حوار %%% ديوانية علم النفس تفضلو حياكم %%%

سيكومترية ماعندي اجابة يقينية على سؤالك لكن ما تلاحظي معايه ان صلاحية التوصية مرتبطة بصلاحية الدرجة العلمية, بمعنى ان صلاحية درجة البكالوريوس لا تنتهي وكذلك توصية اي استاذ درسك في هذه البرنامج لا تنتهي ولكن لو حصلتي على شهادة اعلى تلغي ماقبلها.
وفرضا شخص يريد تجديد صلاحية توصياته وذهب ولم يجد احد ممن درسة في تلك المرحلة منهم من مات ومن غادر المملكة !!

كل الشكر لكي اخت سيكومترية
تقدري تصوري لي الشكل الرسمي للتوصية قصدي الورق الرسمي اللي عطوك ياه , لان اللي عند وسمية ورق عليه شعار الجامعه بالطرف فوق عاليمين ومصور على ورق اي قور والتصوير مايل وحالة اهله حاله!
بتعبك معي شوي بس لانك من نفس جامعتي فاعتقد خبرتك تفيدني لانك سبقتيني معهم ,
اذا ماعليك كلافه ودي تكتبينها خطوة بخطوة كيف اخذ توصية للخارج من سعود ,
هل عندهم فورم انجليزي وهل فيه احد من دكتوراتنا يكتبون توصية بالانجليزي ؟ عشان اعرف الح عليهم :]
( يعني الح انهم يعطوني فورم الانجلش اذا موجود عندهم )
الشي الثاني مافهمت قصدك حق الفلاش , يعني اخلي الدكتورة تكتب توصيتها بالعربي ثم اترجمها انا واحفظ الترجمه على فلاش واخليهم يطبعونها على ورقهم الرسمي , وارجع اوقع واختم الترجمة ونسخها المصورة ؟هل هذا قصدك
تيب وفورم الاستبيان هذا وش الحل معه اخاف ماينفع برى اكثر شي قريت ان امريكا تطلب توصية نصية

ياليت ترسلين لي اذا عندك شي يساعدني عشان يكتبو لي التوصيات , وهل عادي تكون كل توصياتي بنفس المحتوى مثلا, ولا مفروض كل دكتورة يكون كلامها مختلف , يعني محتوى كل توصية مختلف

ادري اني راعية طويلة بس عاد تحمليني اكيد انتي تحسين فيني اكثر وحده لانك مريت بهالطريق قبلي
وجزاك الله خيرا والله ييسرلك جميع امورك يارب زي ماساعدتيني ....

انا بتلقف يا طموحة لاني حاس في وضعك وانا كنت قبل اسبوع حايس في موضوع التوصيات.

انا بعطيك الخطوات وهي نفسها في كل الجامعات :

اولا : شروط التوصيات :
1- لابد تكون التوصيات مختلفة وليست صيغة واحدة.
2- تكون على ورق القسم الرسمي, لانه يعطيها صفة الرسمية وفيه غالبا عنوان القسم او الجامعة باللغة الانجلبزية.
3- بعد طباعة التوصية على ورق القسم بعدة نسخ تسلم للدكتور ليوقعها وبعدها تختم بختم القسم وتوضع كل توصية في ظرف رسمي للقسم ويغلق يختم على الظرف.
4- لاتنسي اخذ نسخة من كل توصية عن طريق الاسنكر لاستخدامها في مراسلة الجامعة الاجنبية.

ما فعلته انا التالي :
جبت السجل الاكاديمي وصنفت المواد حسب الدكاتره اللي درسوني واللي اخذت عنده درجة ممتاز ووقع الاختيار على 7 دكاترة.
تواصلت معهم عن طريق الجوال والبريد وكلهم قالو جيب التوصية واحنا نوقعها, ولاحظي ما احد منهم قال انا اكتبها لك, لان هناك دكاتره يحبون يكتبون التوصية بانفسهم.

كتبت التوصيات وحطيت عناوين الدكاترة في اسفل الفروم وتواصلت معهم مرة ثانية لاخذ الاوكية على الصياغة وعلى صحة اسبلنق اسمائهم وعناوينهم.

بعد موافقتهم عليها وضعتها على سيدي وفلاش ورحت االقسم في الجامعة وطلبت من سكرتير القيسم يضعها على جهازة ويطبع التوصيات على ورق القسم. وطبعت 70 نموذج ماقصر السكرتير وبدون تململ. وقال تعودنا نعملها. والصارحة اني جبت معي لاب توب وطابعة وقلت لو رفض اطلب منه ورق القسم وانا اطبع لكن ما قصر.

بعد كذا اخذت التوصيات وضعت كل نموذج في المكان اللي طلب من الدكتور, ورجت بعدها وجدت بعضهم وقعها, وختمتها بختم القسم واخذت نسخة للاسكنر والباقي وضعتها في ظروف القسم الرسمية وختمت على الظروف.

ولازالت بعض التوصيات في القسم وقريب بروح اخذها.

والله يعين الورق اللي باخذه معي اكثر من عفشي.

اتمنى تكون تجربتي مفيدة للجميع.

السلام عليكم

انا الحين طالب ثاني ثنوي و ان شاء الله حاط ببالي ادرس علم نفس , ممكن تعطوني تفاصيل عن التخصصات اللي بعلم النفس ؟ :$
و هل برنامج الملك عبدالله يشمل علم النفس ؟ لأني سمعت انه مايشمل ادري اني مطول بس الواحد يبي يحط شي بباله يبني عليه :$

و جزاكم الله خير 3>

عالبند يعطيك العافيه شوووووووووكرن جزاك الله خير توضيح كافي وشامل , واللي فهمته انك انت كتبت توصيتك والدكتور بس وقع عليها
يعني انت قعدت تمدح حالك وكذا , لول!
سيكو متيرية مشكورة مقدما <3

والله هذا اللي صار الواحد يكتب في التوصية بعض الاشياء اللي يمدح نفسه فيها, لان بصراحة الدكاتره موفاضين لاحد ونادرا ما دكتور يقول انا اصيغ التوصية لك وهذا الافضل لان معنى ان الدكتور يكتب التوصية انه متحمس كثير للطالب.
وبعض الدكاترة يكون عنده صيغة وحده ويطبعها لكل شخص يطلب منه توصية.

للرفع وبصراحه موضوع التوصيات كنت مستسهلته وقلت كلها روحه للجامعه وينتهي الموضوع
مشكووووورين على هالنقاش