استفسار ممكن أروح بعثه طب وأحول هندسه؟؟

وعليكم السلام ورحمة الله وبركاته
اخوي اللي اعرفه انه اذا جبت قبول للتخصص اللي تبغاه ممكن تطلب تغيير التخصص ويغيرولك
لانه حتى الدفعه اللي راحت كان لازم يطلعوا بتخصصات صحية ومن ضمنهم انا بس لما كلمت المشرف حقي في الملحقية قللي عادي جيبي قبول واغيرلك وهذا اللي صارلي وهذا اللي كل الناس يسووه! اما اذا كانت في شروط جديدة لهذه الدفعة الجديدة فأنا لا أعلم!

الله يعينك ويسهل عليك

جزاك الله خير اختي.............

ممكن توضيح اكثر يااختي

من عيوني اختي ^^ قصدي انه.. انا رحت بتخصص علوم صحية! Health Sciences
بس انا مابغا ادرسه!! طول عمري ابغا ادرس تصميم داخلي أوهندسة معمارية!
رحت ايش سويت؟؟ قدمت على جامعات بنفسي طول ما كنت في معهد اللغة! الين ما قدرت اجيب قبول من جامعة في سياتل في تخصص التصميم الداخلي! وكلمت المشرف اني ابغى اغير التخصص! قللي ارسليلي قبولك! وارسلتلله!
بعد يوم يومين كذا وصلتني رسالة انه تم قبول تغيير التخصص!! وهذا حصل بسهووولة لانه معايا قبول!
غير كذا جاتني مكافأة لأني ماشاء الله جبت قبول قبل ما خلصت المدة المحددة لدراسة اللغة الحمدلله
وهذه تجربتي! بس ارجع اقول انه مادري لو صارت في تغييرات على النظام! مع اني سويت هذا الشي قريب من كم شهر بس!
يعني ما اتوقع تغيرت الانظمه لكن للاحتياط اسألوا المشرف حقكم في الملحقية ^^
والله يعيــــــــــننا كلنا ويسهل علينا كل أمورنا ياااارب

Take it easy! =P
موفقيـــــن

السلام عليكم

الله يفتح على من فتح الموووضوووع

انا مقدمه ان شاء الله ع مااستر بعد معهد اللغة وبعد اسبوعين بساافر ان شااء الله

المهم
تخصصي بكالوريوس/علم اجتماع
وكانت التخصصات المطرووووحه كلها ادارية وعلمية وطبية
فتم أختياري لتخصص/ تأمين
وقبل لا يصدر قرار الأبتعاث خيروني بين تسويق وتجاره اكترونية
وانا بصرااحه خاطري اتخصص ماستر على وتيرة تخصصي للبكالوروس وعندي خبره في تخصصي عامين
افيدووووووووووووووووووني
هل بإمكاني اغير التخصص لو جبت قبول جامعي في التخصص الي انا ابغاه او لأ؟؟؟؟؟؟

خاااايفه تضيع سنوااات عمري على تخصص لا انا ولا اهلي راضيين عنه

السلام عليكم
بما ان الابتعاث لطلاب الثانوي تخصصات طبية لو غيرت التخصص ما راح يسالوني الملحقية ليش غيرت التخصص او يحاسبوني
على اساس انهم مبتعثين اتخصص طبي

يعني اقدر اغير تخصصي

طيب كويـــــــــس , الله يبشركم بالخير , انا رآح احاول ان شاء الله اجيب قبول من الحين

والله يسهل امري وامركم يارب العالمين

السلام عليكم
عندي سؤال بخصوص تغيير التخصص
أقدر أغير تخصصي حتى لو كان التخصص اللي أبغاه ماكان مذكور في موقع الوزاره ؟

يا شباب تيك ات ايزي! لول
انا لا اعلم الغيب ولكنني اتحدث عن تجربة لا غير! هع
وهذا اللي كثير يسوونه غيري! يعني انا مو اول وحدة! تغيير التخصص سهل جدا بعد وأكرر بــــعــــــــــــد الحصول على قبول
ولا حتى يسألوا ليش! اذا شافوا ورقة من الجامعه مكتوب مقبوووووووووول خلااااص!!

بس كيف ما يكون مذكور في موقع الوزارة؟؟ قصدك انه مو طبي من الخيارات المذكورة؟؟؟ اذا عن مو طبي فاللي اعرفه انه عادي للمره المليون خخخخ

بس نصيحة لما تجوا تدوروا على جامعة في التخصص اللي تبغوه مثلا عجبتكم جامعة university of washington تخصص chemistry لااازم تروحوا موقع الوزاره تضغطوا على الجامعات الموصى بها وعلى اليمين تدخلوا معلومات الجامعة اسمها والتخصص اللي تبغوه في الحقل المناسب هع بعدين سووا سيرتش! عشان تتأكدوا انه جامعتكم من ضمن الجامعات الموصى بها واللي يرسلولها طلاب!

او ممكن تسووا العكس بس تحطوا اسم التخصص اللي تبغوه بدون جامعة بدون ولاية بدون اي شي وتسووا سيرتش! بتطلعلكم قائمة باسماء جامعات فيها تخصصاتكم اللي تبغوها وهي اكيد بتكون من ضمن الجامعات الموصى بها! يعني ان شاء الله اذا قدمت على الجامعه وجاك قبول باذن الله وتروح للملحقية متكشخ ومرتز انه عندك قبووول ما تتفشل وبالعكس تتسهل امورك ان شاء الله خخخخ

من جد سووا سيرتش للجامعة في الموقع او التخصص لااااازم عشان تتأكدوا انه معترف فيه! اوكي؟؟؟؟

وان شاء الله تحويل التخصص سهااالة
والله اعرف ناس داخلين تصميم ازيااء وتصويير ومادري ايش! لا هي طبيه ولا قريبه! وانا كمان تصميم داخلي! انا فين والطب فين! والله ما قالولي شي الحممممدلله وان شاء الله كلنا تتسهل امورنا ^^

بالتوفيق للجميـــــــــع