كيف انضم للبعثه وانا مرافق....

توصلون بالسلامة كل الشروط جبتها انت وخلصت منها
وهي فيزا طالب وقبول جامعي
اذا وصلت بالسلامة كلم الملحقية قسم المرافقين
وان شاء الله تنظم للبعثة

لاتنسى تجيب برنت من الاحوال على انك مو موظف أو اذا كنت موظف روح لمديرك وخليه يعطيك ورقة اجازة مدري ايش يسموها لاني ماادري بسالفة الموظفين لكن لازم تجيب ورقة من مديرك تثبت على انك ماخذ اجازة دراسية او زي كذا
والأوراق الي يطلبوها الملحقية:
1-صورة من جوازك
2-برنت يثبت على انك ليس موظف او موظف ماخذ إجازة
3-تعبي نموذج الحاق مرافق
اما الشهادة الجامعية مااعتقد يطلبوها الملحقية الا اذا خلصت زوجتك المعهد وانته خلصت برضوا بعدها يطلبوا الشهادة الجامعية عشان القبول الجامعي بإذن الله,,,

والله الموفق

القبول الجامعي لازم يكون قبول صريح. موب قبول مشروط باللغة او اي شي اخر

الملحقية تتكفل بدراستك في معهد اللغة, ولكن الالحاق ومعاملتك كمبتعث براتب مستقل لازم له قبول جامعي غير مشروط

اخي خليني اخدمك بشى لاني كنت مرافق لاختي .. لما تنضم للبعثه لا يعني انه لك بعثه كامله كلمبتعث الاساسي .. انته تظل مرافق صحيح انك تاخذ راتب مثل المبتعث الاساسي بس مثلا لو المبتعثه ترجع انت ترجع معاها لو تكنسل انت بعثتك تتكنسل معاها .. حتى لو هيه بعثتها 3 سنوات وانت اربع بعد الثلاث سنوات بعثتك تنتهي وعليك تدبر عمرك بسنه الرابعه

يعني باختصار تظل مرافق معاها ومعلق فيها .. لذلك انصحك وانصح اي احد انه يدرس على حسابه الخاص وينرفق كمبتعث منفصل تماما .. بهلحاله تاخذ حريتك في حاله المبتعثه الي هي زوجتك كنسلت ولا تبي ترجع .. لا تقع في نفس غلطي حيث انه اختي كنسلت وانا انلغت بعثتي معاها وصار لي 5 شهور في السعوديه مع الوزاره ومافي حل لموضوعي لاني مرافق ملتحق بلبعثه

وانت بكيفك

إن شاء الله الأجوبة اللي فوق كافية ووافية


وغالبا المرافق ما يتحول إلى مبتعث إلا بعد سنة اللغة ويجيب قبول صريح

وبرضه إذا أنت موظف لا تنسى قرار الإجازة الإستثنائة أو الدراسية

كيف أقدر أجيب قبول صريح وأنا ما عندي ضمان مالي؟
هل يعطوني الملحقية ضمان يا شباب.

اتمنى لك التوفيق اخي الكريم ..

الكثير قالو بان المبتعثة ومرافقها اذا وصلو واشنطن بالملحقية يقولولهم ان المرافق ينوي الدراسة وبكذا راح يعطوها هي وانت ضمانات مالية
هذا على حسب ما قالولي الاخوان في موضوع اخر
وشكرا جزيلا

كيف تقولو لازم قبول غير مشروط انا سألت الوزاره ورسلولي ايميل طوووووووووووووويل عرييييييييييض وقالو انو لو جاب قبول ينضم للبعثه سألتهم كيف يجيب قبول وهو ماعندو ضمان مالي قالولي يجيب قبول مشروط بالضمان المالي

انا عندي سؤال للي يعرف الجواب بالنسبه لدراسه المعهد للمرافق انا اعرف انهم يعطوه ضمان مالي للغه بس لو هو ما بدأ دراسه على طول يلغولو الموضوع ولا يقدر يطلبهم انو يدرس لغه ؟
لانو زوجي باقيلو ترم ويخلص جامعه وبعدو رح يبدأ لغه

بالنسبه لموضوعك اخي فا انت ماشي مزبوط بس لما تروح هناك افتح ملف بالملحقيه وجهز الاوراق اللي قالو عليها الاخوان وتنضم انشالله

بالتوفيق