للطلاب المتوجهين لشيكاغو و طلاب كابلن خاصة ، أي استسفار انا في الخدمة ،

أخوي شرايك بهذي الولاية وخصوصا معهد كابلن اللي فيها ؟ ووين في معاهد كابلن زينة؟

أنت في أمريكا خوي السرمدي وكم لك وانت هناك

السرمدي

تحية لك ,,

لربما آتيك بعد شهر

سؤالي بالنسبة إلى السكن كيف وضعه و الكثير و حبذا لو أتواصل معاك عن طريق الايميل ؟؟

آسف على الـتأخير ،

عموما مدينة شيكاغو مرة حلوة و خاصة في الصيف ( اللى بيلحق على الصيف ) و ما فيه عنصريه أبدا ، و ناحية السكن فأنا ساكن مع عائلة من طرف كابلن و العائلة كويسه و ترى كابلن مختار الهوست اللى يتعامل معهم بعناية و فيه خيارات ثانية تلقاها في البروشته حقت كابلن على الأنترنت فيها كل المعلومات عن أنواع السكن اللى يوفرها كابلن http://www.kaplanenglish.com/pdf_fil...7_Brochure.pdf و أنا أنصح و بقوة اللى جاي في وقت الصيف انه يرسل قبل ما يجي بأطول فترة ممكنة طلب سكن للكابلن عشان يرتبون لك الموضوع لأن شيكاغو في الصيف راح تتعب بقوة عشان تلقى سكن ( هذي تجربة توهق فيها واحد سعودي جاي لكابلن مع عائلته و له اسبوع و نص و هو ساكن في فندق لأنه ما حصل سكن ) و فيه نقطه أنصكم انكم في الباداية تسكنون عن طريق كابلن على الأقل شهر عشان اذا تبغى تستأجر شقة لاز توقع عقد و عقود السكن من أخطر العقود لأنها تتضمن شروط يجب أن تكون عارفها و على فكرة العقد اللى بتوقعه فيه مصطلحات ما تعرف معناها و لذلك ابعد عن الشر و غني له ، على العموم أنتو راسلوا كابلن و اسئلوهم عن الموضوع و هذا ايميل المسؤوله عن السكن في كابلن شيكاغو Sara.Hevron@kaplan.com اسمها ساره هيفرن راسلوها و رتبوا امور السكن ، بالنسبة للمواصلات فشيكاغو من هذي الناحية لا مثيل لها فيوجد نظام نقل عام ممتاز جدا و بإمكانك أن تشتري بطاقة CTA بـ 75 دولار تستمر معك لمدة شهر تستخدمها على القطار و الباصات و نظام النقل هنا رائع بالعربي الفصيح لا تقلق من هذي الناحية ، من ناحية الأكل فأنا بصراحة كأني في السعودية المطاعم اللى متوفر فيها الأكل الحلال بالهبل و ما راح تواجهون مشكلة من هذي الناحية ( على فكرة تحت كابلن على طول فيه مطعم هندي و شامي تقدم لحم حلال و فيها رز برياني و كاري و الفلة اللى أنتو عارفينها ) ، و من ناحية صلاة الجمعة فالمساجد و المصليات و المراكز الإسلامية منشرة بكثرة و انشاء الله اذا جيتوا هنا راح أدلكم .

من ناحية كابلن فهو صراحة معهد كويس و ممتاز و ما عليك من الحكي و صراحة عنده خدمات كويسه غير خدمه التعليم زي فيه خدمه اسمها placement و هي عبارة عن اتفاقية بين المعهد و جامعات محددة موجودة في موقع الكابلن بحيث ان الطالب اذا خلص لفلات المعهد يدخل الجامعه و يكون قبوله مسهل و طبعا متفقين مع أكثر من جامعة في كل ولاية و يمكن تشيكون عن طريق هذا الموقع http://kaplanups.digitalhaiku.com/ تقدر تختار حامعة ضمن خدمة البليس منت و هم يسوون لك القبول ، و طبعا الطلاب اللى من طرف الوزارة امورهم مسهلة من ناحية البليس منت ما تحتاج لا ضمان مالي و لا شىء لأن قد عندهم منه نسخة ،،
و في خدمة ثانية اسمها pathway و هذي الخدمة جديدة من كابلن و خلاصتها انها تتفق ما جامعات قوية ( الان ما اتفقوا إلا مع جامعة northeast فقط و هي في بوسطن ترتيبها 94 في أمريكا و قيه قبول بكالوريوس و ماستر و حتى فيه مقاعد محجوز لطلاب كابلن للسمستر اللى بيبدأ في ديسمبر ) و من ميزات هذي الخدمة طبعا حتى انك ما تدفع رسوم التسجيل و و تأخذ الأبليكيشن مجاناً .
و بعد فيه أنشطة من رحلات و خلافة و هذا بالإضافة إلى المدرسين الممتازين اللى يدسون فيه ، و ترى معظمهم معه ماستر و لغة ثانية غير الأنجليزية ( يعني سبق لهم و مروا بمرحلة تعلم لغة أجنبية ) .

و اي أسئلة أو استفسارات أنا في الخدمة و اسف مجددا على التأخير ،،

العزيز السرمدي

موفق إن شاء الله

السلام عليكم

أبي أسأل سؤال
بالنسبة لموضوع الSevis هل أنت دفعت ولا كابلان هم اللي دفعوا عنك لأني لما جيب أستلم الفيزا و ما قالوا لي أدفع و بعدين جيب با أدفع بعد الاستلام حق الفيزا ,, طلع لي مدفوع .
فهل ممكن يكون كابلان دفع المبلغ حق ال Sevis؟؟

أتمنى ردك عاجلاً

و انا في كابلان شيكاغو

اللي أعرفه انك لازم تدقع السيفس و لا ما تأخذ الفيزا !!
مسألة من اللى دفع ؟ والله مدري يمكن الوزارة ؟؟ بس أنت متأكد انك ما دفعت رسوم السيفس ؟؟

على العموم ما دام استلمت الفيزا فأمورك خلاص ، ذلك يعني ان السيفس مدفوع بس من اللي دفعه مدري ؟؟

السلام عليكم

أخوي السرمدي لدي عدة أسئلة و أرجو الاجابة عليها:

1- كيف مستوى دراسة اللغة الانجليزية في معهد Kaplan؟
2- أريدك أن تساعدني في كيفية البحث عن السكن مع عائلة أمريكية؟
3- كيف الأمان في مدينة شيكاغو و بالذات المنطقة التي سوف أدرس فيها مع موقع السكن أيضا؟
4- هل الاكل الحلال في مطاعم شيكاغو يشمل اللحم و الدجاج؟

علما بأنني سوف أدرس في معهد Kaplan في مدينة شيكاغو.

و لك جزيل الشكر