جامعة هارفرد.

ما فيه شي صعب وما فيه مستحيل
والذكاء مو لناس معينه !

المشكله الوحيده الي تواجه الطالب السعودي هي التأسيس الخاطئ
حتى لو كان ذكي .. راح يتعب وهو يدرس في الجامعات القويه

ولاكن اولا واخيرا اننت شد حيلك وجرب ,, وإن شاء الله ترفع راس بلدك اولاً وأخيرا

أخوي إذا كان طموحك أنك تحصل وظيفة زينة ما أعتقد راح تنفع لك هارفارد و لا أنت راح تنفع لهارفارد..

هارفارد والجامعات اللي مثلها تصنع وزراء و رؤساء و مدراء شركات و باحثين بمستوى عااالي جدا، و حتى الجامعات الأقل مستوى من هارفارد ما راح تقبلك لو قلتلهم أن هدفك من الدراسة عندهم هو الحصول على وظيفة زينة..

كل الكلام السابق مجرد وجهة نظر متواضعة،، أتمنى أن لا تفهمها بشكل شخصي، و لكن أتمنى أن تعرف أن كثير من الأشخاص اللي هدفهم و طموحهم تغيير العالم بحثوا و حاولوا بكل وسيلة الحصول على قبول في هالجامعات و لكن الموضوع أصعب بكثير مما تتوقع..

الحصول على وظيفة جيدة و راتب روعة هو طموح كل شخص، لكن الشيء هذا منتهى منه بالنسبة لجامعات زي هارفارد و ستانفورد و ييل و برينستون و جورج تاون و إم أي تي و جونز هوبكنز،، أيضا التفوق غير مهم إطلاقا بالنسبة لهذه الجامعات لأن كل المتقدمين هم من المتفوقين و الموهوبين..

الشي اللي تبحث عنه هالجامعات هو الطموح، لأنك زي ما أنت تستفيد من إسم الجامعة، أنت -كخريج- لازم ترفع إسم الجامعة بعد تخرجك،، و المعيار اللي يحدد -تقريبا- هل أنت تنفع الجامعة أو لا هو الطموح المغروس فيك من الطفولة و اللي ما راح يسمح لك أنك تقضي حياتك موظف عادي بسيط كأي موظف،، و هذا هو اللي يخلي الناس تدق لك تحية كخريج هارفارد..

العام الماضي إلتقينا في جامعة الملك سعود بواحد من أعضاء لجنة القبول في كلية الهندسة في جامعة University of Illinois-Urbana و هي واحدة من أرقى و أقوى جامعات العالم في الهندسة و قال لنا بالحرف الواحد:
ال GPA ما نلتفت له
ال TOFEL ما نلتفت له
ال GRE نشوف بس ال ANALYTICAL
و أهم شي هو ال STATMENT OF PURPOSE اللي أنت تقدمه، نقرأه و نشوف وش هدفك من الدراسة عندنا،، إذا كان هدفك تشتغل مدرس في الكلية التقنية أو جامعة مغمورة (إمسك الباب)، إذا كان هدفك تشتغل موظف عاادي في شركة الإتصالات أو موبايلي (إمسك الباب)،، إذا كان هدفك تسوي شي في بلدك سواء في الأبحاث أو المشاريع الأكاديمية والصناعية، هنا راح يتأكدون من مؤهلاتك الثانية و هل أنت قدها،، إذا إيه ممكن جدا يقبلونك، و أنا شخصيا أعرف ناس متخرجين من سعود إنقبلت في ستانفورد (ثاني أقوى جامعة في العالم) و إلينوي-أربانا ، و كارنيجي ميلون و ميتشيغان-آن آربور و كلها من أقوى جامعات العالم في الهندسة..

أتمنى لك التوفيق في حياتك، و أتمنى أن تعيد التفكير في خياراتك،، لا أقصد أن تنسى التفكير في هارفارد و إنما تحاول التفكير في الهدف من حياتك و تحاول أن تبني طموح يتناسب مع تفكيرك في جامعة هارفارد ، فالوظيفة بالراتب العالي متوفرة بمجرد حصولك على الشهادة، لكن ما يصنع الفرق هو ما ذا ستفعل بعد تخرجك..

سعر الابليكيشن حدود 100 دولار
اذا تبي نصيحتي ماهي خسارة انك ترسل اوراقك وتجرب حضك
وافقوا خير وبركه. ما وافقوا فيه جامعات كثيره غيرها وبنفس القوه او اقوى
مثل
MIT
Berkley
Stanford
Carnegie Mellon

وغيرها من باقي الجامعات
بالتوفيق لك اخوي

وعليكم السلام ورحمة الله
1- التسجيل : اي واحد يسجل

Harvard Mobile Web

وبتحصل فيه كل المعلومات اللازمه
وخلينا نعرف ايش يصير معك
بالتوفيق

ما أعتقد هارفارد تقبل واحد ماعنده الامكانية انه يدخل موقعهم ويدور على إجابات اسالته.

اوافقك الرأي ... بس ننتظر ونشوف وش يصير مع اخونا

أسألتك ستجد الأجوبة لها في موقع الجامعة.

تحياتي

شي رائع انك تحلم ولكن ما هو هدفك من اختبار جامعة هارفارد ؟!؟!

عزيزي للاسف الكبير التعليم العربي هو احد اهم اسباب فشل وسقوط الطالب العربي من قائمة العلماء تعليم مترهل بدائي متردي لا فرق بين الطالب والاستاذ من اين اتيت شي مضحك ومحزن لا اعلم اين تاثير الاسلام والقرآن عليهم وهما مصدر النور و العزه اصبحا مجرد شعار نتفاخر بهما في المحافل بـــــختصار ..
ماريد قوله هو ان الاساس في الطالب العربي مفقود بل مقتوووول ولن يستطيع البروز من الـ 1.000.000 الا رجل واحد لذلك انت تحتاج الى اعادة تأسيس من اول وجديد كي تنافس على الجامعات العريقه انظر الى الهند و الصين يستحقرهم الرجل العربي وهما اصبحاء في الامام علمياً والعربي لازال يعيش على انغام ( عدينا الهوى عدينا ) و ( هل رأى الحب سكارى ) ...


احمد زويل رجل عربي مسلم ابدع ونال جائزة نوبل كلما شاهدة صورته و سمعت اسمه يوراودنا شي من الفخر ولو 0.1 % نعم نسبه معدومه جداً ولكن بداية النار شراره ... وسلملي على جوائز نوبل للسلام احتكار عربي كامل نبي نغير ياجماعه شوي ...

الموضوع يطول ويطوووووول ويفتح اهات وجروح لاحدود لها عندما يتعلق الامر بـ الرجل العربي و العلم كانك تتكلم عن المشرق والمغرب....

اتمنى لك التوفيق و النجاح والوصول الى غاياتك واعلم ان في هذه الدنيا لا يوجد مستحيل الا امر واحد فقط وهو ان تمنع الموت ... تقبل شكري

أؤيد كلام المهندس ابراهيم (+1), وأشكره على الشرح الممتاز فقلما أجد شخصا يستطيع تمييز الجامعات القوية ويعرف متطلبات القبول فيها...
أحب أن أعقب على الموضوع بالمعلومة التالية من واقع التجربة... أحد المدراء في الشركة التي أعمل بها يتقاضى راتبا شهريا 70,000 درهم إماراتي (ما عدا البونص), نعم يا سيدي هذه سبعين وليست سبعة...هذا الشخص ليس خريج هارفارد ولا ستانفورد ولا شيكاجو أو بنسلفانيا أو دارتموث وإنما هو شخص عادي من الجنسية الهندية متخرج أدب انكليزي من جامعة هندية لم أسمع بها في حياتي, ولكن الاصرار والعمل هو الذي أوصله إلى قيادة واحدة من أكبر الشركات المالية في الشرق الأوسط.

أنا أؤمن بأن الدراسة في جامعة قوية هي أحد أسباب النجاح, ولكن هناك أسباب أخرى لا بد للإنسان أن يؤمن بها ويعمل عليها حتى يرزقه الله في عمله. وأخيرا..إن لم تكن هارفارد فهناك الكثير من الجامعات الممتازة التي توازي هارفارد وتنافسها بل حتى تتغلب عليها في بعض التخصصات.

موفق يارب...
أخوك يحيى