عطوني الموافقه بس شكلهم صرفوني

انا اللي اعرفه ان كل اللي راحو للسفارة ظبطو وضعهم يعني لاتخاف مب طالبين ثلاث مئة الف ريال ناس كثير راحو وهم مامعهم هالخطاب بي معهم كشف بنكي لاخر ثلاث شهور من البنك
اتمنى اني افدتك

وعليكم السلام
ماوضحت منهم الي وعدوك ؟
الوزارة ! بصراحة شي غريب ..
عموماً إذا أنت على حسابك كل شي لازم تسويه بنفسك .. أول خطوة تسويها هي
إنك تجيب قبول جامعة أو معهد في أمريكا :
وهذي لازم لها أوراق ترسلها من ضمنها ضمان مالي من البنك بمبلغ محترم كون في حسابك أو حساب حد من أهلك
إذا وصلتك ورقة القبول تسوي مقابلة في السفارة الأمريكية
وعشان تاخذ موعد يبي لك شهر تقريباً
وأثناء المقابلة ياخذون منك أوراق من ضمنها وأهمها قبول الجامعة أو المعهد الي جبته ويسألونك وياخذون منك نسخة من حسابك المالي أو حساب الراعي الي بيكون مسؤول عن مصاريفك عشان يعرفون هل أنت فعلاً قادر مادياً على الدراسة ولالا وطبعاً فيه أوراق ثانية روح شوفها في قسم السفارة في المنتدى
خلال اسبوعين الى شهرين توصلك فيزة F1
ساعتها عاد شوف من الي وعدك ببعثة وش بيقول !
أنا قلت لك كذا لأني ماادري الناس الي على حسابهم مايتم إلحاقهم إلا بعد وصولهم لأمريكا ودراستهم لفترة
اتوقع ممكن قصدهم أمر إركاب .. وهذا مايعتبر إلحاق تام بالبعثة
عموماً حبيت أشارك بالمعلومات الي عندي
وفيه كثير من الإخوان راحوا على حسابهم بيفيدونك أكثر
الله يوفقك .. إاذا أنت فعلاً تبي تسافر الطريق شاق وطويل لكن ممكن توصل أهم شي لاتستسلم
دعواتنا لك بالتوفيق

الدوسري الله يحفظك مشكور ياخوي بس انا سئلت مكتب في السفارات بالرياض وقالي
لازم يكون معك خطاب ضمان مالي او مبلغ محترم

اخوي تفاكير
اللي واعدوني هم وزارة التعليم العالي

وطبعا مدعومه بعد الله جلا وعلا بواسطه وهم اللي قالوا لي جب الفيزه ونعطيك الخطاب واصير على البعثه من هنا
اما الدراسه على حسابي صعبه علي مررررره

وجزاك الله خير على تفاعلك وياليت بعد تفيدني اكثر يالغالي


تحيتي

أجل الحين إبدأ في تحديد جامعة وحاول تجيب لك قبول مشروط من جامعة ( يعني يدخلونك معهدهم حق اللغة وبعد ماتخلص تصير تستحق دخول الجامعة )
وإذا أرسلت لهم الأوراق
حدد موعد في السفارة على بعد العيد
على بال ماتجي أوراق القبول يكون موعد السفارة قرب تروح تسوي مقابلتك ومعك القبول + أوراق أخرى تطلبها السفارة
بالتوفيق

تفاكير الله يرضى عليك

القبول على البعثه مشروط بوجود الفيزه

اما قبول الجامعه مقدور عليه

انا ابي اعرف هل صعب الحصول على الفيزه بدون الخطاب الضمان من الوزاره
وهل الوزارة صرفتني يوم قالت جب الخطاب اول

هذا هو استفساري يالغالي

اخوي انا نفسك بس يختلف شي بسيط الي هو اني كنت دارس في بريطانيا وقدمت عليهم ولم يتم الحاقي

بعد وصولي من بيطانيا رحت للوزراة وقابلت العطيه وشسرحت له الوضع اني كنت على حسابي الخاص في بريطانيا ومن هل كلام قالي ابريطانيا مقفل الاتحاق فيها قلت طيب انا مقدم على جامعة في امريكياا قال خلاص خلص امورك جيب القبول والفيزا وتعال

بنسبه لتقديم على الجامعة انا سويت خطاب بنكي بقمت 140الف ريال الحمدالله وصل القبول ومقدم على السفاره ونتظر الفيزا
ان شالله

وبشرك كل شي سهل بس لاتخاف وي استفسار انا جاهز

اخوي
حكاية صرفوك أو لا .. والله ماادري حسب الي قالك هذا الكلام إذا أنت مالي يدك من واسطتك اسعى

حكاية مايعطونك فيزا بدون ضمان من الوزارة .. لا مو شرط أنا طلعت فيزتي من غير ضمان الوزارة
أهم شي تشوف لك حساب فيه مبلغ من المال مااتوقع توصل للمبلغ الي قلته أنت طبعاً أقل بكثير وإسأل عنه بتلقى في قسم التأشيرات والضمان المالي تفاصيل أكبر
المهم إنك ممكن تاخذ فيزتك عن طريقك الشخصي مو عن طريق الوزارة وممكن يكون الحساب حساب حد من أهلك مثل والد أو أخ أو عم
بالتوفيق

كلامك صح تفاكير