نواقص في امريكا ... بس من واقع تجربة

هلا والله فيك فعالم الغربه لكن لا تخاف تراها سهالات

انصحك تجيب معك
1- قهوه ( وكثر منها ) خخخخخخخخخخ
2- تمر
3- بهارات حقة كبسه
4-لا اوصيك ف الملابس الثقيييييله اذا كنت من سكان شمال امريكا لانها بررررررررررد

اتوقع هذا كل شي ولا تنسى تعزمني على المفطحات الي تقول هههههههههههههه

تقبل مروري والله يوفقك يا رب

هلا وغلا خووووي ... الله يستر من عالم الغربة اكثر مايشدني الى هذه التجربة الجديدة اني من هواة السفر ... ومصور فوتغرافي واهو التصوير بشكل خيالي ... ايضا متحمس جدا الى الانطلاق في اللغة الانجليزية ان شاء الله <<<< ندخل في الموضوع رقم واحد القهوة ماحبها ابدا هع اول سعودي يمكن مايحب القهوة ... التمر شئ ضروري وذكرتني فيه الله يذكرك بالشهادة يارب ... البهارات ايضا مطلب اساسي مثل ماسمعت ... والملابس الثقيلة انا من سكان ولاية مونتانا واسمع يقلون الثلج يدخل لين بطنك كمان !!!! مثل مالرطوووبة داخله لنا في الشرقية هع

ابشر ابشر اقولك بعزم المنتدى كله ع المفطحات ههههه يسلموا يالغلا

ايضا شباب عندي مشكلة متخوف من اني اخذ لابتوبي معي والسبب التدقيق على البرامج التجارية في المطارارات ... اي احد عندة خلفية عن موضوع الابتوب لايبخل

كثير (وانا منهم) ما شيكو على أجهزتهم ، لكن اﻻحتياط واجب.. فرمت جهازك أضمن لك.

وبالنسبة للقهوة صح أنت ما تحبها.. بس ضيوفك يحبونها

لا تنسى تجيب معاك شطافات حقت الحمام الله يعزكم وكثر منها لانك ممكن تعمل بيها بزنس فامريكا
حماماتهم بدون شطافات اعوذ بالله مدري كيف عايشين ؟؟
وكمان لاتنسى تجيب معاك افياش كهرياء او توصيله لانو افياشهم مو زي افياشنا ولاتجيب معاك اي شي 220 لانو كل كهاربهم 110
حلللللوة كهاربهم عجبتني
ونصيحة اشتري وندوز 7 اصلي ومايكروسوفت اوفيس اصلي ونزلهم على جهازك للاحتياط وانا عن نفسي معايا لابتوبين وما فتشونا ولله الحمد ولكن للاحتياط اخسرلك 1000 ريال ولا تدفع غرامة 5000 الاف دولار
كثثثثثثثثثثثثثثثثثثثثثثثثثثثثثر من الأندومي لأنها تفك زنقة وقت الفقر )

وسلامتك

الشباب ماقصروا يعطيهم العافية بس حبيت اضيف على اللي قالوا:
مصحف
سجادة صلاة
بخور وبحكم انك ناوي طبخ على طول اكيد راح تحتاجها لان ريحة الطبخ راح تعلق في الشقة وحلها في البخور
قاموس الكتروني (انصحك باطلس)
بجامات شتوية لانها ماتتوفر بسهولة هنا في امريكا هذا وكم جلابية خبرك لزوم الراحة في البيت =)
اما باقي الملابس في امريكا افضل وتناسب بردهم وبنفس اسعار الملابس في السعودية اذا ماهي ارخص بعد عشان كذا احرص انك تجيب اللي يعبرك اول ماتوصل وبعدين اشتر باقي الملابس من امريكا نفس الموضوع عن الكمبيوتر اذا انك لسه مااشتريت الاجهزة في امريكا ارخص بكثير

الله يوفقنا واياك ويوصلك سالم

موفق

1- تمر وهذا كثر منه لبى قلبه وعمره ان بغيته لرمضان وان بغيته فطور وان بغيته لأي شي يفك أزمة
2- بهارات طبخ .. رغم إنك اذا كنت بمدينة كبيرة راح تلقاها عادي بس اضمن جيب
3- عدة طبخ مثل قدر الضغط لو لقيته بأمريكا بتلقاه غالي
4- بوصلة صلاة
5- ملابس .. مو شرط بتلقى كلش هنا بس جيب الي عندك
6- بالنسبة للشطافات فيه حركة حلوة يسوونها المبتعثين.. اذا وصلت روح لوال مارت وادخل قسم الحدائق والري تلقى عندهم زي السطل يعمل على الكبس ممتاز جداً وبثلاثين دولار على مااظن يعني مايحتاج تجيب شي معاك
7- العودة .. والدخون عشان تطيّب بيتك وتتذكر الأيام الخوالي
8- الاجهزة مثل ماتفضلوا خليك محتاط رغم انهم نادر يفتشون


بالتوفيق

والله فيه اشياء كثيره بعد ماجيت ماحصلتها
1_سجاده ومصحف
2_ بهارات مخلطه
2_سفره للاكل مو طاوله ههههههههه
3-قدر ضغط
4_قهوه
5_تمر
6_الشي الوحيد اللي افتفدته شطة سومطرا هههههههههه
7_بخور ومبخره 110
8_عسل طبيعي
9_صينيه للقهوه والشاي
10_صحن الرز الكبير مدري وش اسمه
بنسبه للملابس عندهم مثلنا والاندومي عندهم
ولابتوب انا شيكو عليه انت احرص خلي كل البرامج اصليه
نسيت اقولك جيب مويه علشان اذا جيت تتحمم مويتهم خايسه هههههههههههههههههههه امزح بس جد مويتهم خاااااايسه
وربي يوفقك ويكون بعونك وتوصل بسلامه

تبي المختصر المفيد:

أنصحك بالاتي:
اللي تجيبه معك
1- قهوة عربية ومستلزماتها ( إذا كنت راعي قهوة ) بما في ذلك الفناجيل والبيالات
2- تمر مغلف
3- محول أفياش كهربائية على شكل خطين متوازيين I I ( موجودة في بعض أجهزتنا ) وجب أكثر من حبة تحتاجها لشحن اللاب توب والجوال والكاميرا وماكينة الحلاقة...إلخ
4- بهارات عربية ( لأنك ما راح تحصل بهارات ذات جودة عالية )
5- قاموس مترجم ويفضل أن يكون كتاب ( عربي - انجليزي ) و ( أنجليزي - عربي ) و ( إنجليزي - إنجليزي )
6- أحرص أن تكون برامجك أصلية ( لكن انا بصراحة ما فتشوني في المطار ولا سألوني عنها )
7- لا تنسى المصحف وسجادة الصلاة ( يفضل أن تكون ذات بوصلة لمعرفة إتجاه القبلة )
8- لا تشتري ملابس من السعودية علشان السفر ( أكتف باللي عندك وراح تحصل ملابس ذات جودة وبأسعار معقولة ) وحتى لا يزيد معك العفش

اللي لا تجيبه معك:
( قدر كاتم - رز - سكر - شاهي - ترامس - ملابس زيادة ) لأن كل هذه راح تحصلها بأمريكا وبأسعار معقولة
انا اشتريت قدر كاتم بـ 39 دولار يكفي لـ 6 أشخاص
والرز عندك رز بسمتي أسمه رويال بصراحة ممتاز

وإذا تبي تسأل عن شئ هو موجود في أمريكا والا ما هو موجود وكذلك معلومات عن الأسعار طبعا غير الطعام عليك بموقع أمازون