شباب ابي منكم مساعدة اذا عندكم معلومات لاتبخلون علينا تراها مهمة

June 26th, 2007, 06:18 AM

السلام عليكم ورحمة الله وبركاته احب احييكم ياأهل الخير والاحسان والاخويا في وقت الشدة وانتم معروفين من اهل الدين الي الله سبحانة انعم علينا به واتشرف بنا لنكون احسن الخلق. أنا اخوكم صارت لي قصة طويلة عريضة مع معهد كره لي حياتي وانا فتحت الموضوع عدة مرات هنا في المنتدى وانا الحين احاول اطلع من معهد ذا وادرس في جامعة تقبلني كاطالب وادرس فيها وارتاح وافتك من الهم والغم والله اني جاني احباط نفسي غير طبيعي يوم تشوف اخوياك في جامعات ثانية يدرسون في الجامعة وانت في تفحط في المعهد لمدة سنة ونص مب قاهر ياجماعة الخير. والقهر ياجماعة ان ماعندي نقص قوي مايخليني ادخل الجامعة بس انت تعرفون انا المعاهد تجارية وتبي الفلوس من اي طريقة والملحقية بس فاتحين لهم الطلب يعني مثل البنك والحساب مفتوح بس اهم يامرون ويتدللون المعهد والسعودي ماتستاهل التقدير والاحترام ولايعطونه الثقة وانتم ادرى مايحتاج. انا خذت اختبار توفل ثلاث مرات المرة الاولى الغيت لآني نسيت اجيب الجواز معي والثانيه الثانية خذيت 45 من 120 والمرة الثانية 55 من 120 يعني مب شينة وقدمت على واحد اختبار توفل لعلى وعسى اني اجيب درجة اعلى وارتاح. أنا ياجماعة الخير سمعة من كم واحد من اخوياي يقول ان في جامعات في امريكا مصرح من الوزارة تقبل 50 وطالع من الاختبار التوفل فماادري هل هذا صحيح او لا انا ماادري. اذا في جامعة تقبلك من الخمسين وطالع ياخي ليش اقعد افحط في معهد اللغة واتعب عمري واهلك على قل سنع على طول بنقل أنا فاضي اشيل هم على هالمعهد الي كره لي حياتي. أقل شي ادرس في الجامعة واريح عمري نفسيا ومعنويا وخلاص ارتاح. شباب والله اني داخل على الله ثم عليكم يعني اذا عندك معلومات عن الجامعه عطني اياه وانا اتراسل معهم واكون لك من الشاكرين بس تكفون ااذا تعرف فرج امري وباذن الله الله يفرج عليك يوم القيامة واذا ماعندكم بس نبي دعواتكم وجزاكم الله خير وانشاء ربي يوفقكم في دين والاخرة.

• نشر عبر تويتر
• نشر عبر فيسبوك
• نشر عبر جوجل