عاجل جدا

ما أدري أيش أقولك على حسب ميوله

وبالنسبة يقولو اللي مسجل في الجامعات يلغى ترشيحه ياليت يقولون لنا الأخوان هل اللي يسحب ملفه الأسبوع الجاي راح يلغى ترشيحه ولا لا لني مثل ولدك وحاب أستفسر عن هذي المعلومة لأني ما أبغا الجامعة تروح علي و البعثة كمان

تم الرد في صفحتك الشخصيه

الوزارة تعطي فرصة لتغيير الدولة

ولكن خله يرو بسرعة بعد الترشيح مباشرة ويطلب تغيير الدولة

السلام عليكم ورحمه الله وبركاته

الله يوفقك ولدك وييسر امره في حياته العلميه والعمليه

الحقيقه اهنيك كا أب حريص على مستقبل ابنه وتستشير بالامور قبل ماتقرر

وهذه ظاهره نادره عندنا في السعوديه مع الاسف


حفظك الله اخي وحفظ لك ابنك اينما كان


اذا كان الاختيار احد الثلاثه الي ذكرت فقط

انا ارشح هولندا

صديق لي يسولف علي قبل فترة وكان يحاول يقنعني بهولندا لانه له صاحب هناك

طبعا هولندا لغتهم الدتش

لكن الجامعات تدرس بالانجليزية

والمانيا وايطاليا ماعرف عنهم شي

وبالنسبه للاخوه الي ذكروا لك وقالوا خله عندك


اخوي انت تقول انك واثق من ولدك وتربيتك له

لذلك انت اكثر واحد يعرف انه ابنك يستحق الابتعاث او لا

استخر ربك
والخيره فيما اختاره الله

شكرا لمرور الجميع

ألمانيا معتزين بلغتهم لذلك دراستهم كلها ألمانية وإذا رجع هنا ما راح يحصل ولا شيء لانو عندنا إنجليزي

اخ ابو فارس من الافضل لو تسال دكتور جامعي متخصص يكون افضل حتى ترتاح

أبارك لإبنك حصوله على القبول في جامعة الملك سعود و في البعثات أولاً، و أبارك له وجود أب متفهم و واعي مثلك..

راح أقول لك اللي أعرفه كطالب في سعود..
أولاً: ما يختلف إثنين على أن جودة التعليم في كندا و أمريكا و ألمانيا لا تقارن بأي جامعة سعودية، طبعا كلنا نعرف فيه جامعات سيئة برى، لكن بما إن إبنك جاد و مجتهد فراح يدخل جامعة قوية،،و راح يحصل تعليم أفضل مليون مرة من هنا و ما راح يتعب و لا ربع التعب اللي يتعبه هنا..

صدقني أقول لك الكلام هذا بعد أربع سنوات عشتها في جامعة الملك سعود، معظم أعضاء هيئة التدريس يؤمنون بمقولة (الكربون يتحول مع الضغط والحرارة إلى ألماس)، معظم الدكاترة يفكر بتعقيد الطالب و الضغط عليه و تصعيب الإختبارات،، كل هذا ينتج طالب خائف و غير واثق من نفسه..

صدقني أنا من المعجبين ب MIT،، أقوى جامعة في الهندسة والعلوم في العالم،، والله أني جيت بصيح يوم شفت أسئلة إختباراتهم وقارنتها بالأسئلة اللي نشوفها في الملك سعود..و لكن هل هذا يعني أن مخرجات جامعة الملك سعود أفضل من MIT؟ لا و ألف لا.. المشكلة عندنا هي أن قوة المخرجات تقاس بالصعوبة و التعقيد..ولكن في الخارج تعطى كل الفرص، وتفتح أمامك جميع الأبواب لتتفوق و إذا كنت جاد و ناجح ستتفوق بدون تعقيد و تعجيز..

أنصحك نصيحة لوجه الله تتوكل على الله و تخلي إبنك يطلع بعثة، وهذي فرصة صدقني ما تتوفر لكثير من الناس -وأنا منهم-،

بالنسبة للدولة، أمريكا نظامهم -على ما سمعت- أن دراسة الطب بعد البكالريوس و غالبا تكون طوييييلة جدا جدا و لذلك فأكثر الطلاب يروحون دول ثانية.. كندا نفس نظام أمريكا تقريبا في كل الولايات ما عدا كبيك.. في هالولاية دراسة الطب بعد الثانوي مباشرة،، الولاية هذي فيه جامعتين من أقوى جامعات العالم وهي (Mcgill و Montreal) طبعا كلها في مدينة مونتريال.. مشكلة جامعة مونتريال أن الدراسة باللغة الفرنسية أما جامعة مكجيل فهي أقوى جامعة كندية في الطب و دراستها باللغة الإنجليزية..

طبعا ما في بعثات طب لكندا ولا لأمريكا،،

ألمانيا -حسب ما سمعت- قوية جدا في الطب -كعلاج- لكنها ليست بقوة كندا في التعليم و التدريب الطبي، والسبب الرئيسي في هذا هو حاجز اللغة الألمانية اللي راح تخليه معزول شيئا ما هنا..

الحل الوحيد هو أنه يغير التخصص إلى صيدلة أو تقنية طبية أو غيرها من التخصصات اللي موجودة في أمريكا و كندا، وبعد ما يطلع هناك يغير تخصصه عن طريق الملحقية (سمعت أن الشي هذا سهل جدا)..

دعواتي لك و لإبنك بالتوفيق..

جزاكم الله خيرا ع المشاركة والحرص