استفسار أعدكم بأني سوف ادعوا لكم

أولا : السلام عليكم ورحمة الله وبركاته


داريه إن أسئلتي حتكون سابقه للآوانه لكن والله بمووووت من الخوف على الرغم اني مستخيره من قلب .........
س1 : انا سجلت في الابتعاث لأمريكا وحكمل ماستر باذن الله وزجي مرافق لي وهو حيدرس بكالوريوس ، وحاليا يدرس دبلوم مختبرات طبيه وطبعا لمن نسافر وكل الأمور تتضبط رح يعادل دبلومه في اي جامعه ، لكن انا سمعت خبريه صدمتنا انا وهو انوا في واحد من اصحاب اخوا زوجي يدرس بكالوريوس في امريكا مدينة نبراسكا ويقول اخوا انو الحين راجع السعوديه وهو مانجح في البكالوريوس لأنهم يعاملون الطالب السعودي كالطالب الأمريكي وبس قاعد يتعثر لمن شد حيله ونجح ترم في سنتين ، يعني لهذه الدرجه البكالوريوس صعب ؟؟
بجد احنا محتارين، رحم الله امرء عرف قدر نفسه ، انا خايفه على زوجي مايمشي في البكالوريوس ، لأن لو ماحيمشي زين حضطر لإلغاء البعثه وهذا شي حيحطمني بصراحه .......
يعني سؤالي بالمختصر المفيد هل دراسة البكالوريوس صعبه سواء في اي قسم ؟؟



نصيحة أخويه لا تتعلقي بتجارب الآخرين التي فشلت
انما فشلت لأسباب خــــــــــاصه بهم .. ليست متعلقه بك
وخديها قاعده جامعات برا مو بمستوى جامعاتنا بمعنى انو الدراسة راح تكون فيها صعوبه بالبدايه
لكن مافي شي ماراح تعدوه بالاجتهاد .. يعني زاكروا واجتهدوا ولا تلعبوا وراح تنجحوا
مو تقضوها تماشي كأنكم رايحين سياحه وتقولوا ما نجحنا
يعني لازم تشدوا على نفسكم .. ومافي شي مستحيل
النموذج اللي سمعتي عنه 10ممكن يكون % من باقي المبتعثين اللي نجحوا واتفوقوا ورجعوا فرحانين



س2 : وحده بنت خلصت الدكتوراه بامريكا وناويه تاخذ درجة استاذ مشارك ، فهل تستطيع أم لا ، وماهي الاجراءات ؟؟

تستطيع .. يا اما تسجل في البعثات السنه الجيه لما يفتحوها ( اذا كان في مجال لطلاب مابعد الدكتوراه ) وتكمل اجرائاتها عاددي وتطلع
او انها تروح على حسابها وسنه بإذن اللله ويضموها للابتعاث .. ومدام اخدت الدكتوراه من هناك فأكيد سهل عليها انها تعرف الاجرائات الباقيه التفصيليه في البعثه


س3 : سمعت انوا كثييير جوا ومالقيوا وظائف ، فهل فعلا الكلام صحيح ؟؟

ممكن يكون صحيح .. مو لأانهم راحوا درسوا برا لا ... بس لأنو الأرزاق بيد الله ونصيبهم من العمل لسا ما جا
ولكن في المقابل هناك ناس اتوظفوا اول ما جو ماشاء الله
اهم شي هناك تشدوا حيلكم وما ترجعوا الا بتقدير كويس مو اقل من جيد وكمان جيد بلاشي منها
وبإذن الله ربي يكتب لكم وظايف .. انتوا اعملوا اقصى مافي طاقتكم واتوكلوا على الله
وربنا ماراح ينسى عبده


س5 : هل تنصحوني انا ابقى في دولة امريكا التي سجلت فيها ولا تنصحيني بالتغيير ، لاني خوفت من السفاره الامريكيه ؟؟
ابقي فيها والسفاره ما تخوف انا رحت مع اخويا وماما وبابا و3 ساعات للمقابله في السفاره عشان كان شويه زحمه وتممنا امورنا وخرجنا عادي وجاتنا الفيز بعد اسبوع واتأخرت حقت واحد فيها جاته بعد اسبوعين
مررررررره سهاله مو زي زمان

أعدكم اني سوف ادعوا لكم باذن الله