##إستفسارات تايه ##

الله يكون بعونك بجاوب لك الي اعرفه

اول شي شف لك احد عنده اجازه وراجع للسعوديه تعرفه وخله يضبط لك الوضع كله من أ الى ي

هذا احسن شي لك

ثاني شي وش المكتب الي رحت له انتبه لا تقولي انه الرحلات الذهبيه تره اكبر نصاااااب نصيحه لا تروح له

وبالنسبه للألحاق ما احد راح يفيدك فيه والي بيفيدك فيه ما عنده علم مجرد كلام وبربره فقط لا غير

الي كاتبه ربك بيصر لا تشيل هم من الناحيه هذي واكثر من الدعاء والي كاتبه ربك بيصير لك

وبالنسبه لدراستك في واشنطن صراحه فكره حلوه لكن بنفس الوقت العيشه هناك غاليه احسب حسابها قبل كل شي .

وصعبه انك بعد الالحاق تنقل يبي لك مجالد مع الملحقيه علشان تنقل .

بالتوفيق لك


وبالنسبه لجز الموعد في السفاره تقدر تحجز امره سهل جدا ما ياخذ منك 10 دقايق والظاهر انه ما يحتاج اوراق

فقط اوراقك الي معك الجواز وشلته الظاهر بس ما اتذكر بالضبط وش المطلوب و اذا جا الموعد حق المقابله

تعبي الابلكيشن المطلوب

1- ما اعرف عن الالحاق ولا والله ان ودي افيدك
2- فكرة انك تنشب لهم حلوة.. بس واشنطن غاليه.. يعني لو ميزانيتك ما تساعد افضلك تروح انديانا ولا كنتاكي او اوهايو... ارخص بكثيير.. وانا اعرف الالحاق ياخذ من شهرين وفوق.. بس الدنيا حظوظ ومصالح فيه ناس انضموا قبل يجون امريكا وفيه ناس اكلو تبن الى ما انضموا.. اتي ادعي وربك يفرجها
3- لا احد يستغل حاجتك ويعبي بيانات .. 300 ريال بالحرام والله.. ما يسوى 20 ريال .. الله واكبر وشو الابلكيشن ما يبيله شي
واذا على المعلومات الي ما تعرفها.. حط na عند عنوان المعهد مثلا .. وعند رقم السيفيس حط N0000000000
هذي عشرة اصفار.. وبيمشي وضعك زي الحلاوة.. بس انت لما تروح السفاره وضح لهم الوضع.. واعطيهم القبول لو وصلك.. واذا ما بعد جاك بيعطونك ورقه ويقولون لك متى ما وصلك ارسله..

بالتوفيق.. احجز موعد من الحين لبعد شهر تقريبا تكون ضبطت وضعك..

همسه/ المكتب الي تتعامل معه فيه إنّ.. الناس عادة ياخذون من 3 شهور الى 6 شهور عشان توصلهم قبولات الماجستير .. وهذا المكتب يجيب بـ 10 ايام... والله لو جامعة ابوهم ما سوها! اخوي انتبه وراسل الجامعه تاكد من القبول..
يعني قبول اللغه ممكن واستقبال المطار..
العوائل هنا يدفعون لها الطلاب $800 شهريا مما يعادل 3000 ريال..
فالمغزى لو كانوا بيدبرون عايله.. فهذا معناته بس بيدورون لك على عايله من غير دفع الاجار..

انتبه من المكتب الي تتعامل معه.. ما ودي اخوفك .. بس خلك حريص ولا تثق.. وتاكد من كل شي يسونه.. اتصل مباشره على الجامعه وعلى المعهد وتاكد من كل شي ( بنفسك).. نصيحتي لك عشان ما تتورط..

موفق ان شاء لله