قربت ساعة الصفر؟؟؟...الله يسنر

اخوي محد يقدر يجاوبك ع سؤالك
طيب انت الحين لو اوديك مثلا جامعه الملك سعود واختبرك هناك تقدر تجيب فوق 4 ؟
كل شخص وعلى حسب فهمه ومذاكرته
والله ما يضيع تعب ان شاء االله

صل صلاة الاستراخه وشف وش ترتاح له نفسك


بالتوفيق

الله يعينك ويوفقك

انت اعرف بنفسك

ماراح امدح لك امريكا واذم لك السعوديه او العكس !!

الناس تختلف عن بعض في امكانياتها وقدراتها ..

لازم تسأل نفسك عدة اسئلة

هل انت قادر على العيش بالغربه والبعد عن الأهل والأصدقاء ؟؟

وفي الغالب الشخص اللي بمثل عمرك ممكن يكون بعده عن الأهل اصعب من ان يكون مثلا بعمر 24 سنه او 25 سنه ..

اللي ابغى اوصله لك انو اللي رايح يدرس ماجستير ممكن يكون الوضع اسهل عليه من اللي بيدرس بكالورويس ..

فدائما حط في بالك هالشي هل سبق انك سافرت وبعدت عن اهلك لمدة طويله شهر شهرين ثلاثة اشهر ؟؟

وعادي تعودت على هالشي ؟؟

او انك من النوع اللي لا يسافر كثيرا .. دائما حط في بالك موضوع الغربه ولاتستسهل هالشي

اعرف ناس جلسو اشهر يعانون من موضوع الغربه مما اثر على دراستهم وتفوقهم ..

الدراسه بأمريكا لاشك افضل واقوى فبالتالي راح تكون صعبه بدون شك وتحتاج اجتهاد فهل انت قادر على التحدي ؟؟

او انك تفضل ان تدرس بين اهلك واصحابك في جامعة الملك فهد وبعدين لما تخلص البكالوريوس تفكر تكمل ماجستير في الخارج ؟؟

اذا اردت نصيحتي الشخصيه

استخر وشوف نفسك تميل الى ايش ؟؟ وتوكل على الله ..

اغلب الشباب اللي يشاوروني على دراسة البكالوريوس فإني اقول ادرس بالسعوديه اول وعيش نظام الجامعات والدراسه هناك

وبعد اربع سنوات او خمس سنوات لما يكون معاك بكالوريوس كمل ماجستير إبتعاث وقوي لغتك ..

مافي شيئ راح تخسره ان نجحت بالماجستير كان شي جميل وان فشلت ماراح احد يزعل او يلومك بعكس البكالوريوس

لأنها شهاده اساسيه وضروريع ..

لكني ماراح اقولك بهالنصيحه لأني مااعرفك شخصيا والناس تخلتف إمكانياتهم

فقد تكون افضل من الكثير وقد تتفوق بإمريكا

وتحصل على درجات عاليه ..

ومثل ماقلت بالسابق

الناس تختلف عن بعض في امكانياتها وقدراتها وان شاء الله تكون شخص طموح ولديه القدره على التفوق ..

بالنسبه لموضوع المبادئ والأخلاق ثق ثقه تامه انو بالعكس الإنسان اللي متربي تربيه صالحه مهما كان الأمر

فإن المعدن الطيب راح يبقى فيه وكثير من الشباب اهتدو وعادو الى الله وزاد حرصهم على دينهم يوم راحو امريكا

لأنهم عرفو قيمة الإسلام وهذا الدين اللي ماكانو يعرفون نعمته الا لما شافو العكس تماما ..

فثق ثقه تامه اذا الإنسان متربي تربيه صالحه وحريص على نفسه وعلى دينه ماراح يتغير

اللي يتغير ويضيع هو الشخص الذي لايملك اي هدف وتربى على التلقين والتخويف والترهيب

ولم يقتنع بأي شيئ من تعاليم دينه

فعندما غابت الرقابه عنه تغير وهذا شيئ طبيعي لأنه اساسا لم يكن مقتنع بأي شيئ كان يعمله لما كان بالسعودية ..



تمنياتي لك بالتوفيق ..

100 % alomary

اغلب الشباب اللي يشاوروني على دراسة البكالوريوس فإني اقول ادرس بالسعوديه اول وعيش نظام الجامعات والدراسه هناك

وبعد اربع سنوات او خمس سنوات لما يكون معاك بكالوريوس كمل ماجستير إبتعاث وقوي لغتك ..

نفس الشيء بعد انا اقوله ..

وعليكم السلام ورحمه الله وبركاته

والله ياخوي انت تسال الاعضاء عن قدراتك العقليه وقوة تحملك الغربه والدراسه

مادري هذا سؤال جوابه عن عالم الغيب


وبعدين

استغرب كلامك هنا
كيف تتغير مبادئك واخلاقك

اخوي اذا انت عارف نفسك وشايف نفسك انك انسان من السهل تقع ضحية البيئه الي حولك وبكل سهول تترك مبادئك واخلاقك

فا انا اقول


اجلس في بيتكم وسجل بحلقة تحفيظ القرآن عساك تضبط نفسك


اخوي حتى في دول الكفر عندهم مبادئ واخلاق يمشون فيها

وحنا ديننا يفرض علينا ضوابط ونصوص شرعيه لازم نتبعها


واذا انت خايف وهذا الي واضح لنا


زي ما شاروا عليك الاخوان قبلي


ادرس هنا البكالوريس والماجستير خذه برى


بعدين


شرط سابك 3 من 4 مو معناته تعقيد

لكن هم حابين يفهمونكم انكم طالعين هناك على حسابهم وراح يصرفون عليك مبالغ طائله

والغرض منها الدراسه والدراسه فقط للحصول على الشهادة المطلوبه

يعني سواء ابتعاث حكومي او قطاع خاص الغرض واحد الدراسه

واكيد لازم تجتهد وتذاكر يوميا عشان ترجع رافع راس اهلك وسمعتهم وتشرف بلدك

وتفتخر بين قرايبك


الله يكتب لك الي فيه خير لك ولمستقبلك

الله يوفقكـ
إنشاءاله

عصفور في اليد ولا عشرة على الشجرة ...
وبعدين ترى جامعة البترول والمعادن من اقوى الجامعات عندنا بالسعودية ومناهجها امريكية واعضاء هيئة التدريس اغلبهم امريكان ... يعني كنك في امريكا ...
بالتوفيق ...

اطلب الخيره من الله..... وما عليك اي اختيار بترسي عليه رح تقدر عليه..
بعدين 3 من 4 في البكالوريوس ولا شي ان شاء الله بالنسبه لك.... بالتوفيق اخوي

اخوي اول شيء صل ركعتين استخـآرة

بعدين انت فكر في بـآلك هل تقدر راح تتحمل الغربـة

لأني اعرف ناس ماقدروا يصبروا عن اهلهم ولاقدروا يتحملوا الغربـة فققروا العودة للوطن ،،


اهم شيء انك تكون واثق من نفسك و واثق انك تستطيع ان تمسك نفسك عن اللي راح تشوفه ،،


راح تشوف شيء ماتشوفه عندك هنا بالسعودية لأننا متمسكين بديننا الإسلام ولله الحمد ،،


بعدين خذها نصيحة مني ومن تجـآرب بعض الإخـوآن :

ادرس البكالوريوس هنا بالسعودية وجامعة الملك فهد ممتازة مرة والماجستير كملها برآ

عشـآن تتعود على نظـآم الجـآمعـــآت وحسب ماسمعت ان يوجد مدرسين امريكان وبريطانيين .


وفي الختـــآم تذكر دائمــآً ضع اللي قدام عيونك واذكره في السراء والضـراء .

الأخ العمري كفى ووفى..

وجامعة البترول ممتازة وخريجيها مطلوبين من جهات العمل السعودية .. فما عندك مشكلة بإذن الله...

الغربة صعبة، وإذا إنت محتار ومتخوف وغير متحمس بقوة لها فلا داعي لخوضها خصوصاً أنك حالياً مسجل في أحسن جامعة سعودية..

الدراسة باستقرار وارتياح في مكان جيد جدا، أحسن مليون مرة من الدراسة بقلق وتوتر في مكان ممتاز.. خصوصاً إن كانت النتيجة متقاربة بعد 4 سنوات..

صلي استخارة وادعي والله يوفقك لكل خير..