سؤال ضروري عن بطاقة الصراف لأفضل بنكـ هنا يخدمني هناكـ في USA

ليش ؟
انا اتوقع استخدامك للفيزا مسبقه الدفع اول الايام فقط علشان اجار الفندق والذي منه اول ما توصل قبل تستقر في سكنك..

كذا لو بتستخدمها على طول ترى كل سحب ياخذون عليك مبلغ وقدره اما 40 او اكثر !!! فليش الخسااير يكفي طالعين على حسابنا ,, والمعيشه مهما كانت مهي زي بلدنا .. نبدا من الصفر .


انا اشوف انه نطلع مسبقه الدفع ,, مؤقت الين نوصل ثم نفتح حساب ببنوكهم علشان ما نخسر على كل سحبه مبلغ وقدره .. الا اذا كان حتى بنوكهم يخذون رسوم على السحب وهذا الي ما اتوقعه !!!


وانا مو مستعجله على البنك عادي لو تتاخر 10 ايام ,, بس بصراحه الراجحي تعاملهم ,

الله يييسر امورك وامور كل المبتعثات والمبتعثين

هلا اخت ضايعه

بالنسبه للفيزا ماياخذو شي اذا شريتي فيها يعني مشتريات فقط

اما اذا سحبتي فلوس فيها فكذا ياخذون 40 ريال من غير فرق العمله

انا بخلي الفيزا مسبقة الدفع للمشتريات والفنادق

ويكون معي 1000 دولار كاش امشي فيها اموري

وانا على حساب الحكومه يعني مو على حسابي وبخلي الفيزا موجوده دائما معي لان يمكن تتأخر المكافئه او اي شي يكون معي الفيزا

او اشتري سياره يكون معي

هذي كل الفكره

وبالتوفيق

انا عندي بطاقة الاهلي ..

كم اكثر مبلغ ممكن اسحب فيه هنا في امريكا ؟؟
واذا ابغى اشيك على الرصيد بس حياخذوو عموله ؟؟

حياك ربي ,,
ماشاء الله اجل على حساب الحكومه الله يخلي ابو متعب ويضمني معكم ههههه.. وعيني عليكم باررررده,, لا اله الا الله

بس والله حلو لو فعلا مشتريات وخلافه ما ياخذو فلوس عليهاا

كذا بالعكس اضمن ماانسرق .
معناها بسوي مثلك .. لاني راح ادفع للمعهد ثاني يوم من الدراسه من الفيزا ماياخذون رسوم ولاشي طيب بيكون احسن الحوالاات.

بس مشكلتي هاليومين لازم اتدرب على حسابات النت مااعرف شي للاسف.. زي الشيبان كل شي يدوي !! لازم اتطور

واذا ما تطورت ,, بحط مبلغ المعهد كامل في الفيزا من هنا قبل اقلع علشان افتك من شر الفلوس والله هم !!



يالله الله يوفق الجميع .. ونوصل امريكا على خير

الله يسلمك ويكفينا شر العين يارب هههههههههههههه

ترى البعثه جت من جمعية انسان يعني تراني يتيم لاتحسديني بس هههههههههههه

بالنسبه للفيزا استلمتها اليوم الحمدلله
وفعلت خدمة مباشر للافراد عشان احول من حسابي الى الفيزا وتعلمنا والحمدلله سهله مره

بس فيه مشكله بتورط فيها ان اي عملية تحويل من الحساب الى الفيزا لازم تجي رساله لجوالك وانا ماراح اشغل جوالي هناك

وكلمتهم قالو والله مافيه حل الا كذا

بس اذا تبين نصيحتي حطي رقم جوال اي واحد من اقاربك بالسعوديه واذا وصله رقم التأكيد يعطيك عشان تحولين من الحساب الى الفيزا

واي خدمه انا حاظر سفري قريب في 11\8\2010

وجالس ارتب الاوضاع مع اني مدري وش اخذ الله يستر

بالتوفيق

انا حسابي في الراجحي هل بطاقة صراف بنك الراجحي تعمل هناك ولا افتح حساب جديد

اخوي منصور هل لازم يكون لي حساب في نفس البنك عشان احول لها؟
ولاعادي لان انا حسابي في سامبا

 المشاركة الأصلية كتبت بواسطة منصور العتيبي

الله يسلمك ويكفينا شر العين يارب هههههههههههههه

والله عيني باارده ,, ماشاء الله اخااف يصير فيك شي تقول مني ..هههههههه والله ما تركت ذكرما قلته بس شكلك تبغاني اقرا عليك القران .. ههه الله يوفقك



سؤال مهم .. لو حولت من البنك للفيزا فيها رسوم بعد؟!! >>>مو مموتني غيرا لرسوم


الله يوفقك ,, لا اوصيك اذا صرت من اهل الخبره شقر على مواضيعنا يمكن نحتاج فزعتك,, قريب السفر الله يوفقك وتوصل بالسلامه >>> لاتتكبر علينا

اما الاخوان الاخوات الي يسالون عن حساب البنك ضروري ..؟


ايه ضروري تطلعون من نفس البنك حسااب .. وتصير فيزا مسبقه الدفع مثل سواء حقت الجوال اضمن..

والراجحي شغال والاهلي وسامبا ..

بس سامبا ماعندهم اتوقع مسبقه الدفع من سنه سالتهم ههههه والله مغبره انا

اما الاهلي والراجحي عندهم ..

موضوع مهم up^_^

هههههههههههههه اخت خريجة ضايعه

ترى امزح ههههههههه يالله يارب تلتحقي للبعثه والله اتمنى لك الخير وماني ناسيكم انا متواجد دام عندي وقت

بالنسبه للرسوم لاتخافي مافيه رسوم ولاشي

لانه يعتبر من حسابك الى حسابك مافيه اي عموله

طبعاً اللي يسئل الافضل يكون عندك حساب ببنك الراجحي عشان تحول من حسابك الجاري الى الفيزا مسبقة الدفع

وهي مثل السوا بس تشحنها وتستخدمها في المشتريات

واسمها (تسوق)

الان اعتقد اغلب البنوك فيها خدمة الفيزا مسبقة الدفع

بالنسبه لسامبا اليوم قالي واحد راح لهم وقالو يطلعونها لك خلال اسبوع ويمكن ازود بس عندهم ورسومها 100 ريال في السنه مثلها مثل باقي البنوك

اهم شي اخواني لاتنسون ان اي عملية تحويل من حسابك الجاري الى الفيزا بيجيك رساله للجوال عشان تكمل التحويل
وهذا اللي انا متورط فيه لاني ماراح اشغل شريحتي هناك

لكن بشوف لها صرفه يعني بحط رقم اخوي واخليه هو اللي يحول ويضبط كل شي

بالتوفيق