بعد مرور شهر من المراسله للجامعه اتاني الرد اليوم وكان صدمه !!! ارجووكم ساعدوني ..

عزيزي اظن انت مقدم ماستر ولا انا غلطان ؟؟
لان الجيمات طلب الزامي على حد علمي للتخصصات الادارية في مرحلة الماستر

مثل ما قالوا الاخوان:
- ما دامك دفعت فلوس على الاقل جيب لك اي قبول
- لا تحاول تطلب فلوسك وتضيع وقتك ...كل الجامعات الرسوم الادارية غير مستردة


ملاحظة بسيطة : الجيمات يختلف عن التوفل تماماً...قد تكون مبدع في الجيمات واقل ابداعا منه في التوفل...والعكس ممكن
طريقة الاختبارين تختلف تماماً...التوفل يعتمد على قياس مستواك بشك عام في اللغة...والجيمات وشبيهه GRE يعتمدون على استعدادك لهذا النوع من الاختبارات وتققدر تشتري الكتاب المخصص اللي راح يكون مفيد جدا في الخصوص

الله يكتبلك الخير

الله يعطيكم العافيه جميعا ماقصرتم

لكن يبدو لي انو الى الآن ماحد فهم علي ..

انا بروح على حسابي

والمطلوب من الشخص عشان ينضم للإبتعاث ويلتحق بالبعثه

انه يجيب قبول جامعه وقبول معهد يعني قبول مشرووط


انا تخصصي البكالوريوس تسويق

وابغى اكمل ماستر تسويق على نفس مساري ..



قبول مشروط بإنتهائي من اللغه ادخل الجامعه

قدمت اوراقي وجلست شهر انتظر رد الجامعه

امس وصل لي الرد منهم

يقولون اننا نعطيك قبول مشروط

لكن بأي تخصص غير تخصص البنزس MBA او التسويق




نعطيك قبول قانون

نعطيك قبول حاسب

نعطيك قبول موسيقا

نعطيك اي قبول تبي

لكن قبول تسويق مانعطيك


لأنك اذا بغيتنا نعطيك القبول لازم تكون مختبر جيمات وتوفل قبل التقديم ..

طيب

الحين انا بروح على حسابي بدرس اللغه

ومعي قبول جامعه وقبول معهد

لو فرضنا

اني بروح وبقعد شهرين خمسه اشهر عشره الخ ،،

ثم بنضم للإبتعاث

راح يضموني ويسجلوني على اساس اني طالب حاسب او قانون او طالب تأمين او طالب محاسبه مثلا

وانا شخص ماابغى القانون ولا ابغى الحاسب ابغى تخصصي اللي انا تخرجت منه واللي هو تسويق

هل استطيع اني احول تخصصي وانا منضم هناك في الإبتعاث ؟؟؟؟؟

هل اي شخص انقبل في البرنامج على تخصص معين يقدر يغير التخصص ؟؟؟

ماهي اجراءات تغيير التخصص للماجستير ؟؟؟


اتمنى اكون وضحت الصورة ،،

مسألة الجيمات والتوفل

قالو لازم تختبرها قبل عشان نعطيك قبول مشروط

شلون بختبرها وانا توني مادرست لغه !!

فستفسرت من نفس المكتب هل بإمكانكم تخلوني ادرس اللغه اولا وبعد مااخلص اللغه اختبر توفل وجيمات ؟؟


قالو لا

لازم تكون مختبرها قبل وبعدين تعرض اوراقك على الجامعه ويجي الرد منهم بقبولك او رفضك ..

السلام عليكم اخوي

تغيير التخصص سهل الا في تخصصات معينه وتقدر تكلم رئيس القسم ويمشي الموضوع. لاتشيل هم انا كنت زيك تخصصي ادارة وغيرت الحمدلله على تخصص علوم حاسب آلي ومشيت الامور بسهاله الحمدلله. اتوكل على الله واختار اي تخصص.

بالتوفيق

الله يسهلك
أعتقد الخيار الأول أفضل

الله يوفقنا وياك ..

ويكتب لك الي فيه الخير ..

...


الله يوفقك ... حبيت أوضح لك نقطة

أنا حتى لو معي توفل وجي ار اي ما راح أربط مصيري بجامعة واحدة

راح أقدم أقل شيء على خمس جامعات أو أكثر

بعدين بدال ما تخسر على المكاتب وتعطيهم فلوس

شوف أي أحد تعرفه لغته ممتازه وعنده خبرة ويراسل لك الجامعات

ترا شغلة المراسلة سهلة ... وتوفر فلوسك

يعني كل جامعة ما راح تخسرك أكثر من 700 ريال

الله يوفقك يا رب وتحصل قبول بأسرع وقت .. وتنظم للبعثة بأقرب وقت


..

وي حالتك عويصه
عااد ليدام مصرحين لك تختار اي تخصص لو منك اختار طب ;p

لاا بس ليدامك حاب تخصصك انا اقول لو تاخذ تخصص مقارب لتخصصك عشان تاخذ مواد مشتركه

ف راح يسهل تحويلك اما بتاخذ تخصص بعيد عن تخصصك ويكون تخصصك بشرق و التخصص اللي بتاخذه بغرب راح يكون صعب تحويلك

على ماعتقد

ما اقول الا الله يساعدك ويوفقك ان شاء الله بحق هذا الشهر الفضيل

انتظر اهل الخبره ان شاء الله يساعدوك

طيب ياخوي صلي على النبي واستهدي بالله

القبول المشروط لازم يكون عندك درجة توفل وجيمات او جي ار اي حسب التخصص

انا على حسب بحثي وتدوري في المنتديات فهمت دا الشي

القبول المشروط تاخدو اذا كانت درجتك في التوفل والجيمات او الجي ار اي اقل من الي هم طالبينها

انت مو خسران شي سجل واختبر وشوف كم تجيب وارسل لهم درجتك

ومنها بالمره كمان تتعود على طريقة الاختبار ويكون عندك خلفيه بعد اللغه كيف تجتاز الاحتبار


اخيرا ... اسأل الله ان يفرج كربتك ويفتحها في وجهك ويسهلك هيا انت وكل المبتعثين