لطلبة الدكتوراة عامة و كولورادو خاصة

بجاوب ع الأسئلة اللي أعرف إجابتها..

١- كولورادو ما لقيت فيها دكتوراه في البزنس، باستثناء بولدر.. وأذكر كان فيه دكتوراه في دنفر، لكن مالقيت الرابط الآن!!

مثلك قد لقيت رابط فيه دكتوراه بدنفر لكن مدري و ين راح

٢- الدكتوراة اللي بدون ماستر، أعرف زميلة لي ابتعثتها الجامعة على هذا البرنامج..
يعني هي معها فقط بكالريوس, و إلا معها ماستر و اسكتوا عنها؟

٣- اختبار الجيمات لا تدخليه إلا وإنتي دارسة كويس، لأنه لما تقدمي درجتك، راح تكون بقية الدرجات موجودة، عشان كذا ينصحون إن الواحد يدرس بعدين يقدم درجة أو درجات تشجع الجامعة على قبوله، لأنه لو قدمت درجات متفاوته، ما راح تعطي عنك صورة بأنك إنسانة واضحة وجادة.. فانتبهي لها النقطة أختي.. والشي الثاني، لما تروحي لاختبار الجيمات، لازم يكون معاكي كود الجامعة اللي تبغيهم يرسلوا الدرجة لها..يعني حددي الجامعات قبل الاختبار، وهو يرسلولها نتيجتك..
أنا لما أخذت الايلتس من زمان طلبوا رمز الجامعة لكني قلت لهم إني ماخذة الاختبار فقط لنفسي يعني ما راح أرسله لأي جهة تعليمية و هذا الخيار كان موجود فعلا. و بعدها بفترة توفقت و درست الماستر و عطيتهم اختبار الايلتس. لكني ما جربت أرسل اختباري لكذا جامعة، هي وحدة في السعودية.

الحين أفكر أسوي نفس الشي للجيمات، لكن مدري إذا خيار (لنفسي (أو شي كذا)) موجود بالجيمات أو لأ.
لأني كذا ما راح أدخل أي رمز جامعي و أقدر أرسل الاختبار لكذا جامعة. فهل تنفع هالطريقة؟
أو هل الجامعات يطلبون النسخة الأصلية و بكذا لازم أسوي امتحان جيمات لكل جامعة و برمزها؟
أو أستنى إذا ردت علي الجامعة بالرفض و رجعت لي أوراقي أقدم بعدها على جامعة ثانية؟ (هذا إذا يرجعون أوراق؟

مدة صلاحية اختبار الجيمات تصل لخمس سنوات و وحدة من الجامعات قالت حتى إذا الجيمات صار له اربع سنوات أو ما تعدى 5 سنوات ينقبل، معناه إن هذا الاختبار ما فيه ترميز للجامعة.
أبي أرسل فقط نسخ للجامعات و أرتاح، هل ينفع؟
يا ليت أحد عارف يرد علي.




٤- الجامعات السعودية تبتعث لبريطانيا في مرحلة الدكتوراة، وهذا شيء أنا متأكدة منه مليون في المية، طبعاً هذا بالنسبة للنساء، لأن الرجال في تكدس أساسا في بريطانيا.. لكن جامعات محدودة هي اللي يبتعثون لها.. وطبيعة الدراسة هناك بحثية، وما في أي مشاكل بالنسبة لجامعاتنا مع هالشي..


٥- هذه النقطة فيها رأيي شخصي لكن خبرة، ويمكنك ببساطة تجاهله إن لم يعجبك..
وهو إن الشهادة الأكاديمية الرفيعة لا تفيدك كثيراً في العمل في السعودية، لذا فالماجستير والدكتوراه يخدمون أصحاب الطموح الأكاديمي أو التعليمي، بينما الزمالة والشهادات المهنية هي التي تخدم الطموحين لمجال العمل..
قولي الماجستير أمره بسيط.. كلها سنتين الواحد ياخذ فيها معلومات غنية تفيده وين ما راح.. لكن الدكتوراه كرف وتعب مو طبيعي، وأعرف زميلات لي خريجات ماجستير، وما رحبت بهم قطاعات العمل في السعودية لأنهم Over qualified وما عندهم استعداد يدفعوا لهم رواتب تكافئ شهادتهم!!

و الله كلامك على العين و الراس و صدقتي فيه بس وش نسوي طموحي من البكالوريوس أدرس بره و لا صارت فرصة و كملت الماستر هنا برضو و لسه ببالي السفرة، عاد ما تسهلت الأمور إلى على الدكتوراة.
و إن شاء الله ربي يسهلها علينا و نلقى وظيفة تعوضنا عن شقانا و تلبي طموحنا.

والله يوفقك لكل خير ويحقق أحلامك..