معهدي خطييير:University Of Pennsylavania

اشكرك سوييت انت سويت على اسمك ولو كثرت عليك كم تقريبا اجار السكن في الكامبوس وهل من الممكن اسكن في الكامبوس مع زوجتي والا بس للطلاب

السلام عليكم ورحمة الله وبركاته

الأخت سويت أشكركي على هالموضوع الرائع ، وعلى متابعتكي المستمره لأسئلة الزوار واجابتكي عليها

عندي استفسار وياليت القى الرد عندك .

بما إنك في معهد University Of Pennsylavania وناوية تنقلين على دنفر لإكمال الماستر ان شاء الله .

يعني إن شاء الله تكون عندك معلومات عن المدينتين

... من زمان وانا محتار بين الولايات

والحين مبدئياً ضيقت نطاق البحث إلى ولايتين

الأولى بنسلفينيا ومنها إلى فلادلفيا - University Of Pennsylavania

والثانية كولاورادو ومنها إلى دنفر - معهد Spring International Language Center أو الي تشوفينه

بس مازلت محتار بينهم !!


يعني انتي لو توفرت لك الفرصة مرة ثانية وخيروكي بين هالخيارين ، ايهم تخارين ؟!


وبالنسبة للأمور الي تهمني هي بالترتيب كما يلي
1- المعهد ( مستوى التدريس ، المدرسين ، مستوى التقنية في المعامل ، العنصرية ، .. )
2- المدينة
3- الجامعة ( للتخصصات الإدارية )
4- السكــن ( وياليت تفصلين ولو شوي )
5- مستوى المعيشة
6- الشعب

واذا لكي اي اضافة ، ياليت تقولينها .

ولا رديتي ، ابي اسألكي أسئلة ثانية .

جزاكي الله خير ، والله يسعدكي .


في انتظار ردك .

:gr_876: لا عادي اسأل ... عشان نفيد بعض ...
بالنسبة لإيجار السكن انا حاليا ساكنة في شقة غالية << عشان فيها سيكيورتي و على الشارع العام و خط الخدمات و قريبة من كل شي ... لكني اول ما وصلي فيلي سكنت في فندق الشيراتون لانه قريب مرة من المعهد على ما دورت على شقة ...
الكامبوس اقصد فيه المنطقة المحيطة بالجامعة و مبانيها وفيه عماير كثير لكن المشكلة انه يوجد كثير طلاب من جميع الجنسيات يعني مكن تاخذ وقت على تلاقي شقة او تحجز من بدري عن طريق النت .. ولكن تأكد من التسهيلات المتوفرة في الشقة ...
ممكن تبحث في النت عن شقق باستخدام ال zip code الخاص بالكامبوس وهو 19104
توجد مواقع شهيرة للبحث عن الشقق ومنها :
www.apartments.com
www.rentnet.com
www.rent.com

مشكوره ياسويت اورنج.. على هذي المعلومات والمساعدات الي تقدمينها لاعضاء المنتدى... اتمنى لك التوفيق

اشكرك اخ عبد الكريم على ردك ..و الصراحة سؤالك عن ايهم اختار لو اتيحت لي الفرصة مرة ثانية ... امممم والله يعتمد ... لكن احتمال كبير اختار دنفر على طول ... مع اني استفدت كثيرا من معهد ELP التابع لجامعة UPenn ... وانا سعيدة اني كونت علاقة حلوة مع الاساتذة الي درسوني و اتعرفت عليهم ... لكن يوجد عدة اسباب تخليني اختار دنفر من البداية :
1 - تخصصي غير موجود في جامعة UPenn بينما موجود في الجامعتين في دنفر و الانتقال من مدينة لمدينة مو سهل.
2 - مافي بنات عرب في فيلادلفيا وما قابلت غير وحدة من الامارات وتدرس في الجامعة يعني مافي صديقات... وتقريبا مافي احد اتكلم معاه عربي :gr_916: يعني انا استغرب من الي يقول لا تروح مكان فيه عرب عشان تحسن اللغة ... في رأيي اللغة تتحسن بالمذاكرة و القراءة والاستماع اكثر من الممارسة .. وانا لما امارس اللغة راح استخدم كلمات معينة في الحوار اليومي مع اشخاص عاديين و ما راح استخدم تعابير اكاديمية وهي المهمة في الدراسة في امريكا .. الممارسة لها دور في تحسين طريقة النطق اكثر شي ..
الشي الثاني رغم انه عندي صديقات من الدول الثانية لكن من جد افتقد اللغة العربية و اشتاق لها و بعدين عادتهم غير عن عادتنا .. يعني صعب نتكلم في اي شي ... رغم انهم طيبين .. لكن وجود اشخاص من بلدك يهون الغربة " هذا رأيي "
3 - فيلادلفيا جوها فيه رطوبة عشان عندهم نهر <<< وانا ما احب الجو الرطب :gr_882:
4 - لو رجع الزمن للوراء ممكن افكر في فرجينيا .. لأنه فرجينيا حلوة و فيها التخصص الي يناسبني .
ولكن الحمد لله .. انا كانت نقطة ضعفي الكتابة Academic Writing << لكن ما شاءالله في المعهد ELP اتعلمت اساسيات الكتابة وعرفت كيف اعبر و اكتب يعني من حسن حظي اني درست في هذا المعهد والخيرة فيما يختاره الله ... :gr_902:
بالنسبة لسؤالك الثاني .. انا فهمت انك تتكلم عن فيلادلفيا ..
اهم شي في معهد اللغة يكون مستواه ممتاز وبس ... عشان تحصل على متطلبات القبول في الجامعة بسرعة ...
واهم شي في المدينة تكون آمنة ... فيلادلفيا فيها اماكن خطرة وفيها HomeLess ,, وفيها جرائم وهذا الشي في معظم مدن امريكا .. لكن اهم شي ما تخرج بعد المغرب إلا للضرورة القصوى لأنه السكارى و ال****ين حسب ما سمعت يبدأ عملهم بعد ما الدنيا تظلم :gr_904:
الجامعة اهم شي يكون فيها تخصصك ... وبالنسبة لجامعة UPenn .. قوية و مشهورة و شهادتها قوية جدا و الخريج من هذه الجامعة ينعمل له حساب وترتبيها 4 من بين احسن 10 جامعات في امريكا .. وطبعا الدراسة و القبول فيها مو سهل .... ولازم له واحد باله طويل و متفوق ...
السكن <<< يعتمد على الإيجار الي تقدر تدفعه <<< يعني لو عندك اسئلة محددة بخصوص السكن اكتبها .. عشان اعرف اجاوب ..
مستوى المعيشة << فيه احياء راقية و فيه احياء فقيرة .. لكن فيلادلفيا من حيث التنظيم ما عجبتني ...
الشعب <<< فريندلي ... من جد وهذا الي شفته وكثير مسلمين امريكان و اغلبهم زنوج لدرجة اني اشوف امريكيات لابسين النقاب ماشاء الله .. وان كان عددهم محدود ..
وفي النهاية انت استخير و شوف الي يناسبك ..
وبالتوفيق :gr_902:

حبيبتي امل ... اشكرك على مرورك ... :89:

وفقك الله وارجعك الى اهلك سالمة غانمة متفوقة

اختي سويت .. انا الي لازم اشكركي على ردك وتفصيلك ، ماقصرتي .. الله يوفقكي و يجزاكي كل خير ..

سويتي لو سمحت مممكن تقولي كيف اجيب الاي توني من معهدك ؟؟؟؟؟؟ وياترا تقدر تجيب لي القبول انت ولالا؟؟؟

الأخ ODE و الأخ عبد الكريم .. اشكركم على مروركم.. و اهم شي نفيد بعض <<< من جد هنا في الغربة الواحد يحتاج ابناء من بلده يسألهم و يحصل منهم على معلومات كثيرة ..
انا اول ماوصلت كثير من الطلبة السعوديين ساعدونا في السكن و الجوال و الانترنت و الملحقية والمطاعم والفواتير <<< لأني وصلت ما اعرف ولا شي ... و من جد ما قصروا الله يوفقهم يارب ....
الأخ Oman .,,, القبول من المعهد مرررة سهل <<< اهم شي ترسل لهم الاوراق المطلوبة و من ضمنها الضمان المالي .. وطبعا تختار البرنامج الي راح تدرسه في المعهد ..
وغالبا كل المبتعثين يدرسوا البرنامج Intensive English ...
الافضل تزور موقع المعهد الي مكتوب في الصفحات السابقة من الموضوع ..
وترسل كل الاوراق المطلوبة عن طريق فيدكس او DHL .. و كلها اسبوع بالكثير ان شاء الله و المعهد يرسل القبول مع الأي تونتي ..
على فكرة انا هذا آخر سيشن لي في المعهد و في بداية هذا السيشن كنت في كلاس مع استاذة ما عجبتني كثير و هي جديدة اصلا بس ماعجبتني طريقتها حسيتها باردة .. و نقلت لكلاس ثاني .. يعني لو ما حسيت بالإرتياح في أي كلاس اطلب انك تنقل لكلاس ثاني ؛؛ عادي ..