حوار مثل ما كنت في يوم من الايام محتاج و ساعدوك ارجع وساعد غيرك

السلام عليكم ورحمة الله وبركاته

موضوع رائع في طرحه .. وعلى قولتهم حركت المياه الراكدهـ

أنا احد الطلاب المبتعثين الحمدلله .. واستفدت من هالموقع الشيء الكثير ..

والان أحاول أفيد غيري ممن هم الان في مرحلة يريدون المساعدة .. وحنا مرينا بهالمرحلة قبل

لكن .. فيه مواضيع واشياء .. حرام والله تخسر دقيقة في قرايتها .. وفيه مواضيع أنت ما تقدر ترد عليها

ودائما أنهم يحطون اللوم على الطلاب المبتعثين أنهم ما يساعدونهم

على سبيل المثال :

1- طالب يبي يسافر ويسأل عن سكن عائلة .. انا هالنقطة هذي بكل رد اقولها .. يعني تبيني اطق على باب العايلة اقولهم عندكم سكن مثلا .. معروف ان اللي يدبر سكن مع العوائل للطلاب و المعهد نفسه .. وتلقى تذمر شديد من الطلاب ليه ما ساعدتونا

2- طالب يبي جامعة قوية .. تعطي قبول مشروط .. بولاية وناسة وسعة وصدر .. ورخيصة .. واهلها طيبين .. وما فيها ولا جريمة .. ومافيها سعوديين .. أنا مدري وش باقي .. وش هالولاية الخرافية اللي يطلبونها كل الطلاب .. وبالطبع مافيه ولاية بهالمواصفات .. بس يقولك .. أي والله ما ساعدتونا .. وبفسرها لك بعدة نقاط :

أ- ولاية كبيرة وسعة صدر ووناسة .. وبنفس الوقت رخيصة .. أبد لا يمكن أنك تجد ..

ب- وش بهم السعوديين يا كافي .. محد يبي ولاية يبي بها سعودي .. تراك انت سعودي .. والله من غيرهم أن أمريكا ما تسوى شيء ابد .. تحس أنهم ربعك .. وعزوتك وأهلك .. قال مابي سعوديين قال ..

3- ولا بعض الطلاب الله يهديهم .. يفتح لك موضوع .. وصاف لك 20 جامعة يقولك وش الافضل .. انا ممكن أعرف معلومات عن جامعة او ثنتين .. وتعطيه معلوماتك .. ويجي يقولك طيب ليه ما ساعدتني بالـ18 جامعة الباقية .. طيب ش تبي يعني اسوي .. أدور لك معلومات عن 18 جامعة بـ 50 ولاية .. على قارة كاملة .. علشان يرضى أخينا في الله


أخيرا وليس آخرا .. صدقني إذا الطالب المبتعث عنده معلومه .. والله ما بيقصر عنها عن الطالب المتعثر

وبالعكس راح يكون يفرح أنه يخدمه .. بس مشكلة بعض الطالب أنه يحس أنه مافيه أحد يساعد

وبالتوفيق للجميع إن شاء الله

بالنسبه للنقطه هذي لكن .. فيه مواضيع واشياء .. حرام والله تخسر دقيقة في قرايتها .. وفيه مواضيع أنت ما تقدر ترد عليها

فهي صحيحه انا اقصد الي يخرج وما عاد يرجع للمنتدى اما بالنسبه للمتواجدين فالي يعرفونه بيجاوبون عليه اكيد

اما بالنسبه لهذي - طالب يبي جامعة قوية .. تعطي قبول مشروط .. بولاية وناسة وسعة وصدر .. ورخيصة .. واهلها طيبين .. وما فيها ولا جريمة .. ومافيها سعوديين .. أنا مدري وش باقي .. وش هالولاية الخرافية اللي يطلبونها كل الطلاب .. وبالطبع مافيه ولاية بهالمواصفات .. بس يقولك .. أي والله ما ساعدتونا

فهي حلوووه ضحكتني فيها يمكن القصد ولايه في سطح القمر ههههه

يعطيك العافيه على الاضافه للموضوع

أوافقــــــك الـــــــرأي

انا متاكد ان الكثير يوافقني الراي ولكن يمكن الكسل او عدم الانتباه للنقطه هذي فلذلك يهمل فنرجوا التنبه

وشكرا لك اخي العزيز وبالتوفيق

موضوع في محله وانا من لان اي واحد يبي معلومات عن فرنسا ولايهمه ماله الايرضى,,,

اوافقكم الراي وفعلا لو كل واحد يكتب الخطوات اللي اتخذها واللي اصلا اخذها من اعضاء فادوه في المنتدى
اتوقع اغلب الاسئله بنلقى لها جواب ع طول
يعطيك العافيه ع الطرح والموضوع

واللله موضووع عالجرح
المفروووض الواحد قبل ماينزل موضوع يبحث عن موضوعه في البحث وبيلقى اشيااااء كثييره واذا مالقى ينزل موضووعه
لانه فيه كثيير مواااضيع متشاابهه

شكرا لك وبالتوفيق


نعم لكان وجدنا كل مانريد في كثير من المواضيع
الله يعافيك


استاذتي شكرا لك ردك موضوع كامل كفيتي ووفيتي بالتوفيق

هههه بعض المرات تلقى موضوعين مكرره في نفس الوقت في نفس المنتدى وماحد يدري عشان ما حد دور

يعطيك العافيه وبالتوفيق