مليت وانا احاول اتعلم الانجليزي لكن مافيه فايده من عنده الحل

اول حاجة احساسك بكونك ترغب بالتعلم هذا بحد ذاتوا تفوق وبادرة طيبة منك

لو تبي تتعلم ووتتوفق
ابعد عنهم
ترى مابينفعونك
امش مع امريكان او كوريين من اللي بالمعهد او اي طلاب اجانب
ونصيحه اخوي انتبه على نفسك تراك متغرب عشان تتعلم
هذي الاشكال الي تقول عليها في منها بالسعوديه كثير
لو تبي تمشي معهم تحصلهم بالسعوديه
لكن انت عقلك براسك
والاكيد انك رجال عاقل تعرف الصح من الغلط

http://www.mbt3th.us/vb/forum107/thread151702.html

محاضرات -(كيف فعلناها)-بجزئيها الان على اليوتيوب- تقنيات النجاح الاكاديمي والاحترافية


أنصحك بهذا الرابط استفدت منه كثيررر

لأني قريت كلام لك تقول ابي اربط بين الكلمات والجمل في الحفظ

كنت استخدم مايقارب 80% من اللي قاله خلال فتره دراستي الجامعيه وكانت صحيحه

لاتهمل الرابط لانه راح يساعدك كثير في انك تتعلم وتسرع عملية الحفظ عندك

موفق خير ان شاء الله

سلام عليكم
والله تقريبا نفس الحالة عندنا في المعهد العرب يمشوا مع بعض ويتكلموا عربي وكل يوم رز ياخي الرز يمشي في عروقهم ، تبى الحل أنا لي أسبوع تقريبا في المعهد تدري إلى الآن ما مشيت مع واحد يتكلم عربي وهي مرة *حدة بي مع واحد كويتي لا وكمان ما كلمته عربي إنجليزي والله إلي يشوفني ما يقول هذا مو سعودي والله أنا ألحين ما شي مع كورين وبرازيلية ومكسيكي وماشي الحال هم يتعلموا مني وأنا أتعلم منهم وعندي كتاب اشتريته من المكتبة هو يعتبر قصة للأطفال بس حلو لأنو سهل وتفهمه والله يوفق الجميع.

معليش حبيبي انا اللي اعرفه ان السكن مع العوايل ارخص من السكن بلحالك وخذها مني
انت دور مو تشوف اعلان واحد او تسمع من واحد من اخوياك وتاخذ فكره غلط وتستمر عليها

بالنسبة لمهارة الاستماع تابع الأخبار بالانجليزي كل يوم..

القراءة: حاول تقرا جرايد ومجلات أو كتب أو حتى قصص أطفال..

أما بالنسبة للهجة.. لازم لااااااااازم تترك ربعك المراهقين ترى الصاحب ساحب.. ودور لك سكن مع عيلة وصدقني بتتحسن لغتك.. ماسمعت المثل القائل:
use it or lose it

احفظ لك كل يوم 5 كلمات على الاقل واستخدمها طوال اليوم

واخيرا ادعي لربعك بالهداية وحاول تنصحهم.. ترى هذا مستقبل مو لعب

بالتوفيق

انت تقول يحششون
بسسسسسسسيطه
بلغ عليهم الشرطة
ويفضا لك الجو
وبتتعلم انجليزي

أخوي... السلام عليكم.

ريح بالك.. تراك في الطريق الصحيح.. بس أنت تسابق الزمن .. وتحس إنه بيسبقك

والدليل، قولك: إن درجاتي ممتاز

أما مسألة الانطلاق في اللغة فهي المرحلة الجاية (يعني بعد هذي الستة شهور اللي عشتها)

اندمج في المجتمع... روح وتعال وسولف واشتر وبيع.. وأسأل عن مكان أي شيء.. حتى لو تدله..

يعني بالعربي خلك قرق.. معالأمريكان.. إلين الواحد يطفش منك ويتركك..

تمنياتي لك بالتوفيق.. وزي ما قلت لك أطمأن أنت قدها وقدود.. ومتعدي زمنك .. ما شاء الله عليك

اول خطوه تسويها تبعد عن اخوياك هذولا بالمررره يعني قطعه بمعنى الكلمه مو تقابلهم بالويك اند زي ماقالوا بعض الشباب لان العينه هذي ماراح تجرك الا لكل شر
من باع دينه فاولى انك تبيعه ولا حسافه عليه وتعرف على ناس محترميه غيرهم والخطوات الثانيه ستأتي ولكن لابد من الخطوه الاولى

الله يوفقك ويسسسسسهل اموريك وييسسسرها

الحال من بعضضضه يااخوك