ارجو مساعدتي فرج الله لكم همكم و يسر اموركم.

وش دعوة يا شباب ولا رد ........... معقوله محد عنده اي خلفية .

طبعا الوزراه تجيب لزوجتك قبول معهد من مكتب وانت تحاول تجيب قبول لنفسك من نفس المعهد من اجل تكون انت وزوجتك في معهد واحد وبعدين يجيك الاي توني وتقدر تقدر على السفاره
والافضل لك ايضا انك تجيب قبول جامعه مشروط بلغه او اختبارات للجامعه نفسها عشان تسهل انظمامك للبعثه

وربي يوفقك

نسيت بامكانك معادلة المواد اللي درستها يا يعادلونها لك من نفس الجامعه او يقولون رح الموقع الفلاني هم يعادلونها لك وفيه اكثر من موقع للمعادله وااذا تبي تريح نفسك تراسهلم من هنا يعادلون لك المواد والساعاات

وطبعا انت تكمل بكالوريس هناك يعني القبول الجامعي سهل اعتقد لمرحله البكالوريس يعني تقدر تدور لك جامعه من هناك في مرحلة اللغه وتشوف وش شروطهم والمعادله اللي يحتاجونها

وبالتوفيق

مشكوووووووووور اخوي كان _ زمان والله يا غالي وبصراحة ماقصرت..
طيب وش رايك لو جبت قبول معهد من الان لي ولزوجتي (عشان اكون بالولاية اللي ابغها )... بيوافقون الوزارة ولا لازم انتظر قبول المعهد اللي بيجوبونه للزوجتي ؟
اخاف اذا جابوا لها قبول من المعهد معين ما اللقالي قبول بنفس المعهد ؟
بالنسبة للمعادلة تعرف اسامي شركات تعادل ؟ وكم تكلف ؟


الله يسعدك والله يا غالي في دنياك

تحياتي ،،،

حبيبنا ابو نوف الله يوفقك وانت وزوجتك ويوفقنا جميعاً لما يحب ويرضاه

إذا جبت انت وزوجتك في معهد الجامعه هذا افضل لكم والوزارة على حسب علمي ماتمانع إذا الجامعه مقبوله عندهم في النظام انت حاول تدرس في معهدها عشان تكون عارف مصيرك وهدفك كثير من الشباب يجيب اي قبول ويقول إذا وصلت امريكا اغير على كيفي هذا مشكله ومصيبه كبيره جداً لأنه الملحقيه تبداء معاك بالصعوبات فمن الأفضل تجيب قبول اللغة تبعك في نفس الجامعه اللي بتكملون فيها اما معادلة الشهادة فيه كثير وفيه موضوع عنها وعن كيفية تسجيلك وإرسالك لهم شهاداتك

تحياتي

لا هنت والله استفدت منك ... بس معادلة الشهادات أو السجل الاكاديمي فيه كثير ممكن تفيدني بلمحة على الاقل عن طريقة او الاشياء المطلوبة وانا ممنوك على كل حال ...

تحياتي ،،،

والله يا الغالي ما ادري بس على حسب ما قريت من الشباب انك تقدر تغير المعهد والولايه من المكتب بس تعطيهم كم ريال ويغيرون لك واذا كان الامر كذا فالافضل لك انك تجيب القبول لك ولزوجتك واول ما تطلع الاسماء والمكاتب تروح لهم وتقول انا عندي قبول بس اعتمدوه وخلاص بس لازم تتاكد من الكلام السابق
واظن المكتب بالراحه يجيب لك قبول في نفس المعهد لان قبول المعاهد ما هي صعبه ويعتمد على جودته وهل هو تابع لجامعه والا تجاري


بالنسبه للمعادله تقدر تراسل موقع يعادلك كل شئ من هنا وفيه شرح كامل عليه تحصله في المواضيع الثابته هنا



القبول والتسجيل Acceptance and Registeration - .:: مبتعث ::.

وبالتوفيق في الدراسه والمعاهد والمعادله

بس خبرنا وش يصير معاك ترانا مثلك نبي نعادل ونبي ولايه اخخخخخخخخخخخخخخ ويمكن نكون مع بعض في نفس الولايه ونسوي تجمعات عوائل ههههه ووتشكرااتي