لكل اللي سافرو امريكا للدراسه

السلام عليكم ورحمة الله وبركاته

اتمنى تساعدوني اخواني اللي رحتو على امريكا

كم مفروض الواحد ياخد كاش عشان يمشي حالو لوقت ماتجي المكافأه ؟ علما انو نحنا شخصين؟
3000 - 4000 دولار وترى الزيادة يا سيدة دارين ما تضر ولكن النقص مضر جداً.


بالنسبه للطيران الداخلي هل نحنا ندفعو ولا كيف؟ لانو نحنا حنروح اول شي على واشنطن بعدين على مدينتا؟
الوزارة تدفع التذاكر الداخلية


وايش احسن خطوط للطيران الداخلي وارخصها؟
والله يا أختي، انا اطير دائماً مع دلتا وميزتهم الوحيدة ان عندهم تواجد في السعودية، على فكرة هي الخطوط الامريكية الوحيدة اللي عندهم مكتب رسمي في السعودية وفي الرياض تحديداً.


اول مانوصل انشالله كيف نبلغ الملحقيه بوصولنا عشان يكون عندهم علم؟
التبليغ يكون عن طريق تعبئة استمارة في موقع الملحقية على الانترنت، شوفي الرابط في الاسفل
إشعار بوصول مبتعث جديد


اتمنى تجاوبوني وانا وغيري انشالله نستفيد وجزاكم الله الف خير

السلام عليكم ورحمة الله وبركاته
انا ماازيد علي كلام الاخوان لاكن لازم اقل شي يكون معاكم من 3000 الي 4000 دولار وعلي حسب المكان اللي حتروحوله.هذا غير قيمة التذاكر وكان الله فعونكم.وتوصلوا بالسلامة.

جزاكم الله الف خير ويارب يوفقكم ويسهل اموركم جميعا

عندي استفسار بالنسبه للطيران الداخلي طالما انو الوزاره تدفعو يعني نحجزو برضو من مكتب الطيار ولا من هناك لاني بصراحه ماني عارفه الطريقه كيف؟
سيدة دارين، انتي تاخذين تذكرتك من الطيار كاملة، يعني هو يسوي لك حجز الرحلات الداخلية بناء على مواعيد سفرك.

وايش اقرب واحسن فندق من الملحقيه ؟
شوفي هناك طريقتين:
1- تحجزي بنفسك فندق قريب من الملحقية
2- الحل الاخر، انك تعطي خبر للملحقية مثل وهم راح يستقبلونك في المطار وياخذونك للفندق


بالنسبة للخيار الاول، انتي ما لك علاقة بالملحقية تصيرين حرة نفسك ولكن انتي التي سوف تقومين بالحجز وتدفعي التنقلات اذا كان فيه،

اما الخيار الثاني، انك تروحي لفندق السفارة وتدفعين طبعاً قيمة الفندق من حسابك الخاص والملحقية ما تدفع لك قيمة السكن، والصباح يمرون عليك وياخذونك بالفان المخصص لنقل الطلاب، فانتي في الخيار.

اذا انتي قررتي الخيار رقم 1 فاقدر اساعدك في الحصول على فنادق من الملحقية ولكني شخصياً افضل الخيار الاول ولكي حرية الاختيار.

وفي عندي سؤال حابه اعرف تجاربكم من خلالو وهو بالنسبه للسكن
انا دخلت على النت وشفت اماكن كتير وكل ما ارسلهم يطلع السكن مو مفروش او انو ايجارو سنوي او نصف سنوي وطبعا كدا يطلع المبلغ شي كبير ودخت لحد الان ماني لاقيه شي فبرأيكم اروح من غير ما احجز سكن وادور هناك لما اوصل ولا ايش الافضل؟
حلوووو انك اخذتي فكرة الآن ولكن الأفضل انك تستاجري من هناك عشان تشوفين السكن والمنطقة المحيطة بالسكن بنفسك. ولا تستغربي اذا طلبوا منك دفع تامين مسترجع فهذا شيء اساسي في أمريكا.

سوري كترت عليكم اسئله بس والله مالي بعد الله غيركم
كثري وخذي راحتك ولا يردك الا لسانك، ترى ما فيها تعب كلها ضغطت كي بورد
يعطيكم ربي الف عافيه