملخصات يشرحولنا منها وحنا نذاكر منها وهي تعتبر المرجع الأساسي للمنهج (بس طبعا الملخصات تكون دششششششششششش كلام ومحشية حشو غير طبيعي بالمعلومات) .. سؤالي هو.. في كليات الصيدلة عموما في الجامعات الأمريكية الطلاب يذاكرون من كتب ولا من ملخصات زينا.


7. ايش أفضل معهد لغة تنصحني فيه؟؟ (ويفضل يكون أكاديمي) ياليت لو تعطيني أكثر من خيار

العفو أختي

الفرق من ناحية ممارسة العمل

ناخذ المستشفيات على سبيل المثال: خريج PharmD يكون عمله ضمن الفريق الطبي المعالج في بعض الاقسام مثل العناية المركزة أو قسم زراعة الأعضاء أو تقديم إستشاريات علاجية مباشرة للمرضى عن طريق عيادات الرعاية الصيدلية الأولية .....الخ

بينما خريج pharmaceutical science يكون عمله صرف الأدوية للمرضى أو تحضير المحاليل الوريدية ...الخ

بالتوفيق

العفو اختي

الأسعار للغرفة الوحدة تبدأمن 1100 والغرفتين بتكون أغلى أكيد

بالتوفيق

ويستر وياريت أخوي فضلاً لا أمراً تقييمك للبرنامج

بالتوفيق

يعطيك الف عافيه ماقصرت لاترحمنا من مواضيعك

هل الوزاره ( برنامج ابتعاث الملك عبدالله ) يوافق يطلعني ع هالبرنامج ؟؟؟ وايش الكليه اللي غير ماساشيستوس تقبل بعد ؟؟؟

وهل يحتاج شرووووط لقبول البرنامج هذا ؟؟ هل يحتاج توفل او ايلتس ؟؟

ابو فراس جزاك الله خير على مجهودك الطيب
انا نويت الطلعه .. وجهزت اموري ولما قالولي خبر الـ Pre
لخبط الامور عندي .. ماني فاهم ايش الشغله
انا دبلوم من معهد صحي .. مدري ايش الوضع معاي
يعادلون لي ؟ .. ولأ لازم ابدأ من جديد ؟
والفارما دي ما اقدر ادخلها الا لازم يكون عندي بكالريوس ؟

الله لايهينك