تعبت من التفكير تكفون ساعدوني

اخوي
سؤالك صعب لانه كل واحد يعطيك رايه في الدوله الي هو فيها وحسب وضعه
انا في امريكا والخيارات كثيره فيها من دراسه وجو وجامعات والدراسه سهله فيها
لكن كندا جوها كله ثلوج
وعلى كلام الناس الي فيها انها مليانه سعوديين ومنحصرين في مناطق معينه وفيها ولايات تختلف لغاتها عن بعظ مثل ولاية فرنسييه
والله اعلم

حياك أخوي

حسب ما سمعته من ولد عمي امس وصل للرياض من كندى

يقوول

الدراسه صعبـه بكندى --- أمريكا أسهل

كندى غالية وعيبها الضريبه عندهم مرتفعه

هو مستأجر شقه مكونه من غرفه نوم + دورة مياه الله يكرمكم + مطبخ بـِ 850 دولار

وهذا حسب ما قاله لي ...

واي اسأله ثانيــــــه انا حاظر ..

وبالتوفيق لكـ عزيزي

أخوكـ \\ بدر الحامد

الله يعطيكم العافية أخواني على ردودكم

أنا يهمني سهولة إنظمامي للبعثه هناك والوقت الي نخلص فيه الماستر لاني ما أقدر أمدد إجازتي أكثر من 3 سنوات

وبالنسبة لوضع المعيشه هناك خصوصاً إنه عندنا طفل عمره سنه !!!!

والله يالغالي الاخوان ماقصروا بالردود
وأنا اضم صوتي انه امريكا يميزها كثير امور افضل من كندا
وإذا الوقت يهمك جدا .. أنصحك في دراسة الماستر في بريطانيا .. مده اقل بكثير جدأأأ
لكن إذا تبغى الشهاده القويه والمكان الهادئ .. أنصحك في امريكا
عسى الله يوفقك ويكتب مافيه خير لك في الدنيا والآخره

اخوي انا كنت نفس مشكلتك بالضبط
وطلبت كندا واستعجلت طبعاً مارحت
قبل مااروح سويت دراسة كاملة للدولتين

كندا فيها مشكلة كبيرة بالنسبة للدراسة
كندا فيها طلاب أجانب كثير جداً .. الجامعات من كثر الضغط عليها من الطلاب خصوصاً إن جامعاتها مو بكثرة أمريكا
صارت الجامعات تضع معايير كبيرة جدا للقبول خصوصا للدراسات العليا
يعني صاير مبدأ الجامعات الكندية هو ( مدام عندي طلاب كثير أجانب .. ماراح نقبل إلا التوب )
وإسأل طلاب مبتعثين كثير بعد ماخلصوا مرحلة اللغة قعد شهور طويلة يبون جامعة ( أي جامعة ) كندية تقبلهم وماقدروا فاضطروا يحولون لأمريكا
أمريكا فيها ميزة .. ميزتها الاولى عندك تقريبا 4000 جامعة
طب وتخير ان بغيت شمال ولا جنوب .. دفا ولا برد ..
خيارات متعددة
والاهم طبعاً القبول ماراح تتعب فيه مثل كندا

لذلك عن نفسي تداركت الموضوع وطلبت تغيير الرغبة الى امريكا والحمد لله على كل حال
هذي تجربتي وحبيت اشاركك فيها
وعسى الله يوفقكم

أخواني الله يعطيكم العافية ويرزقكم خير زي ماتتمنون لغيركم
أنا الظاهر إنر راح أسوي نفس كلامك أخوي تفاكير وأغير الرغبة الأولى على أمريكا لاني ماعندي فرصة أخاطر
والله يكتب الي فيه الخير والشر يبعده عنا