ابغى ادور سكن ((انا لسى في السعودية ) القدوم بعد شهر كيف الطريقه

اخوي المبتعثين كلهم يلقون سكن بطريقتين فقط :
١- يكون فيه احد بالديره اللي رايح لها يعرفه ويكون عارف للمدينه وكل شي فيها ويدبره بسكن ويخلص اموره
٢- و الغالب : انه تروح تسكن بسكن مؤقت وتدور لين تقى سكن ،،
اذا تبي سكن مؤقت عندك سلسة فنادق comfort inn فنادق تقريبا نجمتين **،، عاديه لكن نظيفه وعندهم فطور وكذا،، وتلقاها حتى بالطرق بامريكا ،، واسعارهم الاقل تقريبا لفندق نظيف ومرتب،، يعني سلسله كبيره جدا لكن تأكد من موقع الفندق وانه قريب من كل شي ،، ممكن تلقى بمدينه وحده فندقين منها ،، انا سكنتها واللي اعرفهم سكنوا فيها وكان اختيار ممتاز ،،
موقع سلسله الفنادق كمفورت ان : Hotel Rooms, Hotel Reservations and Hotel Accommodations - Comfort Inn Hotels
الافضل انك تحجز منهم قبل السفر وخذ لك اسبوع اقل شي واذا رحت وبغيت تمدد تقدر من هناك ..
....
وانت بالسعوديه ادخل هالموقع :Apartments for Rent & Homes for Rent - Rent.com® Apartment Finder
سجل فيه وابحث عن الشقق بمدينتك وفيه بالموقع نفسه مفضله تحفظ فيها السكن اللي يعجبك .. واذا وصلت ان شالله خذ عناوين الاماكن اللي عجبتك ورح لها..

ملاحظه :
١- انتبه من موقع craigslist ترا مشاكله كثيره لانه يعتمد على الاشخاص اللي يعرضون بضايعهم وسكنهم واغلبهم كذابين وراعين نصب ،،
٢- انتبه توقع عقد او تدفع فلوس لشي عن طريق النت وبدون ماتشوف اللي بتستأجره او تشتريه ،، واي شي تدفعه تاخذ عليه فواتير او وصول ،،


بالتوفيق ،،

الله يعطيك العافية ما قصرت
بس للنسبه للموقع الاول ما قدرت ادخل عليه ابد يطلع لي
Access Denied

You don't have permission to access "http://www.comfortinn.com/" on this server. Reference #18.24508c4f.1283274454.a523bc1



ما ادري يعني ممنوع الدخول عليه من السعودية ولا وش السالفه

اهلا اخي ...

مشكور اخي ...
أنا واصل قبل 20 يوم تقريبا ( أتكلم عن مدينتي ) اختلف معك بفنادق كمفورت ...

أنا كنت حاجز عندهم بسعر رائع لكن اكتشفت انه بعيد عن المدينة ( بالريف ) 20 ميل عن السنتر وماقدرت اعمل شي سوى الغاء الحجز والبحث عن فندق قريب ( لانه التكاسي غاليا جداً ولايوجد خدمات )

اخوي كاتب الموضوع : ابحث عن احد بنفس المدينة يساعدك ، لو ماحصلت احد ابحث عن فندق ( اهم شي داخل المدينة ) كحل مؤقت وابحث عن سكن الان ( واحجز موعد معاه )

يعني لو وصولك مثلا يوم 15 سبتمبر
- أحجز فندق لمدة اسبوع مثلا
- ابحث عن اكثر من سكن الان
- أحجز مثلا مع الاول موعد يوم 17 والثاني 18 او بنفس اليوم ( يعني الاول 9ص والثاني 1 م ) وهكذا والي يناسبك خذه ...

اي خدمة أنا حاضر ..

ادخل موقع rent
دور في الأحياء القريبة من الجامعة وسجل عناوينها في ورقة ( انتبه تستأجر أو تدفع شيء بناء على الصور أبداً لأن الصور بعضها قديم وخادع )
بعد أن يتوفر لديك قائمة جيدة اذا ذهبت ووصلت للمدينة اشتر GPS جهاز تحديد مواقع وإبدأ بأخذ جولة للأماكن التي تريد
بالنسبة للسكن أول الايام لايوجد مشكلة ستجد عدة فنادق وسائق التكسي سيدلك على أقرب مكان وغالباً تكون الأسعار بين 60-100 دولار لليوم الله يعينك ثلاثة أيام حتى تجد المكان المناسب
لكن أكرر انتبه تقوم بدفع شيء بناء على ماتشاهده على النت
بالتوفيق

مشكور وشكله هذا الي يبي صير احجز فندق الحين اسبوع
ومن هنا احجز مواعيد مع اصحاب الشقق على شان اذا وصلت على طول اروح لهم

شوف المواقع احفظ الي يعجبك ويناسبك ولما تنزل لامريكا اسكن كم يوم باوتيل او بشقه وعاين الي شفتهم بالمواقع
لان الصور والكلام يخدع كثير

السلام عليكم
يارجال انا في wichita
انت بس علمني متى جاي وانا اظبط لك السكن والجامعه
هذا ايميلي
mj.dy at hotmail
وهذا رقمي 0013165198478

من داخل امريكا 3165198478
اخوك ماجد الخالدي

خاطب معهدك,,ويفرون لك عايله او سكن في شقق

صح غالين بس ترا غالبا ينتقون لك افضل العوايل ,,وتكون بأمان دايم ,,ودايم يوقفونك معك

بس قلهم انك جاي بعد شهر وتبي سكن

شف اذا عمرك اقل من 21 سنه
اجباري انك تسكن داخل الجامعه
وعندك نوعين من السكن في الحاله هذي
1 سكن اسمه الفيرمونت وسعره تقريبا فوق 700 دولار
بس هذه ميزة انه شامل الاكل بس بصراحه الاكل حقهم تعباااان بس اكثر الي يسكنونه امريكان بيض وطيبين
2 سكن اسمه البرنون وسعره حول 300 ويمكن اقل وهو اقرب للمعهد بس غالبية الي يسكنون فيه خوال المنطقه الي حوله منطقه خوال
أما اذا كنت فوق 21 فـ أسعار الشقق تبدا من 450 دولار
ملاحظه : ترا مافي سكن مع عوايل بهذي المدينه
بس نصيحه لا تتهور وتحجز عن طريق النت
اذا بغيت شي علمني
مالك إلا الي يسكنك باقرب مكان للمعهد

سلام

السلام عليكم ,, يعطيك العافيه اخي الكريم ,,

ممكن شي من التفصيل في استخدام الموقع اللي حطيته فوق ,,

حاولت استخدمه ,, بس ماعرفت فين اختار المدينه ,, كنت ابغى ادور عفش كمان ,, اتمنى تفهمني اكتر كيف اختار و فين اكتب .. شكرا ,,