للناس الحبوبين والطيبين

8
8
رسمي موو؟ لا ماعليكم اعجبكم انا في الرسميات شقردي



المهم انتو شباب شلونكم وشلون جو الدراسه معكم كل شي ماشي إن شاء الله؟ الله يوفقكم ويسعدكم آمين.
والله انا من خلال مطالعتي لها المنتدى الطيب احس اني استفدت كثير وربي واشهد انكم شنبات ماشاء الله عليكم ماقصرتوا مع اخوانكم المساكين المقبلين على الابتعاث وبحاجة إلى من يشد بيدهم ويشجعهم




المهم انا شخص مثلكم اقصد كنت مثلكم او كنتو مثلي يعني لسه ناوي إن شاء الله مـاشي إلى امريكيا<<< رجاااءً!!! لاحد يركز على امريكيا وكل واحد يقراها زي مايبي

ايه فزي مانتو عارفين يعني نحتاج لخبرتكم ونصايحكم انتو المبتعثين القدامى فــ انا عندي كم إستفسار صغيرون اتمنى تستقبلونها برحابة صدر وكل شي اوكي




*ملاحظـــة: انا حاولت اني اقرا كثير في المنتدى بحيث اني ما أكرر اسأله سبق وان طرحت من قبل فـ هذي الاستفسارات الي بقى هي الاشياء الي انا ماشفتهم.



أول شي بالنسبة للتسجيل: حاليا انا حاولت اني ادخل بنفسي على مواقع الجامعات واسجل بنفسي لكـن واجهتني شغله واهي ان كل الجامعات حالياً تسجيلها مغلق خلال هالفتره او مفتوح لـ سمستر الـ Fall 2010 الي طبعا مافي اي مجال للألتحاق فيه وانتو عارفين يعني اجراءات وعفسه وحتى لا وصلت معهد ودراسه قبل الجامعة وانا ارغب اني اخلص اموري واجراءاتي في أسرع وقت ممكن والمشكله اني ماقدر ابدا الشغل اقصد اجراءات الفيزا وانتظر الموعد تالي انتظر إلى أن يوافقون عليك وكل هذا ياخذ وقت ومع الوقت الي راح اضيعه فـ راح تتأخر الشغله كثير وانا هالشي مرره. فمافيه طريقه بحيث اني اسجل قبل لا يفتحون التسجيل؟؟<<<مدري السؤال زاحف شوي ولا يتهيئ لي بس من جد اتكلم يعني مافيه حل لـ هالمشكلة او اقتراحات او شي من هالقبيل,,, رايك ترى يهمني واحطه ع العين قبل الراس.

طيب شي ثاني: بـ النسبة للغة فـ مدري كيف يعني كثير ناس يشتكون من اللغة بـ النسبة لي فـ لله الحمد والمنة عندي لغة كويسه درست في عدة معاهد إن ماي هوم تاون<< يبي يوريكم انه يعرف انقليزي ولله الحمد إن شاء الله ماراح اطول في معهد اللغة. فـ سؤالي هنا الي يطرح نفسه,,, لو اني مثلاً الحين انا مشيت ووصلت لـ امريكا ودرست في المعهد مدة قدرها شهرين او ثلاثة نقول مثلا واخذت التوفل او انهيت دراسة المعهد وتأخر الإلحاق<<الله لا يقول طبعاً لا علي ولا على غيريبس نقول لو فـ شـ الحل هنا هل لازم ادفع رسوم الجامعة حق سمستر كامل علشان أبدا الدراسه ولا اجلس عطالي بطالي لين يجيني الالحاق

هذا يمكن كل الي في بالي ذا الحين اتمنى اني ماثقلت من اول موضوع ولكن انتو عارفين يعني الانسان طماع ويحب انه يتعلم اشكركم على حسن استماعكم وإلى اللقاء

ملاحظة: انتظر ردوودكم هالله هالله فيني وفي المساكين مثلي وشكرا على حسن القراءه

اخوووكم الشاب اللطيف ابوعااابد