اريد مكتب للترجمة المعتمدة في أمريكا

الجهة الي تترجم أوراق المبتعثين هي الملحقية عندهم قسم وأشخاص عملهم ترجمة الوثائق والتصديق عليها

بالتوفيق

اخوي تفاكير متأكد من الكلام هذا ؟؟
لاني جايبه معاي ٥ نسخ من كل شي والحين توهقت مابقى معي الا نسخه من كل شي بس
والجامعات اللي لا يوفقهم توهم يردون علي بعد شهرين مدري ثلاثه يقولون نبي ومانبي ونبي نسخ ثانيه ومدري وشو ،، فهل فعلا لو ارسل اوراقي الملحقيه يختمونهم ؟؟ لانها مترجمه عندي وخالصه بس ابي تختيم ومصادقه نسخ زياده ،، وكيف اوصل لهالقسم يعني عناوينهم بموقع الملحقيه ولا كيف ؟؟

شكرا جزيلا

ايه متأكد واتذكر تكلموا عن هذا الموضوع أول ماوصلنا أمريكا وهذا عنوانهم

دليل موظفي الملحقية
اختاري قسم التصديق والترجمة
هم أصلاً ثنين

رده حسن العتيبى
202-298-8840

rotaibi@sacm.org
رئيس قسم التصديق و التوثيق و الترجمة

أو

عبدالله المجددى
202-298-8849
amogaddedi@sacm.org
توثيق الشهادات

بس قبل ترسلون شي كلموهم أو راسلوهم إيميل وتاكدوا من الخطوات .. إذا ماطلعتوا بنتيجة - وهذا مستبعد إن شاء الله - مالكم إلا تسحبون أوراقكم سكنر وترسلونها لأحد في السعودية يوديها لمكتب قبول يترجمها ويرسلها لكم فيدكس ولا dhl

بالتوفيق

ماقصرت اخوي ،، الله يجزاك خير ،،

تفاكييييييييييييييييييييييييير

والله فعلا ما قصرت كفيت ووفيت

رمضان والوقت ضيق رغم كدا فرغت نفسك للرد علينا الجواب الشافي

بس بشراك انو أجرك مضاعف بعون الله

جزاك الله الجنة بفضله ومنه وكرمه

اذا انت باقي في السعوديه راجع وزارة المعارف اذا شهادتك ثانوي او راجع الجامعه او الكليه اذا شهادتك من احدها
واذا انت في امريكا راجع الملحقيه
على فكره اذا تحتاج ترجمة الاسم خذ معاك صوره من الجواز عشان يكون الاسم في الشهاده مطابق للاسم في الجواز .
طبعا فيه مكاتب على طريق الملك عبدالله قبل تقاطع التخصصي ترجمتهم معتمده لكن ما ادري تحتاج مصادقه من وزارة الخارجيه او ما تحتاج ..

بالتوفيق