ارجوكم ساعدوني

لازم يكون معه فيزة طالب علشان يدرس فل تايم
فيزة مرافق ماتسمحله بالدراسه

انا فاهمة هذا الكلام لكن الى ماني فاهمته الضمان المالى وكيف انو المرافق له الحق يكمل دراسته على حساب الدوله وفي نفس الوقت لازم يقدم ضمان ؟؟؟

أخوك يقدر يدرس لغه بفيزا f2 كمرافق لك .. لكن بارت تايم موب فل تايم ..
لكن الجامعه تطلب فيزا f1 .. خليه يدرس لغه و اذا ضبطت اموركم يغير الفيزا و جيبي له قبول من نفس جامتعك .. وقتها تكونين دارسه فيها و عارفه كل متطلباتها ..
بالنسبه لفلوس الضمان المالي اغلب اللي يقدم على السفاره يكون بحسابه 80 الف ريال فما فوق
طبعا ما ينسحب المبلغ علشان الدراسه .. هي مجرد شهاده بنكيه تفيد حسابكم فيه هالمبلغ و اللي يكفي لبدأ دراستكم ..
الله يوفقك أختي و يسهل طريق اخوك ..

الله يعطيك العافية اخوي paper
طيب يعنى هو اللحين المرافق يدرس على حساب الدولة ليش لازم يكون في رصيده 80.000
ياليت لو تفهمنى شوي بالتفصيل
وكيف نقدر نجيب فيزا F1
الله يعطيك العافية ويوفقك

بالتوفيق اختي والله ماعندي خلفيه بس حبيت اوضح حاجه
اللى هيه انت دراستك ممكن تكون سنه لغه +سنتين ماجستير=3 سنين دراسه
واخوكي بيدرس بكالوريوس بتكون سنه لغه +اربع سنين تخصص =5سنين دراسه
اللى ابغى اوصله لك انه المرافق تنقطع بعثته مع انتهاء المبتعث من الدراسه

لا ياأخي الكريم قول غير كذا
بالمنطق اذا بدأ في دراسته الأكادميه بكالريوس وانتهت فترت دراستي مستحيل يرجعوه
على العموم شكرا على المرور

والله انا قلت اللى اعرفه وان شاء الله كلامي خطاء وانتي استفسري
ومن ناحية المنطق هوه مرافق لك بس لا اكثر يعني انتي تخلصين تقولك الوزارة مبروك وعلى السعوديه يعني بالعربي مااهتموا في المرافق
يعني لو ماالله ثم انتي ماكان درس..الا اذا طلع على بعثه لحاله

وان شاء الله يجي احد يفيدنا اكثر ممكن انا على خطاء كل شي جايز
واتمنى لك التوفيق انت واخوووك

راح اتكلم عن الضمان المالي شي بسيط وسهل تاخذوا شهاده ماليه من البنك باسم اخوك او اسمك او اسم ابوك
تثبت ان في الحساب مبلغ و قدره ويا ليت يكون المبلغ كبير وتعتبر شهاده لا تعطونهم فلوس ولا شي لو من بكره يكون الحساب صفر عادي ما يهمكم

وبالتوفيق

بسم الله الرحمن الرحيم





حبيبتي انا افهمك:

اولاً: اخوك يحق له يدرس لغه حتى لو مرافق..
لما يقدم ع الجامعات المشرف حقكم اللي بالملحقية يعطيه letter of admission
هذا الخطاب يغني انكم تقدمو ورقة بكشف حسابكم..
لان المرافق يحق له الإنضمام للبعثه إذا جاب قبول جامعة..
بس بعدين لازم يغير الفيزا من f2 إلى f1 عشان يقدر يكمل يدرس بالجامعة..
وتغير الفيزا ممكن يا يرجع السعودية يغيرها أو ممكن من هنا من أمريكا..

وَ بما انه هو بكالوريس فعدد سنواته اكثر منك
لذا في طلب على ما اعتقد انه يسير ينفصل عنك بعد ما تخلص مدتك
هو يقدر يكمل..

هذا اللي عندي, بالتوفيق يآرب ..



أم محمد