هاااام صدق الي سمعته عن مدينة يوجين ..!!!

وينها بأي ولاية ؟؟


أماا ينتحر خييير ؟؟


في بعض المدن مايكون فيها ترفية

يعني صغيرة ومول واحد ومطاعم وسينما وكم محل وكم سوبر ماركت بعض الشباب يشوفوها كئيبة

بس انا المدينة اللي رايحه لها زي كذا تقريبا بس فيها طبيعة حلوة وتعتبر مدينة دراسية وهادية وآمنة

كل انسان على حسب رغبته وكل مدينة تختلف عن الثانية من كل النواحي

بعض الشباب يعانون من مشكلة ان الشعب في مدينة معينه مو متعاونين يعني تجي تسولف معاه مايعطيك وجه

الواحد كيف يتعلم إذا مااختلط بالناس !!

إذا انت متخوف تروح لمدينة وتنصدم فيها لا تغامر اسأل أهل الخبرة قبل

الله يوفقك يارب

يوجين إذا ما خاب ظني انها في اريجون والله العالم ..

اللي أعرفه عن هالمدينه انها من أفضل المدن من ناحية الطبيعة والمعيشة ولا يوجد فيها ضرائب ايضاً .. أستغرب قضية الإنتحار اللي يتكلم عنها صاحبنا ..

الشيء المهم اللي لازم يعرفه كل إنسان يريد أن يدرس في أي دولة في العالم أن تفكيرة يختلف عن تفكير الآخرين !! كيف !!

أنا شخص مجتهد وأكبر هدف لي هو التعلم فقط .. ياتي بعدها السياحة والطبيعة .. لكنها ليست مطلب كبير جداً .. إذا من المفترض ان أبحث عن مدينة متوسطة وجميلة في نفس الوقت .. وأسأل من أثق أنه قريب لي التفكير والتوجه ..

شخص آخر يهتم بالأسواق ووسائل الترفيه بالإضافة إلى أنه رايح يدرس .. هذا أكيد أنه بيبحث عن مدينه تلبي رغباته ..

آخر يهتم بالجانب السيئ في الإبتعاث وهو الإنحلال والإنفلات .. أكيد انه بيبحث عن مدينة تناسب فكره !!

لا زم نعرف مين نسأل إذا رغبنا ان ندرس في مدينة معينه .. وليس شرطاً ان أكون رجل أبلغ من العمر 35 عاماً وأسأل شاب يبلغ 20 سنة عن المدينة وتقييمه لها ..

نظرة الشاب المراهق تختلف كثيراً عن الشاب المتزن والراكد.. وليست قاعدة .. بمعنى ان هنالك مراهقين يتفوقون على كثير من كبار السن !!

اتمنى أكون قدرت أوضح الصورة .. وما يخص يوجين .. إذا كانت اللي في اريجون .. ثق بالله وتوكل عليه .. مدينة من أفضل المدن .. وميزتها ما فيه ضرائب ..

محبك

كلمة !!

حبيبي
تبي تعرف الطفش صدق
تخيل معي , درجة الحراره 50
ثلاث اسابيع تدرس فبل الفاينل مقابل اخوياك الي كل واحد طاق سروال سنته و قاعد يشكليك تقول شايفني دوكتور فيل
يجي ويك اند انت تطلع كل شي عويال و نتهي لك الوضع برضه مع اخوياك لابسين نفس سراويل السنه تلعبون سوني
تخيل تدرس قبل الفاينل بثلاث اسابيع و يجيك الاختبار و تحس انك ما فتحت شي
تخيل 75 بالميه من الطلاب F بالفزكس 101 و 102
تخيل جامعه تستورد دوافير من الهند مختارينهم من بين مليار طالب عشان يجون و ياخذون اي بلصات لأنهم عارفين أن الطلاب السعوديين بقدراتهم , غير الخارقه , مستحيل يجيبون بي بالكثير و لو صارت جامعه كل طلابه سي مثلا رح تتعرض للإستجواب
تخيل انك طول عمرك ببيت تطلع و تسكن بغرفه لها 30 سنه ما صار لها صيانه ولا أحيانا تسكن بغرف على شكل مثلث !
المفرووض انها تصير ( ستدي روم ) ,,, ناس تكافح ,, ناس ملعن أبو جدفها عشان تطلع بحاجه بهالزمن الي فلوسك تنفعك
جاي كاتب موضوع انك تبي مكان فلله ,, صراحه شي يثبت إن المبتعثين ما عندك احد,, تبي ديره فلله رح لاس فيجاس و اسكن بكازينو
آسف على الرد الثقيل بس شي يغبن ,, خل أولوياتك أكبر من كذا ,, شف ترتيب الجامعه أو المعهد أول شي فبل تدور الفله ,,
الله يوفقك ع العموم

عاد لدرجة انتحار

معليش ذا يبالغ

صحيح الواحد بالغربه يبي ترفيه

لانه غربه ومدينه تطفش هاذي بالنسبه لي صعبه

بعدين الناس يختلفون يمكن هو مايحب المدن الصغيره
بس عادتن المدن الكبيره غاليه وبتبلش بالمكافاه زي حالتي

والله يعين

هذا رايح يتمشى خويك ولا رايح يدرس ؟

يالربع وش فيكم شبيتوا في الرجال

صحيح ان الهم الاكبر و الاولوية للدراسه لكن مايمنع انك تدور على مكان فيه حياة مايكون ميت وماغير دراسه طول يومك

الواحد يحط همه الاول الدراسه وعلشان الدراسه يتحمل الغربه ومصاريف غير البهدله في الوزارة
لكن مايمنع انك ترفه عن نفسك شوي يعني تسوي ريفريش وترجع تذاكر

بالعكس مدينة قمة في الروعة ....
وخل صاحبك يكثر منها اما انتحار يا حب السعوديون للمبالغات ....

تحياتي

برضه ترا المدينه الكبيره لها ايجابيات ترا وافضل بكثير حاول انك توفق بين افضل جامعه في مدينه ممتازه اكيد راح تلقى ...

امريكا فيها اكثر من 4000 جامعه يعني دور غير هالمدينه ابدأ بالجامعه الكويسه اللي فيها التخصص وشوف كم جامعه في كم مدينه وبعدين قرر ...

حسب ماسمعت أن المدينة زينه
بس إذا مو مرتاح غير