بدأت اتردد ..!!

أنا بعد محتاره في امريكا...وبكره موعد تدقيق اوراقي.... واشوف الكل فرحان بامريكا ويمدح فيها....ومستغربه...!!

كلما اسال شخص وين اروح ايرلندا والا امريكا يجاوبوني اكيييييييد امريكا... يمدحونها كثييييييير

عزيزي ، تجربتي الشخصية القريبة سليمة للغاية و ما يثار غير صحيح إطلاقاً و جربت أكثر من مطار في أمريكا و فرنسا و كلاها سارت بشكل طبيعي للغاية .
أغمض أذنيك و سر بسرعة

صار لي فترة أقرأ في منتدى أمريكا، وحسيت إنه مسألة الخوف من سوء المعاملة ما هي صحيحة..

لأنهم ما يدققون إلا في تفتيش اللي يشتبهون فيهم، وهم قلة..

وعلى قولة اللي راحوا لأمريكا أنه إذا كنت بشوش وعلى طبيعتك فغالباً ما في مشاكل..

لكن لو كان شكلك مريب، معصب مثلاً أو مكشر أو متوتر، فأكيد راح يشكوا!! وراح يدققوا في التفتيش..

أشوف البنات يقولون، إنه إذا كان رجال في التفتيش فإنه يسألها إذا تبي حرمة تفتشها، وبدون أي مشاكل.. وأنهم حتى أثناء التفتيش يقولوا لك كل شوية " من فضلك سوف أقوم بتفتيش جيبك " " من فضلك ... من فضلك ... " وأنهم مبتسمين طول الوقت..

لكن إذا المسافر كان شكله مو على بعضه، فطبيعي يتوتروا بعد اللي صار لهم..

ياويلك وياسواد ليلك كل عسكري ماسك عجرى و مفتاح عجل ابد كل سعودي ينزل المطار انواع التمغيط غير السجن و التشهير والغرمات الماليه ويخفون شمسك مابين شهر الى سنه ترجع الى اهلك ولون شعرك ابيض عاد حظك اذا ماطلع اسمك في جونتنامو وتاخذ هناك دوره تدريبيه انا قلت لك وانت حر ...

يعطيكم العافيه عالمرور ..

من كلام ابن الاسلام شكلنا بنبطل البعثة مادام فيها مفتاح عجل

اخوي ،،
ماتفكر تجي وتجرب بنفسك ؟؟
يعني اللي الآف المبتعثين هناك تتوقع عايشين بذل ومهانه من الحكومه الامريكيه والشعب ولا همهم ؟؟

اخوي خل عنك اللي تقراه بالجرايد والمنتديات وتشوفه بالتلفزيون وتعال امريكا وشف بعينك وتاكد بنفسك ،،
الشعب هنا مسلمين بلا اسلام بأخلاقهم وتعاملهم ،، وحنا بالسعوديه الله يخلف اسلام بلا مسلمين ،،
والمطارات مافيها شي الحمدالله وكلنا مشينا فيها وفتشونا بكل ادب واحترام ،،

تساهيل من ربك ،،

بس لاتنسى تجيب المحامي الخاص معك عشان المحاكم خخخخخخ

بالتوفيق

هذا الموضوع اللي خوفني :

http://www.mbt3th.us/vb/forum8/thread208493.html

كلام مو صحيح

ولو حصل بعض التفيتش والتدقيق اكيد في شبهه

اهلا اخوي

توكل على الله في البدايه..

وانا لسه مثلك مقدمه ومن قبل رحت زياره وانا اشوف انهم فعلا يدققون بالقله ..
وهذا حقهم ..وغير كذا هما ناس مررره حبوبين والله وبالعكس فيهم فضول حلو لما يسالون عن حياتنا وكانت فرصه جميله لي لشرح بعض العادات حقنا مثل مصافحه الرجال لاني كمان كنت بلوس انجلس وهي بلد سياحي ...
وبالتوفيق في كل بلد ..