ساعدوني في تحقيق طموحي

أخوي Hunter Chance حياك الله ..

ما أبي أجلس أقولك طموح و تخطيط و أكوس شي .. " كلام مايفيد " ..



إذا إنت فعلاً تبغى الجامعات الكبيره .. لازم أول شي تجاوب على نفسك .. ليه ..!!

إذا عشان الوظيفه .. تكفيك جامعه من التوب 20 أو حتى 50 .. توظفك أحسن وظيفه .. و بتجلس بنفس المكان إللي بيجلس فيه إللي متخرج من " هارفارد " ..

إذا عشان العلم " و طبعاً الوظيفه " .. هنا أقولك ممتاز .. خليك معاي ..


أول شي بالنسبه لـ " هارفارد " وَ " كامبردج " .. فـ " أتوقع " مستواهم جيد بالـ " سوفت وير إنجنيرينج " ..

لكن مستحيل يتقارنون بالـ " MIT " أو " ستانفورد " أو " بيركلي " أو أو أو أو ................. إلخ ..

إنت محدد تخصص معين .. هارفارد تدرس فيها " قانون " أو " سياسه " أو غيرها من التخصصات هذي ..

لكن الهندسه مستواها " متوسط أو أعلى شوي " .. عشان كذا حاول تعرف الجامعات القويه بتخصصك .. مو بس بالإسم ..

هارفارد و كامبردج مستواهم عالي جداً .. لكن مو بالهندسه ..



المتطلبات :

1- " توفل " وليس " إيلتس " فوق الـ 90 و بعضهم 100 من 120 .. " أتكلم عن الجامعات الأمريكيه "

2- إختبار السات 1 " تختلف الدرجه من جامعه لجامعه و تقدر تراجعها عن طريق موقع الجامعه إللي تبغاها " ..

3- إختبار سات 2 " بعضهم إجباري و بعضهم يدعمك فقط "

4- إختبار ACT " نفس الكلام .. بعضهم إجباري و بعضهم لدعم ملفك " ..

5- أعمال و شهادات لامنهجيه " تفيدك بدعم ملفك " ..


و غير كذا أشياء كثيره .. حدد الجامعات إللي تبغاها .. إدخل على شروط التسجيل للطلاب الدوليين .. و إعرف إيش مطلوب منك .. و على كلامك لغتك ممتازه .. يعني الموضوع بالنسبه لك سهل ..


بالنسبه لك إذا بتدرس خارج السعوديه .. ماتحتاج غير شهادة الثنوي .. " و تقدر تذكر إن درجتك عاليه بالقدرات إللي بالسعوديه كدعم لملفك فقط " ..


لاتنسى : 100 ألف طالب يقدم .. 4000 طالب ينقبل .. " الهمه الهمه " .. " بعض الجامعات طبعاً " ..


شد حيلك و ربي يوفقك .. و إدعيلي معك ..

الله يحقق كل إمنياتك ويوفقك ويبعدك عن العين الحسود .. يآ رب

طبعاً لأن ستانفورد تخرج منها ستيف جوبز وإلي إخترع قوقل ويوتيوب .. يعني دايم ما يطلع منها ناس مبدعين
عشان كذا داخله مزاجي .. بالنسبه لـMIT إذا ما ضبط الوضع في ستانفورد وما قبلوني لاسمح الله بروح له وإن شاء الله يقبلوني .. والله ردك ع الجرح يبرى ^_^ يعطيك ألف عافيه ما قصرت.